貓麵

营业中

休息中

#港式eatcovery💡葵廣受歡迎嘅良心小店葵廣小食店林立，小編想食辣野，又見到依間勁多人排隊，於是諗都唔諗就加入依條長長嘅隊。🍽麻辣三寶麵$33有三餸，小編揀左麻辣豬耳、麻辣雞絲、麻辣墨魚咀。三樣食落都有驚喜，特別係豬耳，夠厚同彈牙，墨魚咀好爽😋麵類就揀左粉皮，好爽滑。店舖有好多有特色嘅醬汁揀，泰式、日式、意式、港式咩都有，樣樣都好想試！小編揀左胡麻醬，同粉皮好夾！最尾仲可以免費加青瓜絲同蒜茸，食落口態豐富，味道濃厚，又夠fresh！抵食！💛ps/可能排隊嘅客人太多，店主嘅語氣有啲勞氣，態度一般。味道：⭐️⭐️⭐️⭐️服務：⭐️⭐️⭐️環境：⭐️⭐️

今次去到葵廣二樓，食呢間好多人食過都話正嘅貓麵！😋 麻辣三寶麵 $33唔食得辣嘅小編都要試吓佢哋最出名嘅麻辣三寶麵，感覺係以前中學放學成日都食嘅冷麵嘅高級版。選擇好多，麵有4款揀，醬都有9款！三個餸我揀咗麻辣雞絲、麻辣豬大腸同埋鵝腸😬 醬就揀咗柚子醬，酸酸地可以中和返啲麻辣味。撈完出嚟都幾大碗，個冷麵索晒啲醬汁未，又辣又酸簡直係多重感官衝擊，好有層次😝 餸都好多，不過喺個底度，索晒啲汁，好辣好惹味！食完去搵間飲品店問杯嘢飲又一餐😁

麻辣三寶麵 $33今次叫左麻辣三寶，嗌左麻辣雞絲，麻辣墨魚頭，麻辣雞軟骨配冷麵。同埋叫左日式芝麻醬小辣😚 間鋪頭姨姨好nice😂 佢既撈麵份量好多 如果女仔當午餐應該會飽😍 佢既醬都落得好夠 令到你撈完食個陣唔會覺得干同無味！ 餸既份量佢都比左好多🥰 佢既辣唔係好辣 雞絲好滑😋 墨魚頭都算大粒 而且夠彈牙！ 個雞軟骨都唔錯 好脆😚。 佢仲會問你要唔要青瓜絲 撈麵再配青瓜絲多左份清爽的感覺🤩 令到個撈麵更加好味😋已經唔係第一次食 係不斷係葵廣食完再食既店舖黎！

炎炎夏日，吃涼食就最好不過。今天就來到了2樓的「貓麵」購買午餐。筆者點的是「麻辣三寶麵」。首先選擇麵底，有冷麵、粉皮、薯粉和刀削麵4款可選擇。然後就選撈撈的醬汁，共有8款。有些款式較為冷門，例如：柚子汁、鰻魚汁；穩陣起見，筆者選了秘制麻辣汁。最後就選3款麻辣小食，雪櫃備有十多款辣味小食，筆者今回點了豬大腸、水魷魚和娃娃菜。從圖片可見，撈冷麵份量頗大碗。吃完這碗麵後，基本上也不用再購買其他小吃了。（青瓜絲是附送的，店員會問食客進食與否才放碗。）筆者選了冷麵作麵底。平時吃此麵都是配港式冷麵的撈汁，想不到配上其秘制辣汁也很夾。3款麻辣小食的份量也不少。但因為全部被麻辣汁醃上了，味道上沒有分別，只是吃進口時，口感和質感不同而已。惠顧「貓麵」前，曾上來查看食評。筆者看見有不少食家都批評店舖的人態度不好，還好今回遇到的店員態度不錯。

今日放工同同事到葵涌廣場掃街，見有間以貓咪為題，多人排隊的冷麵店，又唔執輸食下~貓面濃情，份量十足，配料煙鴨胸/八爪魚/鵪鶉蛋鹹而香囗，其中鵪鶉蛋最入味，但粗麵味不濃，很清淡，如多添醬油或其他調味料將更味美。麻辣三寶麵，同樣足料，麻辣入味。整體份量十足，簡單飽肚的晚餐。