井巷子 by 鋒膳

营业中

休息中

人愈大，發覺對辣愈來愈上癮！我指嘅辣不是食到噴火嘅程度，亦不是死辣嗰隻，而係辣中帶麻、鮮及香，多種層次嗰隻，咁先充分滿足到我！🤤🌶️近來，同幾位朋友去食米芝蓮食府鋒膳旗下嘅精緻川菜館「井巷子」，試下店家招牌嘅九道菜餚，果真味道無得輸，非常想推薦比大家！\前菜/✦ 麻辣鮑魚手撕雞 🍴4/5一睇前菜已覺得好有睇頭，麻辣鮑魚手撕雞用咗南非孔雀鮑及三黃雞雞絲，中間加咗黑醋及辣椒粉，鮑片煙韌，手撕雞鮮嫩，非常惹味！✦ 脆皮芽台乳鴿 🍴4/5至於脆皮芽台乳鴿，外脆內嫩，帶有淡淡酒香，濃郁嘅油脂香，令人一試難忘！✦ 白胡椒山藥雪蓮子班骨湯 🍴4.5/5食完較油膩嘅乳鴿，店家貼心配上白胡椒湯，清口腔同時喚醒味蕾。呢款湯入面有山藥及雪蓮子，清潤得嚟帶有濃濃嘅胡椒辛口感，非常暖胃。✦ 麻婆嫩豆腐伴炸饅頭 🍴4/5我幾滿意呢度嘅麻婆嫩豆腐伴炸饅頭，醬汁唔太辣，豆腐好滑溜，炸饅頭外皮乾身脆口，非常邪惡！略嫌炸饅頭數量不夠，感覺一人分2粒就無咗。😂\主菜/✦ 井巷子片皮鴨 🍴4.5/5呢款真係必點之選！味道真係無得輸！燒鴨皮脆肉嫩，帶有微微煙燻香！至於餅皮，則隨蒸籠座熱奉上，幾時攞餅皮食都新鮮軟熟，好正！此外，店

我仲好記得細個我好抗拒食辣，呀…就係唔知點解，人愈大，可能生活唔多唔少都有D乏味，所以慢慢對辣呢樣野有一份執著，而點解咁鍾意四川菜？或者呢種固有風味，不外乎四個大字「麻」、「辣」、「鮮」、「香」， 唔係一味死辣，而係有層次，而「井巷子」就岩哂我口味。👇📌前 菜 -▪️ 麻 辣 鮑 魚 手 撕 雞 - ▪️ 脆 皮 芽 台 乳 鴿 -▫️ 淨係前菜都有睇頭，第一道「麻辣鮑魚·手撕雞」用左南非孔雀鮑同埋新鮮三黃雞做主角，鮑片煙韌有咬口，手撕雞啖啖肉，夠哂入味，配搭西班牙25年黑醋定係三生川辣椒粉，絕對係另一番風味；而第二道「脆皮芽台·乳鴿」，燒到外層相當脆口，油香十足，裡面肉質嫩滑無比，仲有淡淡既酒香，高質之作！▪️ 白胡椒山藥·雪蓮子班骨湯 - ▪️ 麻婆嫩豆腐·伴炸饅頭 - ▫️ 飲返個熱湯間一間埸先，呢個「白胡椒山藥·雪蓮子班骨湯」飲落暖笠笠，白胡椒濃香得黎唔會太搶，唔錯；而「麻婆嫩豆腐伴炸饅頭」，食落醬汁唔會太辣，豆腐做到好滑溜，炸饅頭外皮脆口到索索聲，完全夠乾身，邪惡之最！📌主 菜 - ▪️ 川辣生炒羊肉鬆·拌荷葉餅 -▫️ 主菜方面，先試一試呢個人氣招牌「川辣生炒羊肉鬆·拌荷葉餅」，佢地好講究