Steak Bar (已結業)

朋友介紹來Steak Bar食吉列牛扒，話性價比高，大件夾抵食，所以今日專程來食下。🥰入到來研究左陣餐牌。覺得呢餐好抵食👍🏻食到招牌菜吉列炸牛扒🥩，又有比木魚，重有章魚🐙小丸子，外加兩杯飲品，做緊79折$499。唔錯wor😝飲品方面叫咗無糖可樂同柚子Soda。兩個都雪到好冰凍。❄️解膩良品，爽呀！等左一陣吉列炸牛扒就來了。賣相很漂亮。好多野食吖～開心😝牛扒有九塊到，份量都幾多。牛扒四邊鋪滿金黃色吉列炸粉，內裡的肉是鮮嫩的粉紅色。睇見都吞口水。等我大顯身手先！每次大約煮四塊。每邊約分幾鐘，表面有少少焦香就可以了，不難掌握技巧。牛肉食落外面酥脆、有牛油🧈香味，內裡保有肉汁，牛味濃油脂感十足。點少少燒汁加埋鋪滿飯素的白飯同蒜片食，大🈵️足😋同男朋友來，可以扮吓賢妻良母，煮俾佢食，盡顯功架🥰香煎比目魚好厚身。香脆嘅表皮，加上嫩滑多汁嘅魚肉，點少少鹽花，非常迷人好食。黑松露薯條🍟同章魚🐙小丸子都好好食。薯條黑松露味濃郁，熱辣辣脆卜卜，點茄汁好好食。章魚小丸子粉漿唔厚，裏面有粒粒八爪魚，好彈牙。兩個小菜都好高質。整體食物質素好好，價錢又合理。仲有機會扮賢妻良母，值得再嚟。

長假期前夕，收工就約咗朋友仔去銅鑼灣shopping🛍+食晚飯🍽～每次行銅鑼灣都一定會經過Steak Bar🥩，但今日就真係第一次食～二人餐（$499）朋友仔話好肚餓，所以我哋就叫左個二人餐，好似幾抵食😂吉列炸牛扒🥩個火好猛，睇相都見到啲火飛咗出嚟🔥，要小心啲放吉列牛扒上去煎。牛扒肉質鮮嫩🥩，完全冇筋，沙律🥗同餣蘿蔔可以解下熱氣😆～香煎比目魚柳🐟塊魚煎得金黃香脆🐟，如果冇骨🦴就會更開心～石燒牛舌牛舌幾新鮮🐮👅，仲有啲黑椒喺面👍🏻黑松露薯條🍟薯條偏硬🍟，同埋原來係灑黑松露粉喺上面😅日式章魚小丸子🐙🍡望落去同平日食嘅章魚丸唔一樣，就咁睇以為係脆皮，但咬落唔係…😅

宜家香港有好多地方都有得食石燒牛，不過質素就好參差，而且好多時入完去，出嚟就成身燒肉味但為食貓今日介紹呢間位於銅鑼灣登龍街既steak bar，牛肉質素唔錯之餘，價錢都幾合理，重可以自己因應牛既熟度慢慢燒，都幾好玩重點係食完唔會成身臭味環境食物為食貓同朋友叫左個2人set $549（已加1），包2杯野飲，一個吉列烤牛扒set，一個香煎比目魚柳set，日式章魚小丸子4粒，黑松露薯條，石燒牛舌一客😻吉列烤牛扒 推介 （5/5）就算唔叫set，為食貓都推介大家叫呢個牛♥️因為佢外面脆入面淋，幾特別，好有口感👍🏾加上佢係用牛油黎燒，會令個牛更香但大家記得唔駛烤好耐，如果唔係啲牛會變靭，會變得好難食石燒牛舌 推介 （5/5）呢個牛舌都幾高質，夠晒薄身，食落去一啲都唔靭，亦都無牛嘅臊味香煎比目魚柳 （4/5）佢個魚都煎得幾香，而且超大舊tim 至於個章魚小丸子同埋黑松露薯條就無咁出色，小丸子整得唔夠實，而薯條就太多麵粉，但可以改善既不過因為呢間餐廳係主攻食牛，所以肉既質素有保證，所以大家食得唔多既，可以只係叫牛既set，再加2杯野飲已經非常足夠

把握有晚市堂食嘅日子🥹 想食吉列炸牛扒同比目魚，所以點二人餐menu for two($499)，食物好豐富😋套餐有牛舌、🐙章魚小九子、🍟黑松露薯條、🥗沙律、醃蘿蔔、加咗飯素嘅🍚飯，同兩杯飲品。粗薯條好香黑松露味🤤🥩吉列炸牛扒表皮已炸得香脆，再放上石上每邊燒至喜歡嘅生熟程度就食得，個人比較鍾意7成熟🔥比目魚亦煎得香脆嫩滑🐟 魚肉唔乾又唔會鬆散😋薄切牛舌燒一陣就食得，加少少檸檬汁更滋味🍋餐廳環境舒適乾淨，服務態度也很好👍🏽

與朋友久違的聚會，一於去登龍街覓食，想試石燒牛好耐，見到一於入去試試。店內環境簡潔舒適，坐位闊落。坐底後，我地見有一個餐是二人套餐，好似好抵食，$499 未加一，有以下的食物。 當然仲有其他選擇，但呢個太吸印，我地二話不說決定左。♟Menu For Two（$499）♟➰MainCourse➰1.吉列炸牛扒吉列牛扒上枱時外層舖滿麵包糠，肉是生的。職員好耐心地為我地介紹食法及煮法。先用牛油預熱個爐5分鐘，然後按自己的喜好燒出自己想要的生熟程度。職員建議每邊30秒。個人中意燒耐少少。牛扒食落肉嫰多汁，外層脆脆的。可配上蒜鹽/燒肉汁／炸蒜片同飯素白飯。簡直惹味滿足。2.香煎比目魚柳成個套餐包括左前菜、白飯、醃菜。比目魚柳煎得香口、且金黃色，內裡嫰滑。好味➰SideDishes➰還有兩款小食，本身以為二選一，點知原來係兩樣都有，勁開心。有我最愛的薯條，亦有我朋友最愛的章魚小丸子。➰Drinks➰兩個酒鬼決定要鬆一鬆，飲杯APPLE CIDER。宜加仲👉🏻額外送石燒牛舌一客👈🏻。份量一點都唔少，有5塊。職員建議我地燒耐少少。食落有口感，有濃濃的牛味，唔會鞋。