咖啡弄 (已結業)

咖啡弄喺香港开咗咁耐，今次终于做好要排队嘅心理准备，决定去一试台湾风味净系要揾店舖位置，都用咗我唔少时间，Google map好似唔系准确标明，事关位置唔算开扬。最后终于入啱座大厦，大厦系旧式的。入到去先见到有个牌，箭咀写住咖啡弄喺上面。所以就行上一楼，当时1点，喺门出面未见人龙，得1、2个人等紧。我同友人就即刻入去攞飞。见到店内已经满哂人，侍应都开始忙，但仍然用亲切嘅方式问我地几位同埋叫我地耐心等候。等唔系问题，但要喺店外狭窄嘅位置停留愈来愈多嘅人，感觉有啲辛苦。加上除咗咖啡弄外，旁边仲有几间店舖，不时有人出入，经常要侧身让来让去，有啲麻烦等咗差唔多20分钟，终于有得入去 原本要坐大枱同人一齐撘枱，之后见冇几耐另外一张二人枱空咗，就问待应可唔可以转位，对方好好态度，即刻好快帮我哋安排先终于可以坐得舒服啲！食物种类好多，我哋都睇咗一阵先决定到嗌咩。最后嗌咗个1）总𣾀三文治、2）盐酥鸡、3）草莓waffle 、4) oreo沙冰、5) 菠萝沙冰。------------------------------味道：1）三文治几足料，肉质几唔会过硬过lum，夹埋个照烧汁，唔洗担心三文治干巴巴。