甜點

营业中

休息中

呢間餐廳有正餐又有甜品正餐意粉個d又唔係好貴下次有機會試下先極品榴槤冰 ($65)價錢略貴 本身以為會大份d點知都係一人份 一個食哂就岩😂佢冰個味應該係加左玄米一入口個口甜到飛起不過跟住配榴槤蓉就岩岩好冰入面都仲有榴槤蓉即刻覺得抵食番d😂 整體都好食嘅

應該不太多人知道她的存在，因為他的店舖位置不太顯眼，如果不是有媒體介紹，基本上也不知道她的存在，這天是下午茶時段來到這裏，就即管一試，因為在荃灣區吃冰品的甜品店真的不多，除了松記，暫時也想不到有另一間，這間餐廳原來除了甜品，還有西餐可吃。但已吃過午飯， 所以只點了她們的冰品一試刨冰—黑糖豆粉味＄５８＋小丸子綿密的刨冰，不是大顆的冰粒。味道主要來自面的黑糖漿因為有最低消費，所以另外加點了小丸子，黃豆粉份量也不少，濃濃的黃豆味，很滿足。這間可以是松記以外的另一吃冰類甜品的選擇。

甜點Hearts Dessert💚鮮芒果味刨冰+豆腐雪糕 $63Oreo碎碎味刨冰+曲奇雪糕 $53人均消費: $58 (2人)-鮮芒果味刨冰+豆腐雪糕🥭芒果冰入邊加多咗個豆腐味雪糕 雪糕偏向沙冰 唔係Creamy雪糕嘅感覺🍧都幾重豆腐味嘅 芒果冰出面有啲煉奶同芒果醬同埋有cream有芒果😝啲芒果份量都算多 都算大粒同甜🥰芒果對我嚟講 甜得滯(芒果 醬汁 整體)啲冰係比較綿密 幼細🍧去到底 先係一大嚿硬梆梆嘅冰不過啲芒果唔係嚿嚿都甜有啲🐱食到酸酸地 外面因為有煉奶 所以好甜 好重奶味但中間嗰啲 味道比較淡 有啲似就咁食冰🥺不過豆腐雪糕可能雪耐咗 硬得滯🍨味道都係較淡佢嗰個cream唔係普通忌廉蛋糕嘅cream食落去 係幾smooth 唔會食到好漏嘅cream．Oreo碎碎味刨冰+曲奇雪糕🍪Oreo 勁大浸奶味外面嗰層都係有煉奶 缺點係溶得好快 證明佢真係用真嘅冰🧊佢中間入邊有個曲奇雪糕喺度 同埋有啲Oreo碎都幾好食🤤不過中間個位牛奶味唔係好夠味道比較淡啲🥺相比起芒果 佢可能因為冇咗芒果醬 Oreo冰嗰個甜度係我接受到嘅範圍😝唔會太甜 甜得滯 佢嘅Oreo碎都係脆 即使入邊嗰啲Oreo

平時喺荃灣食甜品，通常都會去路德圍，呢間位於荃灣嘅甜品舖雖然好唔起眼，但係竟然有得食刨冰(⁎⁍̴̛ᴗ⁍̴̛⁎) 自己真係好鍾意食刨冰，所以特登到訪，估唔到又平又抵食，仲要幾高質素✨今次揀咗嘅係黑糖豆粉味刨冰 ($53)，雪糕有四個口味，自己就揀咗豆腐雪糕🍦佢最外層嘅冰係加咗牛奶同埋黑糖，甜度啱啱好🤎食落去刨冰口感都算唔錯，夠幼唔會刮口😛一開頭以為黃豆粉味唔算好重，點知食到一半發現超多黃豆粉同小丸子係底😳收埋咗喺入面嘅豆腐雪糕就正正常常，但係佢哋嘅小丸子真係好煙韌，份量都幾多🫶🏻整體來講性價比都好高👍🏻不過食咗另一個口味士多啤梨味刨冰 ($57) +$6芋圓兩者都係一般，但係$6有11粒芋圓都係性價比高🫡 真心推介大家一試😛

經過見到餐牌有好多唔同款式甜品揀，加上網上評價幾好，就入去試吓，點知失望而回😟🔻凍芒果西米露 $41成碗好稀，味道好淡，食唔到椰汁味芒果偏酸，可能唔係當造季節西米份量足夠，味道一般🌟 Lamlam脷指數 😋(1/5)🔻凍芋圓西米露 $40芋圓西米露配有芋圓、小丸子、雪糕、紅豆、西米、椰汁雖然份量好足，但係成碗都好稀，味道亦都好淡，食唔到椰汁味芋圓偏硬，小丸子粉味好重，唯一係雪糕味道正常🌟 Lamlam脷指數 😋(1/5)🌟整體評價: 雖然份量足夠，但味道好淡，同一個價錢出面有更多選擇，食甜品唔會再返嚟🌟 Encore指數 ⭐️(1/5)

📍甜點 (荃灣)荃灣荃華街44號富麗花園B商場地下62號舖以為呢間舖頭只有甜品，但原來有好多嘢食見餐牌有漢堡包薯條意粉等等，今次食住甜品先，下次要來試吓其他🤩🤩🥄椰汁桃膠芋圓 💰39外賣買返屋企食，一打開個盒好香椰汁味🥥，食落口甜度適中👏，桃膠恰到好處，芋圓好有咬口，都好足料。

今晚晚餐食得早，喺荃灣行吓街就想食宵夜啦。由荃灣地鐵站一路行沿途經過荃豐中心去到AEON嗰邊附近，天橋底下見到呢間糖水點，本身諗住入去食糖水，但係見到隔籬枱叫咗個漢堡包薯條，忍唔住自己都叫一份😝落單之後好快就有啦！賣相唔錯👍🏻我叫呢個係蘑菇牛堡薯條加芒果汁$84首先第一啖咬落個包好鬆軟，裏面嘅牛肉同埋芝士配埋醬汁好正！薯條好香脆，另外自己可以再加芝士粉味道更加好！😋最後杯芒果汁，唔太甜又唔係好酸味道啱啱好，感覺似真係有芒果果肉造成嘅芒果汁🍹最後我係好想食佢嘅糯米芋圓糖水，今次食得太飽啦！我唯有下次啦！

邊倜估到街角平平無奇既甜品店入面竟然有齊意粉同漢堡裝潢簡單自助點餐今日主力食漢堡 價錢大概70-80一個餐松露牛堡松露醬好香 漢堡既囗感帶啲彈性飽皮好似烘過下 少少焦甜味性價比唔高但質素唔差

呢間甜品鋪望落細細間唔係好起眼咁，但係甜品既選擇都幾多，而且中西式既都有，質素都幾高又唔算貴。  1️⃣黑糖豆粉味刨冰（$56） 個刨冰都幾大個，面頭鋪滿黃豆粉，食落甜甜地帶奶香🤤啲冰係入口即溶既，磨得好細碎，日本刨冰既感覺。刨冰中間仲有一球雪糕🤩有四種口味既雪糕可以自己選擇，我就揀左曲奇味。除左雪糕之外，入面仲有啲小丸子。成個刨冰好好食😋完全係驚喜之作，冇諗過係呢啲小店都會食到咁有水準既刨冰👍  2⃣️芋圓丸子凍（$36） 面頭係椰汁，浸住啲小丸子同芋圓，食落都幾煙韌。最特別既係個底！個底係椰皇凍，食落有啲似啫喱咁，但係冇咁甜，滑滑地好好食☺  3⃣️海底椰鮮奶燉椰（$54）原個椰皇上😍面頭有啲海底椰食下，而下面就係燉蛋白，食完仲可以刮下啲椰肉食，好滿足😙 

今日下晝見肚餓想食個下午茶，見依間甜品店好似幾多野食就入去坐下啦。點知一入到去原來間野咩都有 舖仔細細五臟俱全！連意粉同漢堡都有，本身冇咩期望但見堆食物相幾令就叫左個漢堡薯條同埋三文魚厚多士，嘩！一試不得了，完全喜出望外，值回票價，兩樣印係超水準發揮！而且兩樣夾埋都係一百二十蚊內！話哂係甜品店，見咁好食就叫多個桂圓杞子燉桃膠，當然都係相當足料，份量十足，絕對對得住佢地甜品店招牌，下次一定要再encore!!!

早兩日妹妹生日，咁就梗係要整返個生日蛋糕啦，但係夜麻麻啲舖頭閂晒，都唔知去邊度搵個蛋糕返嚟，但係佢仲未收，所以就買咗兩個心太軟。心太軟食落好好味，啲雪糕攞到返屋企啱啱好，價錢又唔係貴，所以都好推介呢一間甜品店。

到夜晚9點個人就有d 餓底feel於是又係時間外賣糖水喇🥳.尼度睇下果度望下就決定order 尼間甜品黎個疫情下既苦中一點甜啦！.order 左 :1. 芝麻湯丸杏仁露2. 海底椰蛋白燉椰皇.好快地 個order 就飛左黎門口pick up 時稍為覺得有d 細細份既感覺始終都成舊水亦食唔少糖水鋪個椰皇真心細兜仔.味道方面*杏仁露一打開個蓋已經好出色香味四溢裡面有3粒芝麻湯丸味道偏甜可以～.*海底椰蛋白燉椰皇面頭有幾片有咬口既海底椰再加蛋白燉出椰皇香甜味道甜而不膩覺得尼個比較好味.整體黎講ok但因為附近太多糖水選擇抵食度相對唔算高

呢排大家都因為疫情而少咗外出堂食，所以好多餐廳都開放自取外賣，今次好想食甜品又想食一啲飽肚嘅食物，所以就喺荃灣較隱蔽嘅地方搵到呢一間甜品店。我再細心啲留意餐單上面嘅食物，發現原來呢一間甜品店唔止售賣甜品，連煮食都有得賣，例如：漢堡包、意粉、厚多士等等。 BBQ烤味堡套餐呢個漢堡包入面嘅牛肉扒尚算厚身，雖然肉質保留得唔多，但仍然食得出BBQ烤味，整體來講較多士好食。成個餐會配埋薯條，加購買椰汁西米露都只係需要$10。鮮芒甜椰椰果凍配合埋芒果汁同新鮮芒果，味道非常清爽清甜，食到底嘅時候仲可以用鐵匙羹刮埋側邊嘅椰子肉🥥，唔會嘥咗半個椰子。呢款甜品我非常推介，唔會覺得太甜之外，亦都滋潤到喉嚨，係一個唔錯嘅選擇。

.📍甜點Hearts📍#饅頭去荃灣 #饅頭食西餐------------------------------1️⃣卡邦尼煙肉忌廉意粉 ($47)呢度嘅食物價錢好公道，份量以50蚊樓下嚟講已經唔算少，夠飽肚。意粉軟硬適中，忌廉落得足夠，面層放上煙肉、蘑菇、黑椒同芝士粉等配料，撈勻之後可以見到每條意粉都掛上忌廉汁同有輕微嘅芝士拉絲效果😋，口感幾creamy細膩；至於忌廉味道就唔算好濃，但冇話比黑楜椒搶走，煙肉質地都正常，如果加埋洋蔥令香氣層次冇咁單調就更好。整體味道算唔上頂級好味但亦唔馬虎😆，以呢個價錢嚟計小編覺得幾滿意。◾評分：7.2/10------------------------------2️⃣凍朱古力 (+$2)朱古力味係夠嘅，但感覺啲粉未溶曬，口感有些少嚡。◾評分：6.4/10------------------------------🔸整體評分：7.1/10🔸小編回頭率：6/10

雪糕小丸子 ($32*/$36)*優惠時段為每日12:00 - 18:00以前細細個食芒果甜品基本上別無他選，都係去許_山多xddd 不過之後加價貴咗好多，質素又差咗，唯有搵下有無其他小店可以取代下啦～有一日誤打誤撞咁入咗呢間小店，發現佢都有唔少芒果底嘅甜品，所以就叫咗雪糕小丸子試下(因為見呢款好似好多料，有雪糕、小丸子、芒果、西米、芒冰)，實物係有驚喜嘅，有好多粒小丸子呀，而且都好有咬口，芒果夠甜唔酸，所以都好滿意呀！雪糕我就揀咗曲奇味，同西米同芒冰一樣都正常發揮，不過不失！原來每日仲有優惠時段可以再平多幾蚊，都唔錯，如果平時行過附近熊貓或者碌完拎都可以一試～