甜點

营业中

休息中

悅來酒店斜對面, 富麗商場開了間新甜品店, 格局跟一般糖水舖不同, 裝修簡潔, 而且設有Bar檯, 十分舒適, 可能新開關係, 樓面招呼親切, 我猜應該是老闆之一, 坐低即介紹店舖皇牌甜品"黃布甸甜椰", 他們特別於店內張貼了這款甜品大照片, 非常搶眼, 當然即時點了, 再加上"綠茶雪花冰"及"三味窩夫" - 先說說"黃布甸甜椰", 入口非常濃郁椰香味, 最欣賞是味道不會太甜, 而且, 師傅把椰青水造了Jelly, 加上雞蛋布甸, 入口清爽, 果然沒介紹錯, "綠茶雪花冰"配上紅豆綿花塘上蝶, 味道賣相還可以, 可惜份量少了點, 最後"三味窩夫", 上碟時我個女"嘩"左一聲, 賣相極好, 比美高級酒店, 聽說師傅以前是酒店甜品總廚, 怪不得, 當然相機先食, 窩夫外脆內軟, 雪糕三種口味, 食完都飽晒! 不過還有很多改善地方, 點單後等待時間較長, 特別是窩夫, 要十五分鐘, 店員解釋是製作需時, 空調時冷時熱, 不過通常新店都有這些"甩漏", 總括而且, 還是籍得推介

經過見到 新開張 ，有妹妹仔派傳單，推薦食黃布甸甜椰 ，ok 就點左黃布甸甜椰 成個椰子上 有啫哩 有滑溜布甸 有埋椰子汁 又香又清甜見傳單有午餐食 意粉 薄餅 價40 幾 同旁邊茶記其實差不多

行過見到新開 又有妹妹仔派傳單 咁就入左去 入到去先知食新派甜品 以椰子野為主打 ，午餐下午茶又有意粉 薄餅。 好啦 經過 又一位妹妹仔介紹食開業 推薦黃布甸甜椰 ，5分鐘有啦 先影相打左卡上fb ，食開有椰子啫哩 爽 舊黃布甸 又真係滑 撈埋椰子汁 咁又唔錯 唔膩 幾好，埋單走人又有妹妹仔歡送。完。搭往西環的紅van寫。