有錢佬靚粥 (已結業)

下班後和媽媽來到這鋪仔細細的粥店晚餐。這裡的食物絕不馬虎！一煲粥大約有兩碗半，粥底綿滑；品嚐過後亦不會極口渴，不太覺有味精。極品海上鮮$29，讓你一次過品嚐到飛魚籽墨魚滑、帆立貝仔、鮮蝦、魚柳和蜆肉🦐🐟🐙不好海鮮的話，可以試試鮑您滿足$29，有原隻汁煮鮑魚、滑雞同花菇，同樣豐盛🤤🤤🤤但我最喜歡的是紫醉金迷$20💜💜💜顧名思義，內裡有黃金番薯和紫心蕃薯。味道有點像番薯糖水，喝下去還帶點薑的微辣，配上米飯煮成的綿滑粥底，感覺微妙。絕非說笑，真的有種發現新大陸-原來可以如此美味的感覺🍠🍠😋粥品以外，還可以一嚐這兒的小食。無論是香煎豬肉韭菜餃$20/4件，還是黃金鮮蝦餅$25/3件和香煎蓮藕餅$23/3件，都煎得非常香脆可口。我特別喜歡鮮蝦餅，入口非常爽彈，而且配上不少的粟米，極具口感。

係東大街都知食粥係無得揀既，今日經過有間新開既粥舖，天氣咁熱本來都唔係幾想試，但係見賣相幾好，店員又熱情就買個外賣試下啦！ 買左個鮑魚雞粥同泡菜牛柳粥，老闆強烈推薦我試個煎餃同煎蝦餅，話即叫即煎，蝦餅又有啲墨魚滑同粟米咁樣，就同屋企人買多兩個小食，等左差唔多十分鐘先搞掂，原來啲粥係生滾粥，都值得既。 （有隻鲍魚喔）重點黎啦！🍴 我就食鮑魚雞粥，個粥食落口好濃既菇味，基本上成個粥底都係，十分喜歡！如果唔鐘意菇味可能就要試其他粥，入面仲有幾舊冬菇同兩三舊雞肉，都算幾足料！🐓🐓 屋企人就食泡菜牛柳粥，貪得意試下因為係辣粥黎，試左幾啖有驚喜！有啲泡菜碎係入面，真係好辣好惹味，估唔到辣味既粥又幾夾，但真係好辣，而且屋企人話有好多舊牛，啲牛柳粒都係辣味架🐃 啲小食都真係幾唔錯，拎到翻屋企啲餃仲係脆既，加埋啲黑醋做調味，外脆内軟大大隻。個蝦餅有好多粟米粒又好甜😍都食到啲蝦肉係入面，雖然唔係舊舊有，都ok啦，果然無介紹錯😂 小總結: 其實佢地堂食得一張枱，賣既粥款式都偏少，得個10款粥，但都係比較新潮，雖然份量唔係好多但食落好足料，食完唔會好頸渴，小食仲有啲特別啲既蓮藕餅芋頭餅，最緊要係價錢公道！ 下