甜入心 (已結業)

午飯後跟朋友來到這家甜點店吃些甜的!點了的兩款甜品都是店子推介的。特選蜜瓜比利時窩夫是期間限定的產品，味道也沒讓我們失望。賣相十分精緻，配上的蜜瓜雪糕很配，還有鮮甜的蜜瓜作結中式的蕃薯糖水較為失望，蕃薯的份量比想像中少，整體感覺上性價比不太高，但一讚的是薑水不太甜，沒有太多糖！另外，亦點了一款咸食，味道有十分強烈的芝士味，也鋪滿了蘑菇，唯一就是完全不見黑松露的味道！要投訃的是或許人手不足，等待的時間十分長，一碗蕃薯糖水也等了超過20分鐘，有點過份吧。

炎熱晚上, 食完飯心思思想食返個凍甜品, 呢間之前食過都覺唔錯, 今次係等位期間望住門口呢個大餐牌諗定食咩先, 呢個設計又幾貼心, 可以比客人等位期間諗定食咩!店內面積唔大, 食客多數食完就埋單走人, 唔駛等好耐就入得! 侍應送上餐牌! 身為榴槤忠粉的我, 差唔多每次黎到都叫呢個榴槤飄香椰皇子 ($49), 原個椰皇作器皿, 底層為清甜既椰皇凍, 食落口感滑嘟嘟, 頂層係一球香濃榴槤菓肉, 軟滑香甜, 菓味頗濃, 再配上粒粒脆口珠珠, 幾重口感真過癮!椰皇子系列仲有呢一個成員, 咖啡出浴椰皇子 ($36), "出浴"既意思係指無原個椰皇作器皿, 呢款可以選凍/暖暖地, 底層亦係清甜既椰皇凍, 份量不變, 頂層為焦糖布丁, 配以粒粒啡啡啫喱粒, 咖啡味唔算太濃, 個焦糖布丁甜度適中, 再食埋個清甜椰皇凍, 幾種甜度係舌頭上混戰, 各有千秋!呢度都有咸食供應吐司系列中點左呢個頗受歡迎既黑松露吐司 ($42), 賣相顏色幾繽紛, 有少少薄餅感覺, 材料都幾豐富, 食到有菇菌, 青瓜, 黑松露醬, 芝士及木魚碎, 食到黑松露醬既獨特濃香味, 配合埋芝士及木魚碎, 味道幾特別, 個吐司亦夠香脆

同女友好耐無睇過戲，咁岩有套戲又想睇就買左飛，不過夠鐘入場前仲有啲時間，就周圍行下搵啲輕食就係戲院隔離已經有間甜品，就二話不說入左去囉桃寶即係桃膠，係桃樹既樹脂，對腸臟有好處，而燕窩可以令皮膚美白亮麗，而呢個桃寶燕窩椰皇子就有齊哂兩款，當然第一時間點左比我女友先啦原個椰皇上枱，淡淡椰香令桃膠同燕窩增添一份香味，更唔會太過甜，剛剛好而我點左份黑松露吐司，吐司上鋪滿用黑松露炒過既什菇，灑上芝士再焗吐司食夠鬆脆，黑松露既味道完全滲入菇中因為之前份量都唔算多，我地兩個唔多夠喉再加單點左個朱古力心連心窩夫朱古力醬配上榛子雪糕，夠哂香濃，窩夫外脆內軟，放上雪糕同食，冰火二重奏

上星期去左沙田間甜入心食，甜品當然係好食啦，仲有個令人驚喜嘅係個All day breakfast。今日同朋友去開淘大，由於時侯唔早，所以諗住輕食，見到甜入心，諗都唔駛諗就入左去。呢間甜入心冇沙田嗰間咁大，裝潢比較簡樸但依然有童話感覺。而且都有佢嘅特色 - 就係其中一張枱一邊嘅座椅係張韆鞦嚟架! 不過當時已經有人坐咗……Never mind，最緊要食~除此之外，都依然有每間分店都有嘅自助朱古力噴泉同英式果茶。入到黎先知呢度冇All day breakfast，好失望 唯有每人先嚟個輕食lunch set。黑松露吐司 - 成個吐司鋪滿黑松露，再用芝士焗，吐司好厚好鬆軟，加上軟綿綿嘅芝士、大量菇菌、青紅椒同埋好「生猛」嘅木魚。口感味道都不錯。芝士窩夫 - 原先以為鹹但原來係以甜味為主，類似芝士蛋糕嘅芝士味道，啲芝士汁係凍嘅，唔係我預期嘅熱芝士汁添。芒果紅茶/荔枝白露 - 配餐嘅飲品，甜味適中，底下有蒟蒻，有得飲又有得o趙。西瓜中豆花配焦糖布甸味雪糕 - 雪糕底下係豆腐花加紅色果凍，豆腐花味道似荳奶甜甜地，仲可以刮埋啲西瓜肉嚟食。一個甜品包咗幾樣聽落風馬牛不相及嘅食物，食落又透心涼，全身都涼