小魚兒 (金馬大廈)

营业中

休息中

🌀天氣終於轉凍喇，終於感受到寒風的感覺。天氣咁寒緊去食啲熱嘢啦，打邊爐雞煲烤魚就最好不過啦！今日熊妹放假，就同阿豬媽去到尖沙咀《小魚兒》暖一暖個胃先。📌雞煲烤魚酸菜魚鍋俾阿豬媽揀，阿豬媽劈頭就話要食《小魚兒》招牌菜烤魚啦，都啱嘅，食野梗係食店舖皇牌之選啦。📌星期六下午兩點嚟到，都幾多人下喎，一入到去已經好香嘅烤魚味道，即刻令人食慾大增👅。📌碳火風味烤魚🐟，第一步就係要揀條魚先。有海鱸魚🐟、江團魚🐠、凌波魚🐬同鴨嘴魚🐡揀，價錢就有$308至$378，估計都係分等級來分價錢嘅，咁脆脆地就試吓海鱸魚啦。📌第二部就係揀烤魚嘅口味。口味都好多選擇，有花膠蟲草、麻辣、爆醬鳳梨、泡椒剁椒、酸菜、蒜香豆花同毛血旺等等，真係好多配料揀，當中有啲配料口味要額外加錢。阿豬媽就話試吓個爆醬鳳梨香辣豆花，加$18 ，食香辣烤魚之餘又可以食返舊鳳梨🍍解下辣。烤魚-海鱸魚，$308，爆醬鳳梨香辣豆花，加$18好大一個爐♨️，好大一條烤魚。阿豬媽咁食得辣，揀咗中麻中辣，話明爆醬，成兜魚都浸滿麻辣醬汁同一堆辣椒皮🌶，另外仲有好多花椒就係形成中麻嘅味道。海鱸魚慢慢滾呀滾，嫩滑的魚肉同麻辣醬汁滾埋一齊食，好惹味，烤魚入邊仲有

今日嚟到一間尖沙咀好出名嘅餐廳食魚🐠黃金蒜香魚（海鱸魚）$308肉質鮮嫩，而且非常之多肉，最開心嘅係竟然唔算好多骨，每一啖都係滑捋捋嘅肉，入面仲有寬粉同豆腐添，豆腐在朔埋啲魚汁一齊食，簡直爽😇精選美國肥牛片$128肥牛嘅份量非常之多，而且肥肉嘅地方同牛嘅比例非常之好，每／塊係超級大塊，我哋兩個女仔，最尾都係食唔晒😫蒜香牛油扇貝兩隻$38大大隻扇貝😍，加埋蒜蓉汁，非常之惹味可口一啖一隻絕對唔係問題👌🏻🫶🏻黃金組合$68入面有齊金針菇，土豆🥔，蓮藕同海帶我覺得呢個蔬菜拼盤係非常之抵食，而且份量好足夠，鍾意食蔬菜嘅我絕對不能放過😍小魚兒 (金馬大廈) (尖沙咀)尖沙咀金馬倫道16號金馬大廈1樓

今日忽然氣溫驟降，得十五度嘅天氣下，真係好想食火鍋，當掃緊社交平台諗食邊間嘅時候，見到烤魚有訂座三重優惠，全單8折，海鱸魚價錢免費升級為江團魚，送泡椒雞翼尖！訂完座我準時出席，食個久違了的最笠笠烤魚～呢間人氣店真係好多人好full！好在book左檯唔洗等太耐就有檯。美顏滑溜嘅江團魚，魚鰭、肚、頭都好豐富骨膠原架～用香料醃完再烤過之後，放上爐再加入我自選嘅bb麻辣老壇酸菜，香麻辣加上超多配料，好似滑豆腐、牙菜、芫茜、洋蔥等等，好味呀～食酸菜魚點可以無蓮藕、金菇同薯仔架？（本人口味而已😆）另加呢個黃金組合最岩我！仲有海帶添！食食下覺得唔多夠喉，再加米線同冰豆腐，米線夾到不得了！滑滑飽肚又吸味，冰豆腐好香豆味，少少酸菜魚味濃郁黃豆味，飽哂！暖笠笠又滿足～

難得開番晚市堂食 當然去食d平時屋企食唔到既野啦🤤真係好耐冇出街食烤魚打邊爐🍲
咁啱見到某APP有8折優惠 就黎試下!🥢爆醬鳳梨香辣豆花江團魚 ($338) 
烤魚入面有豆腐芽菜等 竟然仲有菠蘿 好創新😂未滾起之前已經偷偷食左舊 超級甜滾耐左菠蘿既甜味更加突出🥰湯底揀左小麻小辣 夠晒濃 唔會過咸 越食越惹味😋有4款魚可以揀 今次揀左少骨既江團魚 油份較重 嫩滑厚肉👍🏻不過4個人食有d唔夠喉🤣
🥢香蒜燒生蠔 3隻 ($78)
我地4個人叫左兩份 生蠔size大細都差幾遠🦪
咁啱我拎個隻好大隻 勁肥美 上面d蒜完全比我清晒🤣呢度有冇人都係蒜控 會食晒啲蒜?👅🥢安格斯肥牛(中) ($238)肉味濃 肉質鮮嫩 唔油膩🥢鮮鵝腸 ($88)份量好多 同埋都清得好乾淨👍🏻🥢鴨血 ($58)滑嫩可口既鴨血配麻辣湯一流!😍🥢竹笙 ($58)份量多 幾抵食 索晒d辣味好正 不過食唔到辣既就要注意啦🥢黃金組合 ($88) 
入面有土豆, 金菇, 海帶結, 蓮藕片完全就係食烤魚必點既配菜
🥢寬粉 ($28)食辣野又點少得寬粉煮到索晒個湯底好正 又煙煙unun好好咬🤩

係尖沙咀發現到一間新開嘅烤魚店：『小魚兒』見到個名幾得意，Menu又幾吸引，於是入去試下～入到去裝修好切題，四處都係小魚兒🐠環境幾舒適，枱同枱之間都算寬闊👍🏼我地兩個人食一盤烤魚+黃金組合（金菇、海帶、蓮藕、薯仔）份量岩岩好👍🏼👍🏼烤魚我地揀左「青椒BB豆花烤魚」口味，小辣都好夠辣🔥入面本身跟左四舊豆腐、芽菜、芫茜、花生、炸菜⋯⋯條魚燒過先放入盤，食落皮脆肉厚，啖啖肉👍🏼最正係一啲魚腥味都無，平時唔多中意食魚嘅我都覺得好正❤️飲品選擇都好多，柚子乳酸梳打、香檳葡萄乳酸梳打兩款都好好飲！