黃金雞

营业中

休息中

咁岩去港島尼頭，特登搵間好食既餐廳。店鋪細細地，但都坐到10人左右。當日食lunch，好多人買外賣，亦有幾個人堂食。叫左黃金雞飯($40)，五香豬髀飯($40)，黃金香茅雞翼($38)。雞飯黃到金，d顏色閃令令。一盒份量多，拎上手好重。每粒飯都沾滿雞油，變到金黃色。飯粒香口雞味濃，但唔會油膩。雞肉嫩口，雞皮爽。紅蘿蔔絲醃製後酸酸地，好開胃。豬髀肉飯一試難忘，豬髀肉好滑而且份量超多。豬髀肉連皮，就算食哂d皮，都唔會覺得濟/膩，仲好有骨膠原添。豬髀肉煮成既滷汁配飯食一流。雞翼炸完好香口，完全唔油，香茅味濃郁。咬開仲有肉汁流出黎添。整體，雖然係小店，但係食物質素高，端午節前個陣仲有粽子package可以買。

上次介紹完西灣河隱世泰菜今次介紹呢間同佢相隔一條街又係位於唔顯眼嘅內街不過佢嘅海南雞試過自然會返轉頭講吓點解我會識呢間餐廳先話說我本身好鍾意食海南雞飯以前太安樓有一間好出名不過近年越食越貴而且雞肉份量越黎越少於是我就上網搵有冇其他好食嘅海南雞飯後來比我發現竟然有一間都係喺西灣河咁就一於試吓啦當時仲未有疫情可以堂食(暫時而家夜晚6點後淨係做外賣)餐廳屬於平民小店位置唔多得大概10個位平時大部份人都係以外賣為主Menu有大概10款飯同一D小食揀我最鍾意就係黃金雞飯有時都會叫佢嘅五香豬髀飯今日都係叫番我最愛黃金雞飯$40包埋冬瓜湯同埋醬汁另上酸蘿蔔絲非常開胃我好鍾意將豆苗仔同蘿蔔絲撈埋落油飯到食雞肉份量十足嫩滑而且無骨醬汁有泰式辣醬同豉油特別係辣醬汁酸甜開胃新年個時有期間限定蘿蔔糕依家就做緊糭大家有興趣可以試吓

呢間舖頭離地鐵站都有一段距離，係巷仔入面嘅小店雖然佢舖頭唔大，座位有限但小店就勝左有人情味，同啲街坊關係好🥰佢舖頭入面都有好多文宣同黃物💛幫襯佢食野之餘，仲可以買下啲小食/擺設同舖頭名一樣，真係黃到發金😆==============================🍛 黃金雞 (筲箕灣) @goldenchicken2018📍 筲箕灣海利街6號海利大廈地舖（西灣河B出口，步行約4分鐘）⏰ 星期一至日 12:00 - 15:00 18:00 - 22:00（星期三全日休息）==============================1️⃣ 【黃金雞飯】 $36呢個餐無論係飯、雞定係配菜都好，份量都好足👍🏻首先，最頂嘅配菜有醃蘿蔔絲🥕同豆苗🌱酸酸甜甜嘅味道，十分之開胃🙊第二層就係雞！🐣佢啲雞真係無得輸！👏🏻真係好滑，超滑，勁滑！雞皮同肉之間個層脂肪係小編嘅至愛😭肉嘅厚度適中，肉質真係好嫩滑😏小編無加10蚊轉雞髀，佢都有比到隻雞翼🤩最底嘅就係油飯喇！🍚食雞飯點可以唔食佢自家製油飯🤯油飯整得好香，粒粒飯都好均勻，唔會見到白色嘅米😣醬汁方面有3種，鼓油、

黃金雞飯  5/5分  40元黃金雞飯其實是海南雞飯,可以堂食也可以外賣,不過環境相對較細。今次買完回家品嚐,不得不大讚此店。1. 海南雞件夠多夠滑2. 米飯硬度相當好,不會太濕,比好多專門做雞飯的連鎖店好3. 蘿蔔絲好爽口非常好食4. 雞湯好清好好飲5. 豉油和辣汁略少,可以更多就好啦店舖細小,在西灣河小巷之內,鄰近地鐵站,外賣亦相當有效率,價錢公道,份量十足,味道良好,值得大推的黃店。下次想試豬脾飯或黃金炒飯,加油!

辛苦完一個上晝，當然要食好少少。試左成日想食嘅黃金雞飯，包裝賣相幾簡潔。窩心設計，開蓋個陣唔會整污糟手。雞飯上面係酸嘅紅蘿蔔，偏食嘅我本身想夾去哂佢，見佢咁多，姑且試一條啦為免獲利回吐，連埋飯食應該好啲掛，竟然覺得幾好味。紅蘿蔔無出面食開個啲酸到盲都開眼。可能因為酸味，紅蘿蔔味好輕，反而覺得好食。個飯唔算好油，如果係想要泰國油飯，呢隻係另類選擇？配埋佢個source好食好多。雞好滑，雞味不算太重。

大家都見我成日去中環、灣仔多，比較少去港島東搵食🧐，所以上星期日就去左西環河食好西！以前藤原君都係呢面返過工，所以都識得路😂！今日就介紹一間平民又好味既海南雞飯！呢間「黃金雞」雖然店面細細，但野食非常好味😋，而且價錢仲好合理！雞上面有醃蘿白絲同豆苗，食落好爽脆同清新，幾開胃。海南雞雖然唔係話好厚肉，但都幾爽滑仲好有雞味添！雞肉份量都唔算少，都有8舊左右，仲有一隻雞翼添😋！大家可以配合佢地既豉油同辣醬一齊食，都幾爽，特別係辣醬，幾惹味👍🏻。我好鐘意佢地自家製既油飯，飯食落有咬口，有油香而唔會有太油膩既感覺。最後仲附送一杯雞湯，真一點都唔馬虎！成盒飯🍱份量都夠一個成年人食，都只係賣$36，真心好抵！黃店嚟講質素都幾高，平時返工食個垃圾Lunch都至少要$50，所以真心覺得好抵食。另外呢間舖真黃到發光😂，住附近/附近返工既朋友就要多多支持！

黃金雞喺筲箕灣西灣河交界, 平時行經都唔太覺放完工想食雞飯就決定去拉搵佢出黎, 沿筲箕灣道行轉入海利街終於搵到即刻叩左個黃金雞飯($36), 由於店內位置唔多, 決定外賣,黃金雞飯D雞非常滑, D飯好香!!! 前面有酸甜嘅蘿蔔絲同荳苗仲送左杯冬瓜湯

阿張點餐👦🏻$36 《黃金雞飯》評分（10分滿分）：7️⃣食評💬：自己一個吃晚飯選擇其實很多，也不用吃得很好，平靚正就好了！今次選擇食一間食雞出名嘅店舖，亦係黃店！呢個雞飯比較特別，唔係中式亦唔係新加坡式，面頭會有酸嘅橙蘿蔔絲，酸酸甜甜好開胃。而下面有大概六至七件雞，大件夾抵食。醬料方面佢一盒會有兩隻醬，有甜豉油同埋蒜蓉薑，仲送一杯例湯！除咗雞飯外，仲有五香豬髀飯同埋秘製牛腩飯都出名，亦有每日唔同嘅特色飯可以試試～