甜記餃子 (已搬遷) 新店位置

🥟呢間長沙灣黃店餃子 非常出名 我當日都8點半去要等20分鐘左右先入到 終於都試到💛🥟湯餃 $38 8隻 $42 10隻可以揀單拼/雙拼 湯底有得揀雞湯/蕃茄薯仔魚湯煎餃 $42 8隻 $46 10隻呢個價錢雙拼真係好抵 一次過滿足幾個願望🥟煎餃： 粟米芝士雞肉餃 +韮菜豬肉餃 個皮煎得超靚 超香脆但又唔會好肉油浸餃子咁 連我呢個麻麻煎餃嘅人都覺得好好食🥰 韮菜係safe choice 個人覺得係最夾餃子 粟米芝士好特別 芝士味唔算好濃 但食下食下就有淡淡芝士味🥟湯餃：椰菜冬菇雲耳豬肉餃+粟米芝士雞肉餃 我揀左雞湯 🥰雞湯好清甜 可以飲晒清底都冇問題椰菜冬菇雲耳豬肉好清新 食落椰菜好爽口 有健康嘅感覺比起煎餃 湯嘅粟米芝士餃會更食得出有芝士一淡一濃 配搭完美🥟重點推介佢個辣菜甫 無論配湯定煎都一流 提升左味道又唔會過份濃或辣🥟麻辣雞腎 $28因為餃子製作需時 都要大概15分鐘 等食主菜期間 好適合叫個小食 麻辣雞腎份量不少 麻辣味好香 如果麻多少少更好😂味道：環境：服務：性價比：

呢間餃子店每次經過都想試，但每次都見到好多人排隊卻步。今日9pm行過見到唔算多人，所以決定一試。等咗半個鐘左右就可以入座啦。排隊嘅時候已經諗好咗要食乜嘢啦。因為朋友有講過呢度嗰啲煎餃比較好食，所以今日一次過就叫咗三款😛首先係芝士粟米雞肉餃子，因為本身個人都比較鍾意食粟米所以一咬佢係有驚喜嘅。佢個餃子皮係好薄，咁所以食落去無咁重粉，係好食好味，加埋佢嗰個辣菜譜成個口感又即刻提升左。另外仲嗌左菜芯豬肉餃，喺其他餃子鋪好似都未見過有菜心餃嘅，咁所以一見到就覺得好特別。咬落口係淋嘅，比我想像中嘅係有啲分別。因為我比較鍾意食爽嘅，所以下次都未必會再試呢一款的。但係個味道都係好菜芯味嘅。第三款係西洋菜豬肉餃，一咬落去都係好大浸西洋菜味，好似飲緊西洋菜湯咁，味道唔錯嘅。除咗餃子我哋仲叫咗兩款小食：口水雞同埋麻辣雞腎，嗰個汁兩個係相同嘅。如果鍾意食辣又唔想單調淨餃都可以試下呢兩個小食。最後就係呢度見謝謝都好Nice嘅。因為我哋叫嘅全部都係煎餃，我又想試吓佢嘅湯，咁所以就問咗加湯要幾錢，咁佢就話加$4。但唔知係咪因為我哋兩個人叫咗五樣嘢，食所以佢最後免費送咗俾我。開心！

我是一個餃子控，但是這家餐廳如果不是在電視節目聽過，自己也未曾留意過。幸好朋友陪我專程到長沙灣來品嘗，品嘗過後有一種相逢恨晚的感覺，因為真的十分有驚喜，而餃子以外的餸菜亦同樣吸引。餐廳環境都頗為擠迫的，亦相信很受大家歡迎，因為我們是大約晚上8時才到店舖，但仍然有很多食客光顧和買外賣。未來到餐廳前，我已經想定要點甚麼，就是醉雞、麻辣雞腎、蕃茄薯仔湯鴛鴦餃子(西洋菜餃和韮菜餃)以及煎栗米芝士雞肉餃，另再點了洛神花茶。每張枱上都有麻辣菜莆，這個菜莆比起麻辣雞腎還要辣，但就更為香口，配餃子一流。先來的就是兩道冷盤。醉雞的酒香十足，卻沒有帶任何苦澀味。雞肉軟滑，但油份亦非常充足，怕肥的我要慢慢挑走肥膏。至於麻辣雞腎，是我喜歡的質感，因為並不柴口，夠軟熟入味，如果喜歡爽口的可能未必滿意口感。這道菜麻辣味夠，又不會過份辣，令人上癮。再講一下蕃茄薯仔魚湯的 西洋菜餃和韮菜餃。每隻餃子都皮薄包滿，內涵超豐富。調味亦適中，首先吃西洋菜餃，獨特的香味令我覺得非常甘香可口，而韮菜餃則是一貫的美味，但相對比較普通。湯底則是清甜新鮮，有住家風味，與餃子十分配合。餐廳另有芫茜餃的，下次必定會再來嘗試。到最後亦是最有

餃子愛好者❤️呢間既餃子好既係皮好薄餡料夠新鮮，比較實淨 但唔係會太多，但我個人鐘意比較實淨既大隻d🤪。湯底比較清，唔該係老火湯果種，但都鮮甜。我都加左個台灣麵，夠幼身，所以配埋果個清甜既湯底都好夾。小食嚟講無咁出色，滷水牛展，牛展炆得好淋，但係冇乜滷水汁嘅味道，因為個汁係最後淋上去。麻辣雞腎，佢個汁係口水雞個汁，都係淋上去所以唔多入味，同都係偏淋身。清清地食個餃子呢到都係一個唔錯既選擇☺️☺️

開左一排終於碰啱時間同男朋友一齊黎食。我一向都鐘意食餃類～所以黎到當然係叫個餃子先。今次叫左西洋菜餃拼菜心豬肉餃（呢度嘅餃子都幾多唔同選擇，有啲都少見）個西洋餃真心好好食，入面啲餡尤其是啲菜唔係太碎，有啲咬口但又唔會老到有渣咁呢餐仲叫左個醉雞湯麵同麻辣雞腎個醉雞比到驚喜，好香酒香同入味，加埋少少花雕酒食好滿足個麻辣雞腎份量都多，口感就無平時食嘅咁脆咁爽，不過個辣味唔太過份，唔會一食完就食唔到其他野嘅味道。晚市黎係等左陣位，唔算太耐，都見有唔少同路人特登黎支持黃色小店～野又好食又有良心，以後一定多啲黎捧場！

今日約左未來奶奶食飯，我地中午都唔鍾意食太多同太heavy既野，所以揀左餃子店，最適合當午餐或下午茶啦😋由地鐵站行過黎都唔算好遠，餐廳就喺喜盈對面，附近比較多舊式茶餐廳，呢間餐廳帶少少工業風所以特別顯眼。餐廳裏面都係用水泥風格既牆，唔算好多位，一邊係對牆既座位另一邊就有四張檯左右。餐牌主要有主打既餃子🥟啦，仲有幾款麵同小食。餃子全部都係人手包，我地仲見姨姨坐喺一邊包餃子，企理乾淨。餃子有分湯餃同煎餃，仲有期間限定，今次既限定就係西洋菜豬肉餃子。我地叫左雙拼餃子，一個係西洋菜豬肉，另一個係京蔥羊肉。豬肉餃好足料，食落去啖啖菜同肉，皮又薄👍🏼羊肉好重羊味，但又唔會好羶，只係京蔥切得比較大粒，鍾意食羊既你可以一試😝$38就有8隻，仲可以雙拼，性價比十分高👍🏼👍🏼👍🏼湯底用左蕃茄薯仔魚尾湯，比較鮮甜，同餃子都幾夾！我地仲叫左醉雞麵($40)，醉雞既酒味都幾重，雞肉都算滑嫩。而麵就用左自家製雞湯做湯底，雞味唔算好重但配麵都唔錯。麵可以揀米粉，米線或者台灣麵，姨姨推介我地試下台灣麵，比較特別同好味，麵既口感都唔錯，同米線有少少相似，大家都可以試下😋麻辣雞腎($24)出乎意料地好味，麻辣唔算好辣但花

自從有次同同事黎試左呢度既湯餃後，就一直對佢念念不忘，但奈何小店同office有段距離，所以一直未有再黎。今晚係附近食左個好難食既晚餐，令人心情低落😔，所以決定要黎食甜記餃子，取悅下自己先得😆。之前試過佢既湯餃，今次就試煎餃，再加個小食。韭菜豬肉拼洋蔥牛肉煎餃十隻 ($44)餃子煎到表面金黃，賣相吸引。餃子皮仍然很薄，食落唔會覺得成口麵粉，不過金黃色既皮唔脆，估計油溫唔夠，令餃子皮吸油多左而變淋，油膩感亦高左。韭菜味香濃，菜肉比例岩岩好，配埋小店自家製蝦米菜脯食最正。洋蔥牛肉餃相對無咁飽滿，洋蔥清甜，牛味偏淡。個人認為呢度既湯餃比煎餃好味。麻辣雞腎 ($24)雞腎爽口彈牙，配個又麻又辣既醬，非常惹味!! 以呢個價錢非常抵食。