麵道 (已結業)

咁岩去開石門附近，見到港鐵站外有間拉麵鋪！症情關係好耐冇去日本食拉麵，一於試試佢過下口癮😚😚🍜 特盛雞叉燒味玉博多雞白湯拉麵拉麵湯底濃郁，唔會太過油膩，湯汁勾住拉麵一齊食簡直停唔到😋😋😋。雞叉燒方面雖然軟身，但略為鞋口，發揮一般。🍜 黑松露蜆貝醬油湯拉麵 湯底同平時食開既拉麵湯底好唔同，偏中華風，黑松露味亦不太突出，唔係太習慣。不過勝在配菜多，有豚叉燒、雞叉燒、蜆、味玉，每樣都可以試下。有下次既話會叫雞/豚拉麵。🥟 芝士羽根燒餃子芝士煎餃不太推薦，雖然芝士鋪滿係餃子上面睇落吸引，但食落去發現面頭既芝士並冇融入係底下既餃子，而餃子餡亦無再加芝士，比較失色。值得稱讚係叫拉麵時可以選擇唔同軟硬度、濃郁度、多蔥少蔥等等，迎合唔同口味。👍🏻👍🏻總括而言去開附近又口痕想食拉麵既話都可以一戰，但價錢相對較貴，性價比不高。

閃光放假特登帶我去試嘅拉麵🍜位於石門嘅一間小店🏡店舖小小人龍長長，好彩都食到每日限量2️⃣0️⃣碗嘅黑松露蜆貝醬油拉麵🤩黑松露除咗配意粉對味之外，原來配拉麵都夾喎😳拉麵加咗黑松露醬、新鮮蜆貝同甘味醬油烹製，湯底更加鮮甜，陣陣松露香但又保持清爽😚而且呢個拉麵仲好闊佬😋配料唔止有一般都會有嘅豚肉叉燒，仲有蜆貝同雞叉燒🥹雞叉燒鮮嫩多汁，豚肉叉燒脂香味美，一次滿足3個願望啊🥰-🍜黑松露蜆貝醬油湯拉麵 $95-🍜麵道🏡地址: 沙田石門安群街3號京瑞廣場第一期地下G1號舖☎️電話: 35635262🕙營業時間: 11:00-20:30 (Mon-Sun)———————————————🌿以上圖文由Bobowannaeat版權所有，轉發需授權喔

本來想試佢個芝士拉麵，點知已經做完咗喇😭#特盛叉燒味玉伊勢海老豚骨湯拉麵 🍜 既然佢無做，唯有自己order加mozzarella 芝士不過試咗個效果唔係咁理想，芝士味唔出因為個海老湯好重蝦味 (堅正👍🏻)叉燒大大塊，蛋做到流心，食完好滿足不過個湯底係比較油，怕油膩嘅要留意#黑松露蜆貝醬油湯拉麵 🍜試咗一啖湯，真係好重黑松露味，正另外嗌咗兩個小食:::#芝士羽根燒餃子 🧀🥟#芝士天婦羅無骨雞翼 🧀🐓食呢兩個就真係食到芝士味喇不過就算有芝士亦都真係冇乜特別😂