喜滿樓菜館

营业中

休息中

係喜滿樓食過兩次，第一次食覺得真係好有驚喜，而且價錢同味道都係性價比高。今次朋友想食小菜，就再黎試下其他菜，平日有9折夜晚都好多人，最好訂定位。我地叫了四個小菜，黃金蝦、椒鹽軟殻蟹、粉絲什菜煲同埋金牌麻辣雞煲。黃金蝦，鹹蛋黃味夠濃，椒鹽軟殻蟹外脆內嫩，粉絲什菜煲略嫌淡左少少，但有住家味道。麻辣雞煲味道剛好，口感岩岩好，唔會太韌。呢度送埋白飯同老火湯，真係飽到上心口，食得好滿足。人均100元有找，同大牌檔差唔多，都算抵食又好食。呢度有太多野食, 真係有排才食完。

大學同學飯聚，選了紅磡高山道附近的喜滿樓，門口格局有些茶餐廳感覺，但入內環境都唔錯，一行五人叫芝麻雞同炸子雞各半隻，西檸煎軟雞，黑胡椒炒蟹，海鮮什菜煲，黄金脆蝦、涼瓜京蔥炒什錦，同埋叫左個梅菜炒菜心，芝麻雞同炸子雞超正，分不出高下。黑胡椒炒蟹更是惹味，黑胡椒汁用來送飯更是一流, 味道樣樣都唔錯，不過黄金蝦有些熱氣要飲涼茶清熱氣。值得一讚係個西檸雞，才58元,雞肉滑之餘唔會太乾，而且個西檸汁既味道調得唔錯，忍唔住起碼食左5件。原來這裡可自來海鮮加工, 下次買些蟹來試埋其他煮法。

前晚，諗唔到食乜好，同朋友黎到呢間菜館，諗起上次食過覺得好食，所以決定再去試下其他小菜！ 今次食黃金蝦、家鄉咸魚煎肉餅、同欖角肉碎四季豆，樣樣都好食！ 特別係個煎肉餅，好香，食落唔會覺得油膩熱氣，超好食！ 今次都係揀佢既招牌小菜！小炒王有蝦乾，再加埋腰果少量紅椒青椒，好香好食！ 熱辣辣，好惹味！ 再黎沙拉骨配菠蘿。這裹有好多菜式可以預訂，包括芝麻雞、椒鹽飽魚、海鮮，所以下次再食預訂的菜式，尤其是芝麻雞，下次值得再去！