饞。台式食堂 (廈門街)

营业中

休息中

餐廳：饞。台式食堂地點：灣仔廈門街菜式：台灣野餐牌：幾款麵，飯，小食，原盅燉湯，茶飲。用QR code落單。牛肉麵 $78牛肉麵湯底我揀左原味，仲可以加$2揀四川麻辣。原味湯味道唔錯，完全唔油，感覺好正宗。有牛肉三舊，算腍而啖啖肉，仲帶少少筋位。個麵係陽春麵，幼身又有咬口，都唔錯。配有唔少生菜，紅白蘿蔔各一舊，同好多甜甜地既鹹菜，另外灑上蔥花，蔬菜份量都好多。台灣炸滷排骨飯 $59台灣炸滷排骨已經切好6大件，肉質超淋，帶唔少肥膏，有一件連骨，面頭灑上白芝麻粒，味道好入味，送飯一流。配有滷豆腐一片，滷蛋半隻，生菜，鹹菜同粟米粒，下底係珍珠米。鹽酥雞 跟餐加$20鹽酥雞一客六件，雖然唔係熱辣辣，不過炸皮好脆，肉質都算嫩，味道鹹度剛好。蜂蜜金桔檸檬 跟餐加$18蜂蜜金桔檸檬可以免費任選一款蒟蒻球或者椰果，我揀左椰果，下底真係有好多椰果，面頭一片桔仔，我叫左少冰。味道清甜帶微酸，加上爽口椰果，正！抹茶珍奶 跟餐加$18抹茶珍奶我叫左少冰同微甜，果然係微微甜，抹茶味淡淡地，珍珠都算煙韌，飲落都好滑溜。我加$1要外賣杯，飲唔嗮可以邊行邊飲。今餐食物質素都可以。餐廳裝修光猛新凈，座位及格。

路經見到個店名有D 好奇~5知點讀😁望吓入面既人~都OK多~就試吓啦🥳最初唸住食麵~入到去~見8成人都食呢個(鹽酥雞)~咪跟啦~炸雞係軟唸鬆脆~飯係👌既~ 伴菜仲有麻醬沙律🥬因為5係咁多店有得飲😎所以就揀咗杯紅荳奶茶🧋~比起港式奶茶淡多了~ 紅豆過軟~ 呢個午餐Set $74 都經濟...Just Try ~La…😘但食完都末知店名點讀呀🤔 ~~

𓇸 𓇸 𓇸與灣仔利東街一街之隔的廈門街，一向都是美食小店集中地。最近一名90後台灣女生開了一家地道台式料理店，名為「饞」，言簡意賅，就是美食店啊。白色店面，鮮黃色的logo非常奪目。未去台灣之前，先在這裏重溫一下台式美食。𓎥 鹽酥雞 $75必點推介！鹽酥雞很大一份，雞肉外脆內嫩，調味和口感都是正宗台灣味道呀。𓎥 手撕台灣走地雞肉飯 +$16.0另加$16邊有大大一碗手撕雞肉飯，真用上台灣米飯，吸收了雞肉汁後粒粒飽滿呢！𓎥 番茄半筋半肉刀削麵 $82刀削麵比較厚身，適合追求口感嚼勁的朋友，如果要掛湯的，可選擇陽春麵。不得不提他們家的牛肉很軟稔，很讚！𓎥 炸物拼盤 $38拼盤裡包括杏鮑菇、四季豆和花枝丸。灑上椒鹽，咸香但不會太油膩，伴飯伴麵都好搭。𓎥 芋香珍珠奶茶 $14甜到剛好，芋香濃郁，不會死甜的那種。𓎥 蒟蒻白桃烏龍 $12茶底蠻好喝的，有茶味但不會苦澀。最愛是他們家的蒟蒻，圓圓珍珠形的，不會卡吸管。難怪店子兩層高都經常座無虛席，原來食物高質素，而且定價合理。在灣仔尋找美食的朋友可不要錯過哦。𓇸 𓇸 𓇸

灣仔有間由90後台灣女生主理嘅台式小店 🏚️成間餐廳裝修以木系為主~ 俾人一種舒適感！Viola 超鐘意食台式😋！因為樣樣都岩佢口味！🍛解饞塔香鹽酥雞 配滷肉飯鹽酥雞 炸得香脆爽口 肉質嫩滑 香味濃兼有九層塔香味！旁邊配少少沙律 食落好舒服 解膩！滷肉飯肥瘦平均亦十分入味 分量好足 全碗飯撈曬💯 解饞塔香鹽酥雞+滷肉飯份量都好多 女女食得好過癮！🍜經典台式牛肉麵 (半筋半肉麵)湯底有3款（紅燒,麻辣,辣番茄口味）大大件肉 牛腩好軟熟 牛筋又彈牙 再配台灣刀削麵配上藥膳濃湯 好好味😋🍢炸物拼盤 鐘意食炸物嘅我 冇猶豫直接點了一個拼盤！乾扁四季豆+花枝丸+杏飽菇!!杏飽菇好大件！彈牙花枝丸炸得金黃香脆😍 🥤冰鮮萃蒟蒻球玫瑰蜜桃果茶 🧋芋香珍珠奶茶

唔好睇少灣仔的廈門街. 條街唔係好長, 但已經有各種地方的地道美食. 好似日本. 印度, 泰國及台灣等等. 呢期又有新店. 當然要試下. 今次呢間屬於地道的台式料理. 菜牌無咩特別驚喜. 但一望就會令你好掛住台灣.. 等一眾無得去旅行的大家. 懷念一下台灣菜的味道. 因為想share黎食, 所以無叫麵, 留待下次多個借口再黎.叫左三個套餐. 除左主菜外連飯都可以比你選. 分別係白飯, 滷肉飯或者手撕走地雞肉飯, 後兩個要再加錢. 由於同事唔想食有骨的食品, 所以我地要左鹽酥雞, 香酥雞排及古早味炸豬排.由於三份都選左椒鹽, 好坦白三樣的味道都好似. 皮脆肉質嫩. 個雞排同豬排係外表上完全分唔到.  味道跟在台灣吃的一樣. 旁邊重有配菜. 加埋個胡麻醬, 超好味.飲品跟餐的話會平十蚊. 不論冷熱都係好大杯. 我地分別叫左蒟蒻球白桃烏龍, 蜂蜜金桔檸檬及桂圓紅棗茶.我飲的桂圓紅棗茶絕對唔馬虎. 落左好多杞子重有兩大粒紅棗. 但好似唔多覺有桂圓. 不過係好味的. 唔會太甜重好夠熱. 同事都話佢地的飲品都好好味. 應該無咩伏.