海灣茶居

营业中

休息中

今日同屋企人去左海灣茶居飲茶餐廳環境比新式, 除咗有即叫即做既手工點心, 仲有小炒海鮮等我地就叫左幾款點心黑金流沙包, 包皮比較鬆軟, 一撕開就見到流沙黑松露北菇燒賣皇, 豬肉同北菇既比例岩岩好, 食落彈牙, 加埋黑松露更加香濃👍另外, 雪茄鮮蝦春卷除左造型有趣, 餡料都好彈牙,咬落香脆另外都叫左鹽焗手撕雞腸粉手撕雞好嫩滑, 腸粉面頭有齊醬汁, 撈埋好惹味仲可以額外加配是日燉湯同大良薑汁雙皮奶,燉湯入面超級足料, 湯頭好甜雙皮奶薑味同奶味比例都好夾, 食落好滑身😋

絕味口水醬手撕雞腸粉($38): 呢個一定係必點之選，腸粉夠滑，配上特製嘅口水雞醬汁真係好出色，麻辣開胃！黑松露北菇燒賣皇($18): 燒賣啖啖肉，又唔會有肥豬肉，再加小小黑松露點綴更加香。月滿晶瑩蝦餃皇($18): 蝦餃多汁飽滿，皮薄餡靚，蝦肉足料。宮廷流沙包($23): 一咬開已經有滿滿嘅流沙餡流出，奶黃鹹鹹香香，超好味！黃金鹹水角($18): 原本以為係芝麻餡，點知原來係流沙奶黃餡，煎堆亦都炸得夠脆軟！大良薑汁雙皮奶($16): 雙皮奶夠滑，呢個價錢真係出面食唔到！花生椰香糖不甩($20): 用薑汁煮嘅糯米團，咬口軟彈，再加椰絲同花生粒好有口感。個入認為呢間茶居真係好出色，環境寬躺，最重要係物超所值，點心足料，絕對可以再戰！

是日晚餐時間滿座，有啲食點心，有啲食小菜，有啲打邊爐，非常熱鬧。收銀處有隻招財貓霓虹燈，感覺真的幫到餐廳招財呢～蒜香蝦春卷 $35有3條，春卷外殼脆皮，內餡蝦滑口感嫩滑，好香口，沾喼汁食更美味。月滿晶瑩蝦餃皇 $36有4粒，蝦餃超大粒，皮薄餡靚，蝦肉彈牙。黑松露北菇燒賣皇 $36有4粒，燒賣上見到有黑松露，內裡有北菇和豬肉，口感很好。熱情果醬蝦球 $88有6個，係凍食既小菜。啡色脆卜卜杯形外殼，裝住沾滿熱情果沙律醬既蝦球。帶有酸甜味，蝦球彈牙，多重口感，係一款新穎有趣獨特菜式。紅豆沙真係起晒沙，超正，我勁鐘意，仲有好香果皮味，非常好，必定要食！

約左老人家食晚飯 佢又想食點心 又想食小菜所以搵左呢間滿足到佢兩個願望既試下 呢到唔只 點心、小菜、 連打邊爐、酸菜魚都有 唔洗驚揀唔落手點心 全部黎到熱辣辣 即叫即蒸 黑松露北菇燒賣皇(4粒)大大粒 因為有黑松露 所以幾香 食落啖啖肉 不錯 月滿晶瑩蝦餃皇(4粒）都係好大粒 食落好爽口 皮既厚度適中 宮庭流沙包 打開仲係流心 流心蓉都幾濃 幾好鮮蝦柚子雲吞棧出面未見過 外面脆卜卜 上面有蝦 下面原來係沙律醬撈柚子 食落唔單調 有柚子refresh 下 推薦 呢到既小菜有跟白飯同糖水 叫左金銀蛋浸時菜 份量都多 佢連個湯都幾好飲 撈飯一流最後上埋綠豆沙 唔錯 煲到起沙 又唔會太甜 屋企人食到好滿足呀