常滿雞煲火鍋專門店 (已結業)

樓底高，水泥灰色有點raw味的牆身，淺木色裝修配深色布藝梳化位，裝修有現代感。一隻雞份量有點少，雞偏瘦無咩肉，叫少辣不會太辣，我唔太食得辣都可以接受，唔會辣或麻到食咩都唔知。加+$10配老火湯，款式經常轉，正值38度的炎夏，特別炮製冬瓜荷葉薏米雪耳紅棗湯，消暑去濕，抵讚。用老火湯底打邊爐又比就咁雞煲加湯健康唔會一層油，而且食到食材原味。安格斯牛牛味唔太夠。芝心包爆芝小心辣咀。雲吞調味不輸雲吞麵鋪，皮薄清爽，蝦肉彈牙。粟米超甜，推介。冰豆腐份量多，吸湯一流。金沙墨魚丸$88六粒但中心咸蛋黃份量少而且完全唔流沙，非常失望。

很高興獲店方邀請到來品嚐這裡的名物—雞煲。在下一向屬口沒遮攔的巴喳港女，當然要如實報道是次食記。位於二陂坊的常滿共有兩個鋪位，據小妹觀察應該是一邊的廚房專門負責準備雞煲，另一邊負責準備火鍋配料，兩邊的裝潢格調亦大有不同，小妹被安排入座的是較寬敞﹑有沙發卡位的一邊，而另一邊廂則像較地道的火鍋店，但相當整潔，而且坐滿了人呢。常滿共供應兩款雞煲，分別是滋味和四川麻辣味。店員解釋，滋味雞煲味道會相對偏甜，可選不辣、微辣、小辣、中辣、大辣和勁辣，麻辣則較刺激一點，但亦說明這裡的麻辣比譚仔的還要厲害。我們最後選了微辣麻辣雞煲半隻（半隻$118；全隻$188，配走地新鮮雞每半隻加$20），其餘火鍋配料則由店方為我們安排。以走地雞肉製作的雞煲，肉質果然較實在，雞味亦較特出，個人特別欣賞雞胸位置，因肉質比平日常吃到的嫩滑，厚肉更顯肉質的彈性。可能我們錯選了微辣，醬汁的確不太辣，麻多於辣，香料味也比想像中濃。店員指因吃畢了雞煲後加入雞湯即成火鍋湯底，如選滋味雞煲的話會另配醬汁供客人自行調教湯底味道。個人認為這做法也可應用於麻辣雞煲中，或許肉香會變得更為主導。店方為我們安排的火鍋配料陣容龐大，有新鮮海鮮和肉