WOFT (已結業)

那天晚上8時多，跟朋友來到旺角，想找個地方坐下吃少許東西，因為下午才吃了個High Tea。不想跟別人擠，於是下車後便立即向廣華醫院的方向走，看有甚麼好地方可以「落腳」。最後，我跟朋友選擇了這裡——WOFT。餐廳予人一種輕鬆的感覺，可能因為假期前夕，人們都顯得十分興奮。這裡有Bar檯，有高椅，也有一般高度的桌子。我跟朋友不喝酒，便不選bar 檯，坐在二人對坐的那種高椅上。翻翻餐牌，朋友已有心水。她對芝士火鍋情有獨鍾，之後就叫我選剩下的。我們都不太餓，芝士火鍋有4個小配菜，那我就點小食——惹味一口蜜糖腸，另外選了解渴的菠蘿雪芭。這火鍋小小的，但看到已感受到它的「邪惡」！火鍋慢慢熱起來，芝士香味中又散發著黑松露的味道……令人食指大動。鍋裡有4種配菜：西蘭花、薯仔、長通粉及麵包。麵包曾烘乾，一放落去芝士鍋，勁——索——汁！我覺得跟吃黑松露芝士包無異，甚至味道更濃呢！西蘭花跟芝士這個配搭更加不用說吧，芝士一沾在西蘭花上，凝住了，西蘭花就被香濃的芝士包圍著，一咬，芝士就「咇」出來，很過癮！長通粉口感不錯，沒有煮得太腍；它最厲害的武器就是中間的孔，為甚麼？掛汁超強呢！相對而言，薯仔就比較遜色，因為

今日響旺角發現呢間酒吧餐廳，餐牌上有好多特色啤酒，而食物都比較多元化，芝士火鍋，burger, ribs 同串燒都有，真係好難話冇野啱食!我入黎既原因完全係因為芝士火鍋! 《極濃 黑松露芝士火鍋 $198》好邪惡，但食唔停口！估唔到呢間賣好多手工啤酒既餐廳，個黑松露芝士火鍋可以咁有驚喜！黑松露味道好香，芝士醬亦夠濃而帶咸香。芝士火鍋附有4種配菜：麵包-非常香脆，建議一秒沾滿芝士立即食，口感一流西蘭花-芝士醬完全滲入西蘭花既窿窿內，當你咬爽口既西蘭花既時候d芝士醬咇番曬出黎，好正❤薯仔-煮得幾腍，但唔吸醬長通粉-口感彈牙---------------------《辣菜甫雞蛋仔 $43》Menu內仲有五香肉丁，沙嗲牛肉雞蛋仔，但侍應哥哥推薦呢個辣菜甫，食落又真係幾過癮！粒粒雞蛋仔內都有菜甫粒，咬落好爽口，菜甫咸咸地帶微辣，而雞蛋仔帶甜味，聽落好奇怪但食落又唔錯喎！---------------------《脆焗棉花糖朱古力夾心批 $58》100%邪惡！由外甜到內！上層有焗得半溶既棉花糖，中間有滑溜既朱古力醬蓋住一片片既香蕉肉，最下層係消化餅碎。夾心批旁附有甜餅乾，比你將棉花糖放上去一齊食增

幾個月前已經很想試這裡的芝士火鍋～朋友和食評大部份都是好評好朋友剛巧5月生日，壽星又鍾意芝士，一班人黎食就岩曬！黑松露火鍋＋一碟配料黑松露味道非常濃郁，配上香濃的芝士一齊，好夾啊！！！另外會上一碟配料，包括：西蘭花，薯仔，麵包粒，長通粉。個人最喜歡西蘭花和薯仔D芝士食食下會漏，薯仔大大舊淡淡地可以中和翻，食多幾舊都無問題！西蘭花點一次已經吸到好多汁，好滿足～其實仲有叫一個原味既芝士火鍋。原味太漏了，芝士味十分十分濃，食幾淡就覺得好滯不過鍾意食芝士同重口味應該會喜歡的！最後 棉花糖朱古力脆批作為總結！果然餅乾太少了，不夠跟甜甜的棉花糖一起吃...原來再點餅乾要加錢呢  

前幾年興食芝士火鍋, 一試愛上, 可惜有得食芝士火鍋的地方越黎越少. 所以都有一段時間無食了. 見雜誌介紹呢間新開西餐酒吧有得食芝士火鍋, 當然要來朝聖!位於旺角麥花臣附的染布房街, 可算係旺中帶靜, 餐廳裝修有花過心思, 半開放式格局, 坐位但唔會比人迫夾感覺.同友人叫咗一客"黑松露芝士火鍋", 芝士味道比起出面食開的芝士火鍋濃陏, 而且加咗黑松露, 除左聞落好香之外, 佢仲帶出咗芝士香味, 食落去唔會覺得膩, 而係豐富咗成個味道. 配料都唔姑寒, 有西蘭花, 新薯, 長通粉, 面包粒等, 我個人比較喜歡新薯, 一來味道清新, 二來有返咁上下口感, 配芝士好一流!一客芝士火鍋夠3個女仔食, 價錢唔貴, 而且質素好好! 喜歡芝士的朋友值得來試下呀!

和男朋友一起吃生日飯~選了這家最近很多話題的餐廳吃芝士火鍋本以為平日晚上人不會很多，所以也沒有預留座位但是!到了現場才發現這個想法實在是太傻了!因為全場是爆滿了LOL不少人來也沒有位子而我倆算是比較好運，因為剛好有人沒有來，能有位子可以好好用餐~內裡設置很有氣氛，加上音樂其實來這裡喝酒也很合適可惜的是我不太喜歡喝酒，但這裡的餐點才是吸引我來的主因XP不久前已在不同的渠道聽過這家店有一道很邪惡的食品（不錯，對在減肥的人來說真的很邪惡XXD)因為是生日飯的關系，我決定甚麼也不理了，吃了再算好了！（已自暴自棄mode了）先來一道芝士炸薯圈我和男朋友也很喜歡芝士的，所以對這小吃十分滿意 芝士汁味道剛剛好，不會太鹹，又有濃濃的芝士味薯圈雖然很容易上火，但這個真的很好吃(愈無營養的食物愈好吃XP)之後就開始到主菜上場了我就是為了芝士火鍋而來的~~~份量其實一點也不少，女生的話最好3~4人一起吧(除非其中一位很能吃XP這次和男朋友一起來吃，份量也覺得有點多，下次再和朋友好好挑戰一次加上黑松露，吃起來比較不膩，如果怕膩可以試這個或者腐乳味別以為沒肉會有點寡，其實這樣已很好吃了XXXD特別喜歡西蘭花和

這晚相約友人在這裡食飯飲酒吹水!環境是一間酒吧,但又有飯食, 幾啱傾計!我地叫左個香濃旋風芝士薯圈, 好香芝士味, 熱辣辣剛新鮮炸起, 點芝士醬汁食超香口!跟住藍青口配香蒜白酒汁, 我最愛我藍青口呢度都有得食, 梗係要試啦！ 蒜蓉味好香, 白酒味又不太濃, 不會over 左個味! 夠大碟, 4個人share 都夠食!重點啦！黑松露芝士火鍋!個鍋有個爐仔keep 住溫度, 唔怕凍左, 火鍋底好香松露味, 又香氣四溢, 又夠濃, 但唔會over 左個芝士味! 配料有西蘭花、長通粉、薯仔.... 我將舊薯仔點滿了芝士汁, 口感飽滿, 黑松露同芝士味交替在口腔內, 回味悠長!最後吃了佳餚後, 當然少不了美酒啦, 職員介紹左我地飲2款比較受款迎的手工啤, 分別係Rogue hazelnut brown nector呢款啤我一飲就愛上左, 飲味唔會太濃, 好易入口, 甜甜地!Feral Hip Hop IPA呢款就相比起淡D, 易入口,合酒量淺人士!

座落係旺角地區，有一間酒吧餐廳，裝修吸引美麗，勝在服務十分之好，只係坐位間隔上比較迫。薯圈唔會好淋，十分之脆口，香濃芝士醬，帶點香甜，特別開胃。好食過點蕃茄醬啦。肉醬意粉就食得多，但呢個唔係普通嘅肉醬意粉，肉醬唔會鞋口，肉碎充分吸收茄汁味道，意粉有咬口，不會吸收太多水份。再混入溫泉蛋，蛋黃汁令肉醬意粉更鮮甜。黑松露芝士火鍋好特別，芝士煱預先預熱，再用蠟燭保持芝士嘅溫度，將菜料佔上熱烘烘嘅芝士煱內，芝士加濃濃黑松露香，令菜料嘅味道有所提升。呢間特色嘅野就係手工啤，當然要揀支黎飲下啦。呢支係Rogue Hazelnut Brown Nectar，中文叫咩就唔係好知啦，大多數啤酒都係苦，但呢支飲落唔會好苦，又略帶微甜，餐廳職員介紹話飲左會好happy，又幾有趣喎。

對於芝士迷黎講, 芝士火鍋一D都唔陌生. 但好多時食黎食去都係意X屋個隻, 但價錢偏貴. 最近見個friend 屋企附近開咗間新餐廳酒吧有芝士火鍋食, 我地就即刻約好一齊去試下喇!佢除咗有原味芝士火鍋, 仲有黑松露芝士火鍋同埋腐乳芝士火鍋, 兩隻我地之前都未試過, 今日就揀咗黑松露芝士火鍋試下等咗一陣已經上枱喇, 陣陣芝士香同埋黑松露味已經令到我地流晒口水. 等佢”滾”咗一陣, 我同朋友就即刻放D配料落去喇! 配料有面包, 新薯, 西蘭花同埋長通粉. 幾款都有唔同口味, 新薯口感較爽口; 西蘭花就係清新之選, 因為佢個型狀係粒粒花, 所以可以沾上更加多芝士汁; 長通粉個心中空, 芝士汁可以充滿咗中間空心位置. 配料新鮮, 但最重要當然係芝士汁. 芝士汁比我平時食開的香濃, 而且亦加入咗足夠墨松露醬, 令成個芝士火鍋的香味更上一層樓, 芝士汁本身個質地較稠身, 所以亦都容易沾上配料上, 唔會一令上黎就滑走晒.兩個人食份量配對足夠, 以呢個質素黎計, 我個人覺得幾抵食. 下次會再黎試埋個腐乳芝士火鍋!