慶麵 (已搬遷) 新店位置

早兩日我地大角咀誤打誤撞試左呢間上海菜小店 -「慶麵」呢度嘅小籠包係即點、即包、即蒸！點解我地會知🤔？因為我地落左Order之後，就見住師傅係個開放式廚房搓麵粉、包小籠包、放入蒸籠，然後熱辣辣送到我地面前，超正😮！小籠包size比平時食嘅大隻小小；皮夠簿，做得唔錯；湯汁算多，但食落唔算係好鮮。整體上算係幾好食😋！生煎包都係即叫、即包、即煎。外層煎得夠香脆，但略嫌皮厚左少少；裡面湯汁都算多嘅，同小籠湯一樣都係唔夠鮮甜。都係啦！即叫、即包、即煮。呢個雲吞係我食過最大粒嘅云吞，一碗雖然只有6粒，但食到最後真心好飽。雲吞皮係唔算好簿，餡料超級厚實，食得到蝦嘅鮮味、瘦肉嘅厚實，但缺少左肥豬肉嘅爽口。味道唔差，但唔係上海嘅味道！很一般！酒味唔夠濃，雞肉亦唔夠滑。麵底比較淋身，冇咬口，質地我麻麻地。對於我地重口味嘅人黎講，夠麻，但唔夠辣，香味係足夠嘅，但味道偏甜左少少。呢間小店整體上味道ok，略偏甜左d；份量大份，而且係平民價錢💰，算係抵食之選👍🏻！

今日特登去試新開一輪的上海菜,地方不多,1個樓面都幾快手快腳!兩個人叫了5個送，食到4個。老公係小籠包控，周圍必點之選，今次呢間做得皮薄肉柔軟湯濃，合晒我們心水，足料😋正!值得推介!!我1人食晒6粒$40的紅油百花抄手,幾麻辣不過喜歡台灣款抄手多d,不會得麻字蓋過其他味道，但呢隻百花係蝦膠+魷魚整，d肉感好濃厚值得一試😁擔擔麵有小辣大辣，幾入味!老公食肉燥麵，湯ok!清淡之選。最後雞翼漏單。。無得試。。