姚姚酸菜魚 (希慎廣場)

营业中

休息中

今晚約左朋友行久違噶銅鑼灣，肚餓噶時候，2人都有選擇困難，於是就決定來呢間位於銅鑼灣軒尼詩道500號希慎廣場13樓1301號舖噶姚姚酸菜魚 因為2人都想食辣辣地噶野。然後又又又一次選擇呢間！環境超正，尤其係近窗位，一邊食，一邊欣賞夜景，真係身心舒暢。今次選左麻辣豚香鍋，材料豐富，有豬肉腩片，重慶酥肉，鮮豆皮，椰菜花，薯角，份量超級多，慢慢一大盤，味道麻辣鮮香，配飯一流。清新騰椒湯，材料自由搭配，有鮮蝦，鮮豆皮，油麥菜，木耳，豚肉，鱸魚片，湯鮮帶有藤椒噶清香，一口一口食唔停。黃金炸脆小酥肉，外層脆脆，配上辣椒面，好惹味。藤椒無骨鳳爪，藤椒香味十足，鳳爪脆彈，因為無骨，一口一個，超方便。彩虹烏龍冰粉，簡直比臉還大，配料有，酒糟，提子，花生碎，黑芝麻，丸子，紅豆，甜度適中，解麻一絕，吃麻辣噶菜必點。今晚呢餐，真係飽足12個鐘。

美極真係由細食到大，今次聯乘「姚姚酸菜魚」推出期間限定 — 美極®️鮮辣汁麻辣香鍋及豪吉®️藤椒油麻辣燙，兩款產品都均為期間限定😆🤟🏻先講麻辣豚香鍋，我哋揀咗豚肉香鍋，主角豬腩片塊塊都好大片👍 酥肉係重慶流行一種小吃，用豬肉裹上澱粉油炸而成，呢度既酥肉條條都好大條，絕對冇偷工減料！鮮豆皮、椰菜花、薯角，呢三個配菜絕對係呢一盤香鍋既精粹，全部都經過「美極®️鮮辣汁」爆炒，超級入味🙌🏼！姚姚秘製經典麻辣燙，我揀咗清新藤椒湯「豪吉®️藤椒油」佢嘅辣味係慢慢滲透出嚟，有少少漸進式嘅感受，一大盤麻辣燙樣樣都好足料，同埋擺盤都超級靚😆首先要講下大蝦，係有彈牙既感覺，鱸魚片非常滑嫰，最愛嘅萵筍片比左超多！個餐仲包咗一杯飲品，同埋三色冰粉，我就加咗錢升級做手打檸檬茶😆另外喺度見到我嘅最愛 — 北京烤鴨，咁就嗱嗱聲嗌返半隻嘆吓😄 估唔到佢仲包咗川味鴨架，實行一鴨兩食🦆✣ 麻辣豚香鍋 （豬腩片、重慶酥肉、鮮豆皮、椰菜花、薯角）$198✣ 姚姚秘製經典麻辣燙 $88- 清新藤椒湯- 寬薯粉條- 巴掌肥牛- 大蝦- 鱸魚片- 萵筍片- 蓮藕片- 千葉豆腐解辣奇兵、三色冰粉+$29 加配特飲✣ 北京烤鴨（半隻）$188