影片
更多
2014-08-06
4665 浏览
一早約好今晚打完league要一齊食飯, 隊友間要好好聯絡感情! 打緊波個時已經諗緊食咩好, 最後其中一個提出不如食點心, 仲話個有個波蘿包入面真係有波蘿, 咁特別點可以唔食!!! 於是打完就係官涌行過去九龍個邊喇, 咁岩差少少luck添, 745到但已經坐滿左, 跟住店員話入黎坐收銀旁邊一張額外加出黎既摺枱, 同成間餐廳木製既枱格格不入, 難得一齊食飯, 我地寧願等多陣都要坐返木製既枱! 呢間得一張點心紙, 係出面等緊位個時已經揀好晒喇! 3個人好似叫得太多... 20分鐘後終於可以坐低食喇!!! 第一碟到既就係皇牌波蘿包! 新鮮出爐真係未食都嗅到香噴噴呀! 餓左咁耐當然即刻大啖咬落去啦! 面脆內軟, 加上裡面熬辣辣既波蘿餡真係唔錯!咬開左當然要搵下係咪真係有波蘿啦?! 見到左邊有舊嗎? 真係估唔到點心地方有波蘿包食, 仲要整得咁好食! 另一樣整得同樣出色既就係脆皮鮮蝦腸, 除左有大大粒爽口既蝦, 重點係皮同蝦中間個層脆米! 為滑溜既蝦腸增加一點脆口, 口感層次一流! 另一款招牌點心燒汁釀茄子, 賣相已經非常可愛, 企係度既茄子再加頂帽
於是打完就係官涌行過去九龍個邊喇, 咁岩差少少luck添, 745到但已經坐滿左, 跟住店員話入黎坐收銀旁邊一張額外加出黎既摺枱, 同成間餐廳木製既枱格格不入, 難得一齊食飯, 我地寧願等多陣都要坐返木製既枱!
呢間得一張點心紙, 係出面等緊位個時已經揀好晒喇! 3個人好似叫得太多... 20分鐘後終於可以坐低食喇!!!
第一碟到既就係皇牌波蘿包! 新鮮出爐真係未食都嗅到香噴噴呀! 餓左咁耐當然即刻大啖咬落去啦! 面脆內軟, 加上裡面熬辣辣既波蘿餡真係唔錯!
咬開左當然要搵下係咪真係有波蘿啦?! 見到左邊有舊嗎? 真係估唔到點心地方有波蘿包食, 仲要整得咁好食!
另一樣整得同樣出色既就係脆皮鮮蝦腸, 除左有大大粒爽口既蝦, 重點係皮同蝦中間個層脆米! 為滑溜既蝦腸增加一點脆口, 口感層次一流!
另一款招牌點心燒汁釀茄子, 賣相已經非常可愛, 企係度既茄子再加頂帽 呢碟比較熱, 食個時要小心D... 個頂帽應該係肉丸黎既, 幾彈牙爽口! 下面既茄子就已經煮到林晒喇, 加埋食一爽一軟, 又係一佳品!
金沙肥豬仔就係呢度最得意既點心, 3隻豬被困係一個籠入面! 造型都幾可愛, 耳仔同鼻都幾逼真!
呢隻豬仔其實就係流沙包黎既, 食個時記得小心熱, 我一咬開奶黃汁已經流晒出黎, 好香蛋黃味! yummy!
呢個黑松露小籠包做到皮薄餡靚架! 雖然就食唔到黑松露既味, 不過要做到皮薄又鎖得住肉汁, 都好考師傅功夫既~
菜苗餃又係做得幾好食下! 可以見到塊皮透明到見到裡面既菜, 而呢隻餃既料非常豐富, 煙韌既皮包住滿滿既菜及蝦, 係一隻好餃!
韮菜蝦餅就有D驚喜喇! 咬落食到淡淡既韮菜味, 而且蝦肉夠爽口, 炸完食落都唔會好膩, 係個唔錯既炸物!
其他點心仲有燒賣同棉花雞, 都係高水準的點心, 不過就無咩特別
仲有樣野好搞笑, 就係我地不時望到隔離枱有木耳食, 但又唔見點心紙有喎?! 原來係仲有張$10清涼小食既紙, 只怪我地一開始太肚餓劃左點心紙就開始食lu! 所以我地食完正餐先食小食, 叫左個麻醬粉皮同木耳~ 略嫌粉皮既花生醬唔夠香, 不過粉皮夠滑... 而且第1次食花生醬木耳! 都幾特別, 不過木耳呢種清淡既張食都係配返d清清地既醬會好食d!
最後入左單差不多45分鐘, 朋友特別想食既花菇滑雞飯先終於到喇! 雖然已經食到好飽, 不過嗅到飯香又開始想食野! 飯面有半隻大冬菇仲有3舊滑雞加條菜, 個飯軟綿綿撈左豉油食真係人間美食呀~~~ 等咁耐都係值得既!點點心既點心真係唔錯, 分分鐘好過唔少大酒樓, 係就係偏僻左少少, 下次有機會一定黎!
题外话/补充资料：
連外國人都慕名而來!
(以上食记乃用户个人意见 , 并不代表OpenRice之观点。)
张贴
