極上冰室

营业中

休息中

大家好今晚到了尖沙咀的極上冰室食晚飯這間店環境好光猛中西菜式都有供應今晚主會食小菜首先上餐湯中西湯各一個中湯是赤小豆粉葛湯都幾好味飲落無乜味精西湯是羅宋湯都幾多蔬菜有牛肉味同濃郁既番茄味兩款湯都唔錯小菜方面第一味是黑椒牛柳粒翠玉瓜牛柳粒既份量都幾多黑椒汁都幾入味同翠玉瓜一齊炒都充滿黑椒汁都幾夾第二味是香葱韭黃叉燒炒滑蛋滑蛋炒得幾好有蛋汁香葱都加上韭黃幾青新得來幾惹味叉燒就係瘦叉燒而且幾腍這味菜用來送飯一流第三味是黃金蝦球這碟菜都係非常惹味咸蛋黃完全包住蝦球蝦球都仲幾嫩滑最後一味是金銀蛋浸時菜這道菜都好足金銀蛋即係雞蛋 皮蛋同咸蛋清清地清一清腸胃飲品方面要了紅豆冰同凍西洋菜蜜都唔錯總括這些味食物方面其實唔錯出品類似大排檔如果要二人餐兩個小菜加湯飯飲品埋單唔駛$200都算抵

今晚約咗親友出嚟食餐便飯，都喺簡簡單單好隨意嗰隻，最緊要喺就到大家方便，所以，揀晌尖沙咀，而搵茶記食吓小炒，較經濟嘛。晌網上搵搵下就見到呢間新開無耐嘅茶記「極上冰室」，睇番啲環境相，好似幾感覺幾光猛闊落，所以，就揀嚟呢度。因為餐廳位處街角，門面招牌黑底白字紅字，窗框邊又加咗啲霓虹光，非常搶眼。入到舖內，淺灰襯鮮橙色，望上去非常醒目；而座位、通道都做得算闊落，相信就算坐滿人都唔會覺得好擠迫，加上新開無耐，裝修比較新簇。餐廳以二維碼落單，但有實體餐牌，小弟比較鍾意咁樣。早餐、午餐、常餐、下午茶餐，呢啲喺茶記基本必有。此外，仲有湯飯、炒粉麵、特色小炒、煲仔菜、蒸餸、二人套餐、四人套餐、馬來咖喱、小食、西式焗飯、意粉……等等，選擇十分之多。餐具、簡單調味又喺一般茶記擺晒喺枱側拉櫃桶之內。題外話，呢度啲招呼算唔錯，侍應幾好禮貌，不時又會幫你收走食完嘅嘢，等你坐得舒服多少少。是日例湯呢度嘅餐湯唔喺分紅湯白湯，而喺分中湯西湯，前者喺啱晒依家飲嘅消暑湯水冬瓜湯，飲落都夠火喉，唔會「淡茂茂」，然而後者喺羅宋湯，亦都幾夠味，酸香好飲，裡面又多料。黃金蝦球 $98香口嘢、海鮮嘢相信冇乜人唔鍾意，所以，先嚟呢

今日下雨天朋友帶我黎到尖沙咀呢間 極上冰室 話想試吓佢既小炒～ 入到去坐低睇睇餐牌就用QR code落單啦好方便～ 有好多小炒都好吸引🤩 啲餸菜名好有大排檔既感覺 但座位就係冰室乾淨整潔 坐得好舒服😌 諗左一陣終於揀好食咩啦～ 飲品好快就黎到啦～ 杏仁霜已經唔係成日會遇到有杏霜飲既餐廳 見到呢度有得飲 即刻要點黎試吓😋 出面啲杏霜好多都溝水溝到好淡 呢度有得揀濃度😍 真係好好👍🏻 即刻揀左濃啲 一上枱已經聞到好香啦～ 飲落好濃又唔會好甜 鍾意杏霜既一定要試下 大推👍🏻 中湯同埋紅湯都係叫餸跟餐咁叫既～紅湯係羅宋湯 入面好多蔬菜好足料 酸酸地幾開胃🤤中湯係老火湯 飲落唔係味精湯 好似屋企煲果啲咁架😬 泰式香辣炒蜆 超香！！！唔會好辣 炒得好野味 送飯一流😋 蜆有好多 蜆肉厚肉又冇沙👍🏻 套餐包左白飯、湯、同埋飲品添～ 黃金蝦球一上枱個蛋黃味就好強 好香呀😍 蝦肉彈牙又大大隻 炸得香脆唔油膩 好味😋 極上菠蘿咕嚕肉黎食小炒一定會叫既咕嚕肉 分量好多呀 每舊肉都係比咕嚕汁包住架😍 菠蘿都好甜 全碟餸就係酸酸甜甜好開胃🤤 魚香茄子煲即叫即整 熱辣辣上枱😋 魚香味撲鼻 茄子入味 個汁唔會