勁餃笑

营业中

休息中

今次黎到黃埔人氣排隊店 個名夠晒鬼馬🤣雖然鋪仔細細 翻枱都好快 唔算等好耐手工餃有好多選擇 多到menu有個option叫 "唔知食咩好"😂嗌左兩個6隻餃既套餐 $40 6隻煎6隻湯 再加左個麵食同甜品 食到好飽🤰🏻✿ (湯) 大蔥牛肉餃 +$6 ✿牛肉本身已經好入味 再加埋大蔥 令成隻餃好香! 大蔥爽脆 令隻餃啖啖都好有口感😆湯底係清甜既鮮雞湯冇味精感✿ (湯) 鮮蝦帶子豬肉餃 +$8 ✿相當足料 豬肉鮮嫩 原隻鮮蝦帶子好彈牙 充滿海鮮風味 🌊✿ (煎) 芝士辣雞餃 +$6 ✿香煎餃子都好出色 金黃香口雞肉辣辣地好惹味🌶️加埋邪惡芝士拉絲🧀非常過癮✿ (煎) 黑松露粟米豬肉餃 +$6 ✿黑松露味超重! 加入粟米除左帶d口感之外 仲可以令餃子甜d成件事就冇咁重口味同油膩喇~😗✿ 麻辣雞絲拌麵 +$30 ✿麵款揀左冷麵 係菠菜麵黎~辛辣麻醬可以揀辣度 食落麻味重但青瓜絲可以中和返🥒先麻後辣好過癮✿ 雞湯米線 +$20 ✿米線冧身 甘甜既湯底 中和返煎餃既油膩感仲可以配埋自家製辣菜脯食🌶️✿ 自家製蘋果雪梨水 +$10 ✿自家製飲品全部都好健康 用罐裝好衛生👍🏻好清甜解渴💦✿ 煎朱古力餃 +$

間唔中都會口痕想食下餃子。煮得好食嘅話，唔理係煎餃定水餃，都係好餃～我都鍾意食～而呢間就係一間煮到好餃同好食嘅港式粉麵嘅餐廳！環境相當簡潔乾淨，以木系裝修同貓咪做主題，十分舒適，而服務都唔錯～絕對要推介俾大家！˘ ³˘✎ 煎餃套餐 (8隻) ($132) 叫咗白菜豬肉煎餃同黑松露豬肉煎餃。白菜豬肉煎餃嘅豬肉味勁香濃，粒粒白菜增加層次感！表皮煎得好香脆濃郁，而啲餡都算多，唔會偷工減料 ˉ͈̀꒳ˉ͈́ 黑松露豬肉煎餃亦冇令我失望，黑松露味勁重，勁香口～粟米增加口感之餘，亦增添爽甜度，減少黑松露帶嚟嘅膩嘅感覺，表皮同樣都煎得好香濃脆口，餡料好豐富。另外仲叫咗麻辣雞絲拌麵($30)、涼拌菠菜($15)、醉雞翼($23)同埋凍羅漢果白茶($10)。拌麵好好味，亮點係嗰浸麻辣味，味道夠辣夠麻，好惹味～鍾意食辣嘅朋友仔一定要試。涼拌菠菜爽口新鮮，唔知加咗啲咩汁落去，食落好鮮甜，令人食到好開胃。醉雞翼酒味唔會太濃烈，只係起到點綴嘅形式，唔鍾意酒味嘅客人相對容易接受～羅漢果白茶嘅茶味相對較濃，伴隨淡淡嘅羅漢果味。✎ 花膠雞絲湯麵套餐 ($60) 湯麵材料有雞絲同埋兩塊花膠。花膠質感都算綿滑可口，拉麵軟嫩彈牙，湯

#MC帶你去紅磡 #MC帶你去黃埔.除咗米線店，餃子一樣開到成行成市。平時收工食米線多，今日決定轉一轉口味。見依間餃子店個名幾特別，又新開業新裝修，決定試一試。➖➖➖➖➖➖➖➖➖➖➖➖➖➖✨ 勁餃笑.餐廳主打新鮮現絞、現包、現煮的傳統及創意手工手餃。裝修新簇清雅，採用日系簡約設計，以暖色為主調，純白色牆身配以木系餐桌及柔和均勻燈光效果，倍感舒適溫暖。➖➖➖➖➖➖➖➖➖➖➖➖➖➖🥢 雙拼水餃｜.手工餃子皮滑飽滿，鮮蝦帶子餃用了珍珠帶子、爽彈蝦肉及粟米餡料，味道鮮甜；黑松露豬肉餃餃皮薄身，隱約見到黑色餡料，松露味剛好，餡料一樣有粟米粒，豐富了口感！➖➖➖➖➖➖➖➖➖➖➖➖➖➖🥢 雙拼煎餃｜.即叫即煎整煎餃呈微微金黃色，餃子底仲有少少冰花狀，十分吸引。芝士辣雞餃十分推薦！芝士中和咗辛辣口感，微辣易入口，十分惹味；韭菜豬肉餃香氣十足，肉汁滿滿。➖➖➖➖➖➖➖➖➖➖➖➖➖➖🥢 麻辣雞絲拌麵｜$50（跟餐加配 $25）.辣度有美式少辣/英式正常辣/特濃加辣。煙靭彈牙嘅拉麵配上辛辣麻醬、嫩滑雞絲、爽口青瓜絲，口感豐富而且味道刺激，先麻後辣，辣勁十足無死辣！➖➖➖➖➖➖➖➖➖➖➖➖➖➖🥢 花膠雞絲湯麵

黃埔最近開左好多新餐廳， 呢間食餃子價錢親民， 人氣都好高， 日系裝修明亮乾淨, 而家新張優惠仲有9折， 坐低見到師傅撈緊餃子餡， 真係每日係街市用新鮮豬肉牛肉現包，食得放心。 自家製辣菜脯好開胃， 連飲品都係自家製再入罐， 出面搵唔到！推薦湯餃， 雞湯好甜， 老闆話加左一款水果落去煲，試過嘅歡迎又估下係咩， 我估左3款都唔中。6隻水餃套餐 $40鮮蝦帶子餃 併 鮮蝦鮑魚餃 +$8好矜貴嘅材料，真係食到鮑魚同帶子粒係入面，口感層次豐富。麻辣雞絲拌麵 +$25建議跟湯麵，因為佢個湯真係好清甜無味精。6隻唔知食咩好－煎餃套餐 $44因為太多款餃子黎個盲盒， 估唔到有2隻係黑松露粟米， 雖然賣相燶燶地， 但唔會食到成口油，仲有少少焦香。羅漢果白茶（凍）+$10