天天海南雞飯 (ELEMENTS圓方)

营业中

休息中

「又到聖誕，又到聖誕」……聖誕來臨，今年政府o係西九文化區整o左個聖誕小鎮，趕緊約friend 去打咭。不過影相之前都係要食個飯先，直接當埋聖誕大餐，一於食好d，於是揀o左elements o既呢間米芝蓮級菜館，食完行過去夠晒近。餐廳都幾有fusion 特色，暗黑主題俾人感覺時尚，金柒牌匾同地下d mosaic 磚頭又帶出到馬來西亞/客家風情，而好搞笑同時又會用上老夫子畫風o既大幅插圖，有住滿滿o既懷舊氣息。餐廳雖然無推出明確o既聖誕大餐，不過仍然有「暖笠笠二人套餐」同「甜蜜二人餐」揀。兩個特價o左差唔多錢，不過甜蜜二人餐o既原價貴d，好似抵d 咁，哈哈，就叫個甜蜜二人餐($438 未計加一、茶介)。前菜先來一份南薑海南水果沙拉，呢個絕對係我friend 至愛，佢食晒成碗咁滯。紅紅綠綠的一大兜蕃石榴、無花果同士多啤梨，上面瀋上類似係話梅碎；尤其d 蕃石榴幾有咬口，整體鹹鹹又酸酸甜甜，直接刺激你流口水，係會令人幾開胃的~主菜係一個中份size o既天天海南雞，也就是鋪頭名o既名物。佢上臺時靈靈舍舍有個台墊住，別具氣派！鋪檯o既餐紙提到隻雞係鮮雞即日劏，我食o既時候覺得佢好棉滑，無乜纖維o

呢間餐廳其實係由四間餐廳合成 份Menu勁厚 超多嘢食揀 多到唔識揀..天天海南雞中份 $158 + 雞油飯 $38因為呢間餐廳主打海南雞 所以對佢期望好高 但係因為本身都食過好多間出名嘅海南雞飯 對比其他嘅海南雞 佢嘅肉質比較鞋 不過佢三個醬整得好好味 點埋汁食就唔錯 佢個油飯好抵食 好大兜黃金軟骨 $68呢個好正非常推介 軟骨嘅骨同埋肉比例係好平均出面嗰啲好多都係入面係得肥膏 最正係面嗰層鹹蛋黃 好香好好味原味小籠包兩隻 $28要讚嘅係佢可以嗌兩隻 兩個人嚟食飯就可以試多幾樣嘢食 啲餡係唔錯既 但個皮略嫌厚咗少少鹽磚和牛 $148旁邊啲炸蒜好香脆 個和牛都煎得好香 但係牛味唔夠重 又係好大份 白玉苦瓜菠蘿冷泡茶 $38不嬲都好鍾意白玉苦瓜 好清新 同埋好大杯花好月圓(豆腐花) $19算幾香滑 幾得意有啲似燉奶feel

次次經過沙田市中心間天天海南雞都好多人排隊知道九龍站都有一間所以今日就去坐嗰邊食晚飯 本menu就好似雜誌一樣有啲花多眼亂 最後揀咗朋友講過好多次好好食嘅黃金軟骨即係鹹蛋黃雞軟骨 例牌天天海南雞 水煮Angus 浴火鳳凰 豆花美祿恐龍 先嚟咗個海南雞 上邊淋咗啲雞汁 然後仲有三個醬汁畀你揀 啲雞好嫩滑 雞味濃 最鍾意就係點個薑蓉 原汁原味啲 另外個豉油醬用嚟點青瓜食都好正之後個黃金軟骨一上枱真係嘩一聲 淨係睇相就知道有幾邪惡啦 外皮包住滿滿嘅鹹蛋黃而入邊個軟骨脆卜卜 真係食到停唔到口啊 水煮angus夠曬味 牛肉新鮮 唔算太辣易入口仲有芋絲青瓜條吸曬佢湯汁啲味最精彩莫過於呢個浴火鳳凰 一上枱嘅時候職員就點起火淋落個椰皇上邊非常精彩 淨係呢一part都值回票價啦 個飯炒得好好粒粒金黃又有淡淡嘅椰香豆花美祿恐龍我以為係一杯飲品 但其實你可以當佢係一個甜品 個面灑咗好多好多美祿粉 然之後你再啜一啖滿口都係豆花就好似食緊甜品一樣 要留番最後飲因為如果唔係就會飽曬食唔落其他嘢

提起新加坡米芝蓮指南推薦小販美食，必定諗起海南雞飯！疫情關係被困咗喺香港一段時間，我真係好懷念新加坡呢個美食。其實「天天海南雞」已經登陸香港好幾年，今日就嚟ELEMENTS分店以解相思之苦。一入座，店員就奉上熱茶，仲向我哋逐一介紹呢度嘅signature⋯Manu上嘅菜式選擇都頗多，而且佢所介紹嘅signature都唔少，真係花多眼亂！食物我哋就揀咗雙果沙拉、黃金軟骨、芥末花螺、牛肉中嘅Hermes（芥末和牛）同埋呢度嘅人氣爆棚招牌菜（天天海南雞）。雙果沙拉喺沙律嘅基礎上加上牛油果同無花果，配上紅菜頭汁⋯用料新鮮，酸甜醒胃，而且仲加入果仁，口感層次非常豐富，啖啖都有果仁香，真係非常好食！黃金軟骨呢個小食都好有驚喜！軟骨炸得酥脆，外層由香濃嘅咸蛋黃包裹住，每一啖都juicy無比。佢個份量都唔少，我哋兩個人食略嫌有啲膩，四個人一齊share就perfect喇！雖然膩，但真係好好食😋芥末花螺為增加視覺效果，廚師以乾冰營造煙霧，仙氣十足，賣相💯！花螺味道鮮甜爽脆，拌上芥末同醬油，好fresh好好味！食完花螺，千祈唔好漏咗墊底嘅青瓜，青瓜清新爽口，蘸上芥末醬油，清新無比，亦可一解之前黃金軟骨嘅膩

每次想要品嘗高水準的新加坡海南雞，便會讓我想起來自新加坡，並獲得米芝蓮推薦的餐廳<天天海南雞飯>，佢哋能夠將海南雞這種平民化的美食，做到非常優秀的水平，實在令我一試難忘，再三回味。今晚來到Element的分店，再次品嘗佢哋嘅誠意之作。走進餐廳，感覺既時尚又高雅，環境感覺十分寬敞舒適。餐廳供應既餐具，設計非常別緻，感覺優雅。細看餐牌，除了海南雞飯，還有林林種種嘅食物供應，如燒雞、和牛、龍蝦、松露蝦多士、醉蝦、花螺、肉骨茶、串燒、豆腐、素菜類、燉湯、粉麵飯都有，而且價格亦非常合理，不得不讚。<天天海南雞 $158>先來一客招牌菜天天海南雞，雖然是例牌，但份量絕對不少，足足有一整碟。餐廳供應嘅係無激素，比黃油雞更健康嘅鮮雞肉，而佢哋供應嘅雞肉部位，亦有不少雞髀肉的位置，而且是完全去骨的雞肉，單是眼看賣相，未吃已經口水直流。雞肉入口啖啖肉，有鮮甜雞肉和雞汁的味道，而且雞肉和雞皮都極為嫰滑，沒有一點根同肥膏，配合埋三款秘製醬汁同薑蓉，非常美味，絕對係必食之選。<西班牙黑毛豬叉燒 $148>天天海南雞嘅黑毛豬叉燒，用上極品高水準西班牙黑毛豬來製成，單