喜滿樓菜館

营业中

休息中

位於土瓜灣的喜滿樓，甜酸排骨口感酥脆，味道適中，讓人一口接一口。芝麻炸子雞外皮金黃香脆，肉質鮮嫩多汁，令人難忘。花膠燉湯濃郁鮮香，湯底清澈，滋補健康，讓整體用餐體驗更加完美。每一道菜都展現出廚師的用心，值得一試！

屋企人食飯多數食中菜，我就鍾意食啲小店搵嚇新驚喜。釋放生日，咁就搵間食番餐。如果小炒嚟講，呢間店啲份量真係好足好足。成日出街食中菜，都未見過碟小炒王可以炒到咁大碟，啲配料有多。 見佢個芝麻雞係招牌菜，嗌咗半隻嚟試嚇，皮薄唔多肥膏啲肉質亦都幾嫩滑。另外薯仔牛柳粒，啲牛柳粒比較少，但係個薯仔整得相當出色，出色在於佢出邊真係脆卜卜裏便軟腍腍，好似食緊拔絲香蕉咁。蝦多士都幾闊綽，上邊嗰舊蝦膏都幾大嚿，下邊舊多士唔會滲曬油，處理得幾好。反而個牛肉炒飯就有少少失望，比較淡口啲。另外個焗魚腸如果可以乾身少少就比較好，但係好奇怪唔知點解魚腸裏便有叉燒。另外個欖角骨都幾惹味，啱曬屋企人飲酒。炒麵都幾乾身鑊氣都足。不過最後有少少失望係個炸糯米糍，其實本身個糯米糍係幾好食，但係配襯炸醬粉就好似格格不入。除咗個甜品之外其實其他都唔差，都可以encore。事次用餐為自費。

一班同事去喜滿樓食懷舊菜，砵仔焗魚$158，裡面有魚腸、魚肝和雞蛋以瓦砵焗製，食唔到有腥味，更有炸蒜片、果皮、蒸蛋表面有油炸鬼。炸子雞$168，雞皮脆肉嫩，雞油香味濃郁，唔會太咸或太淡，份量都唔少，8個人食都足夠。推薦脆皮咕嚕肉$98，咕嚕肉一咬落去，外皮脆香，肥肉同瘦肉比例好好，完全唔油膩！椒鹽白飯魚$98，外脆肉嫩滑，佐酒一流。最後值得一提就係個黃金涼瓜，鹹蛋醬包住長條涼瓜，食落唔苦，混合起來另一味道，十分惹味香口。

隔咗一年再嚟幫襯喜滿樓菜館，見到有很多新菜式，上次食完印象都幾好，今次亦都冇失望。第一樣上枱係個爵士燉湯，樓面哥哥話呢個湯全天然成份，有蜜瓜、金華火腿、螺頭同雞腳，冇味精，飲落滋潤清甜用料十足。因為唔鍾意食黑松露，所以叫咗個新菜芝士蝦多士，食落非常彈牙，芝士滲入蝦肉同塊多士，配搭幾好。古法焗魚腸唔會腥，夠晒特色。嚟呢度梗係要食招牌菜之首芝麻雞，皮脆肉嫩，再沾上秘製芝麻醬，唔怪之得呢度台台都叫芝麻雞。呢餐整體分數都𠕇85分。

以為土瓜灣好偏僻，原來搭地鐵好方便，出口行3分鐘就到喜滿樓食懷舊菜。呢度主打懷舊粵菜，首選懷舊芝麻雞，很少店舖提供這道懷舊手工菜，芝麻鋪得滿滿唔係灑上去，皮脆香口，雞肉一啲都唔老，有雞味，實在難得。黑松露蝦多士炸得夠熱食落唔油膩，賣相金黃非常香脆，加上蝦肉彈牙爽口，令多士的味道更昇華，沾上少許黑松露醬，睇落幾高檔。原隻菠蘿咕嚕肉色澤亮麗，甜酸適中的糖醋汁更是重點，醬汁味道酸酸甜甜，咕嚕肉外脆內軟，還有菠蘿、青椒、紅椒、洋蔥等配料。呢餐我阿媽最讚嘅係個爵士燉湯，用料十足清甜滋潤，性價比甚高，佢話自己都冇可能燉到咁嘅味道。總括而言，今次同阿媽冇嚟錯，回頭指數高。

朋友食過話唔錯，加上有Youtuber助攻，覺得可以一試。所有菜式屬正常晚飯小菜水準，唔知係咪標榜少鹽少調味關係，所有野都係只有個外層有味⋯ 就連雜菜煲都真係好清淡😅初時睇其他食評話員工態度有待改善都驚驚地，但當晚不論男女員工，態度都好好，我哋要啲乜嘢都即時作出反應！鮮菠蘿咕嚕肉，可以唔使預訂，見到隔籬枱預訂嗰碟大到嚇死人，我哋叫咗例牌剛剛好！以人均$3xx，真係可以試一次就好，並唔係唔好食，但可以有更好嘅選擇！

朋友推介的地方，首先食物質素挺不错，幾有水準，例牌份量很大，不過九成菜式價錢都是$98或以上，貴唔貴見仁見智，不過我覺得價錢都對得起佢嘅食物質素，性價比就談不上。Book咗大抬上咗閣樓，環境比較狹窄而我哋就被分配喺兩張大枱中間嘅一張比較細嘅枱，又係香港特色如果其他枱坐滿人其實你張凳係拉唔到出嚟坐，我諗大家都明白什麼狀況，原來其中一張大枱係散客上嚟搭枱的。因為要突然加多兩位朋友，亦見到另外將大枱係無人， 問咗好耐職員張枱有冇人訂枱，最後話張枱已經有人，其實到最後張枱都係冇人 寧願你的喺度逼。 樓上只得一個職員服務基本上唔會主動服務你， 最好笑係同老闆娘落單叫餸，我哋望住張餐牌叫碟菜，跟住佢話冇，我哋問返佢而家有咩菜可揀，佢又霸氣地叫返我哋自己睇返餐牌， 然後我哋口噏幾款菜都係冇，其實會唔會你講畀我聽有咩菜會直接啲。 我諗呢間食肆出名都係靠kol。

老公一直對懷舊小菜情有獨鍾，為了慶祝他的生日，我特意選了這家需要提前兩星期預約的馳名飯店。店主建議我們提早預約菜式，以免售罄。我就預訂了爵士湯、脆皮鰻球和芝麻雞。首先上菜的是爵士湯，選用的材料包括日本蜜瓜、金華火腿、澳洲螺頭、雞腳和豬展，四人份的價格為398元。湯的味道確實甜美，但感覺就是酒店價錢，大排檔環境。接下來是脆皮鰻球，雖然有著大排檔的風味，但刀工切得比較薄，讓我無法期待那種“球”的口感。幸運的是，芝麻雞的質料相當不錯，外皮鬆脆，雞肉的香味也保留得很好，肉汁豐富，只是芝麻用得有點多， 個人還是更喜歡風沙雞。現場我們還點了咕嚕肉，炸漿的厚薄剛好，豬肉保持了豐富的肉汁，讓人印象深刻。這餐的亮點竟然是家鄉煎藕餅，蓮藕和豬肉切成均勻的小粒，口感恰到好處。用餐結束後，我們的確會考慮再來， 但絕對不會預訂特色菜了。---這樣的修飾讓文章更具情感和細節，能夠更好地吸引讀者的注意。

大概一年前睇了YouTube 介紹，食過一次晚飯，點了幾個推介食品，芝麻雞、蝦多士、爵士湯 … 當時覺得冇甚特別，價錢不便宜，但是全院滿坐，我們訂了枱也要等超過半小時。今次因為親友見到電視節目推介，於是又相約去了一次。兩星期前訂枱，準時到，上二樓，牆壁上貼了某某YouTuber的好評。枱上預先放了一個熱水壼，方便客人洗碗筷，但傾倒出來的「開水」只是微暖，好可能是昨晚的水未換掉。點了六個菜，以下四個WhatsApp 預訂，注意：上菜都是涼的😑芝麻雞拼燒雞 - 芝麻雞勉強算合格，燒雞皮不脆，二三線酒樓貨式蝦多士 - um 🤔️ … 優點是夠大椒鹽脆鱔球 - 鱔是新鮮，但太咸菠蘿咕嚕肉 - 適合怕肥肉人士😅 全瘦肉，我冇牙所以食到成枱渣🤣好多菠蘿但冇鮮味現場叫了兩個小菜，好奇怪會不夠熱：小炒王 - 冇鑊氣，濕淋淋，failed牛柳粒 - 有一半是薯仔，混了一些不知名淡黃色醬料 （變種千𡷊醬🤔️)，幾乎分不出挾起的是牛or 土豆🤨差不多吃完，有個大媽過本喊：「你地仲有5分鐘！」原來訂枱時說明用餐時間 1小時 45分鐘；親友問兩小時可以嗎，對方寸步不讓。 That’s fine, rules is

跟網上食評介紹慕名而來，惟出品強差人意。人多建議可預訂湯水，畢竟今餐飯水都無杯。招牌芝麻雞，油而不熟，退回廚房再加工都唔熟，完碟退回；椒鹽虎蝦，炸蒜過矖火，苦味濃；梅子荔芋鴨，酸味比梅味濃，就好似滷水鴨加咕嚕肉汁；蜜椒脆鱔，味道不錯，有鱔味，但係賣相同份量都一般；雜菜煲，今餐最好食，就係清水煮菜；總結：大菜做唔點，小菜無特色。味道非常一般，四樣菜埋單700，服務止於落單，餐廳茶記裝修，網上食評睇吓就好。

一家人去喜滿樓菜館食下懷舊菜風味。因為只訂左個爵士燉湯，所以唯有現場點餐牌上嘅小菜。好彩餐牌仲有好多選擇。芝麻雞、蝦多士、錦滷雲吞好彩叫到。樓面姐姐推介芝麻雞，佢話好正，叫半隻一試，有驚喜，真係幾好食。其他餸如小炒王丶蝦多士、咕嚕肉同梅菜炒菜心都唔錯。特別一讚係個蝦多士，啖啖鮮蝦肉，厚過塊多士，真材實料。樓面阿姐拎左個訂菜餐單同送上卡片一張，叫我地下次去一定訂餸，真係好多野都想食，下個再來試其他懷舊菜式，尤其係個焗魚腸同梅子鴨。

當日食咗：▪️ 招牌芝麻雞（全隻）▪️ 錦鹵雲吞▪️ 蜜椒脆鱔球▪️ 黑松露/沙律醬蝦多士▪️ 懷舊爵士湯▪️ 古法焗魚腸（大）▪️ 蜜椒薯仔牛柳粒（加腰果）▪️ 菠蘿咕嚕蝦▪️ XO醬香煎墨魚餅▪️ 西蘭花炒球▪️ 古法生炆龍躉煲▪️ 農家臘味炒飯▪️ 家鄉炸米糍┈┈┈┈┈┈┈┈┈┈┈┈┈┈┈┈┈┈┈呢間餐廳嘅價錢收費同份量都好合理，CP值幾高👍🏻大部分菜色都幾有水準，特別係「招牌芝麻雞」、「懷舊爵士湯」同埋「蜜椒脆鱔球」～ 不過，有幾樣嘢係我覺得有待改善嘅：「古法焗魚腸」焗得唔夠香、「XO醬香煎墨魚餅」太鹹、「家鄉炸米糍」皮太厚... 而環境方面就比較差喇，周邊位置充滿「懷舊」風😂座位都真係幾迫下，坐得唔係好舒服

上星期8月1號光顧一間近年被好多網上食評KOL吹捧過的懷舊菜餐廳, 土瓜灣的喜滿樓！因為屯馬綫嘅開通，餐廳都不難找到！當晚一行四人，早一天已經訂好六個菜。餐廳係一個茶餐廳的佈局，主要係卡位，四個人都坐得相當之擠迫。人齊上菜，先來一鍋爵士湯，湯裏面有蜜瓜瘦肉雞腳，其他材料冇乜留意，因為有密瓜，湯好甜，比一般嘅燉湯都甜，蓋過肉類同雞腳嘅味道，跟住嚟三隻乳鴿，唔係好大隻，但味道還可以，之後四隻果皮蒸鮑魚，呢個就好失望，因為都幾韌同無味！再上鳳尾鮮蝦球，味道冇乜特別，同普通炸蝦丸一樣！另一碟係蜜椒脆鱔球，呢碟係整晚最失望嘅餸，所謂嘅鱔球，切到好細塊，食落口一啲口感都冇，只係食到一個甜字，因為有炸粉嘅關係好似食唔到鱔肉咁樣（炸粉+糖），最後係半隻風沙雞，雞肉本身冇乜味道，但應該係有用鹽醃隻雞，但可惜鹽搽得唔勻循，我食到一兩塊好鹹，但我朋友就話冇乜味道。埋單，每人$380。總結，如果呢間餐廳係標榜有師傅坐鎮嘅懷舊菜，我覺得係唔合格嘅！

一班同事飯局，今次大家都想食中菜，同事話佢屋企樓下有間懷舊菜館，雖然唔起眼，外面門口無特別，但食物出品一流。前菜食個黃金魚皮好送酒，鹹蛋黃醬好香。西芹炒班片，勁多班片，炒得好香，個份量勁大。椒鹽鮮魷，係新鮮魷魚，一上枱係勁脆口同好惹味，大大夠好有咬口。我哋年青人早出晚歸，好少有湯飲，值得一提係呢度個爵士燉湯真係好正。有螺頭、蜜瓜、雞腳、金華火腿，夠哂滋潤，材料十足，我一口氣都飲咗三碗，我哋都約定下次再嚟食埋其他嘢。

上星期家人約埋係喜滿樓聚餐，更係立刻報名啦。星期四放工過去，已經坐無虛席。食物質素算高，黑松露蝦多士每件$38，送上枱時蝦肉嘅香味已經快過碟餸。熱辣辣蝦肉好彈牙好好味。古法焗魚腸唔會腥，用上果皮薑絲減低腥味。脆鱔好大條鱔的嘅肉先有咁厚肉。仲有叫咗錦鹵雲吞、五柳筍殼魚、爵士燉湯同芝麻雞。爵士燉湯有一貫水準，材料十足，每人飲咗差唔多 3 碗。錦鹵雲吞好脆，連食好少嘢嘅侄女都鍾意食。整體嚟講，呢度係少有嘅老香港味道。