2DP (已結業)

朋友生日 再嚟食多次 上次來嗰陣都冇setMenu 今次終於有啦好抵！叫咗四個餐 我哋三個人請生日個朋友食 一人都唔使比＄100！因為上次有試過其他所以今次叫咗啲完全唔同嘅 呢個魚柳漢堡第一次食 魚柳炸得好好味 但係最好味都係隔離嗰啲薯條 係用番薯做架 好特別得來又唔油 我哋係咁搶黎食之後叫咗個黑松露意粉闊條麵 個黑松露汁好好味唔太流唔係好creamy嗰隻但係個闊條麵質感有啲鞋 唔知係唔係因為用素造？個沙律好Fresh 雖然啲菜唔係話好新鮮但係個汁好清新 再加埋我最鍾意食嘅橙 好refreshing 個牛油果醬同個toast 都match最後呢個all day breakfast普普通通 但係佢個西蘭花好得意 睇返餐牌先知道原來叫西蘭扒 佢又真係整到好似一塊扒咁 個質感好特別 琳琳地 其他都冇特別如果唔係因為上次食完覺得唔差 都唔會咁快就再嚟食

晚上8點幾去到要排隊，基本上條隊係無停過咁keep住有人2DP係一間素食餐廳，主打有關茶嘅飲品同甜品，餐牌選擇唔多，但反而令有選擇困難性嘅我，有更快嘅決定要食乜。燒西蘭花及椰菜花扒全日早餐 $72西蘭花同椰菜花燒得幾香，但可以再厚切d，口感會實在d，果片麵包好食，但可唔可以大塊d呢？配菜嘅醬汁係自家製，菠蘿汁做主調再配其他唔知乜汁，有人話味道似handcream喎黑松露雜菌闊條麵 $68黑松露幾夠香，雜菌數量都夠多，唔太hea，闊條麵質感唔係彈牙果隻，但你會感覺係有好實在嘅感覺百年古樹月光白茶 $48茶味幾清，而我就唔太喜歡杯茶用紙杯膠蓋去飲，始終即棄物料影響茶味，又唔環保，唔明點解唔正正經經用一隻杯普洱榛子茶壺 $72榛子茶壺切合主題，茶味夠濃，好食呀！特濃黑茶伴意式普洱朱古力雪糕 $55濃茶夠香濃，正好中和雪糕甜膩，兩者互相配合，恰到好處。順帶一提，全素者可選擇不含蛋類製品食物，部分要加錢轉，自己去睇睇啦！

Cafe 主要採用素食菜單～ 有甜品有熱食有野飲🍞2DP素全日早餐：份量好多！有蕃茄/茄子/蛋/麵包/炒蛋/沙津/蔬菜不過不失，冇乜特別🍝黑松露雜菌闊條麵：闊條麵質地薄薄地。。味道唔錯，有淡淡黑松露味。醬汁唔會creamy 份量幾多，好快飽～ 值得一試：香草包！😍唔係白麵包，有驚喜👍🏻🍹火龍果乳酪：沙冰嗰層係唔錯，不過唔知點解擺擺下杯野會分左兩層🤔 好似有層糖水沉底咁😑🍟黑松露醬薯條：食落同一般薯條唔同，好似有西瓜成入喺入面？幾好味幾特別，亦都會較飽肚。黑松露醬就太少太杰，點又難點，又唔夠食🤷🏻環境、創意都幾好！不過食物方面有進步空間

心目中嘅素食分上中下品，下品多為傳統齋菜，唔健康、染色奇怪、且通常味道一般；中品，如港大嘅一念素食，乏善可陳；上品，就如2DP。上次到訪，餐廳提供青瓜水，頗清新；今次係檸檬水，亦不俗。因為之前食咗街頭小食，所以我地3個女仔share 2碟意粉。意粉比上次幫趁時升級左，有一塊麵包伴碟，唔係白麵包，而係加入左香料製成，略脆，唔錯。1. 西西里蕃茄忌廉蘆筍闊條麵食過最好味嘅蕃茄底，沒有之一！蕃茄味唔係非常非常濃但係好順口，同忌廉夾得啱啱好。我地食完忍唔住拎支羹飲埋D蕃茄底。豆角爽甜無青味，蘆筍甜脆唔苦澀，西蘭花吸滿湯底，極好食。闊條麵質感同其他餐廳食開嘅闊條麵唔同，非常好咬。2.  黑松露雜菌闊條麵正常餐廳嘅黑松露意粉/闊條麵味道都相去不遠，味道唔錯，但無驚喜。無叫甜品，因為上次叫天堂卷（$76）中左伏。可能唔夠賣，師傅將蛋卷切薄左，第一次見到蛋卷薄到搖搖欲墜，完全唔值。Yoku Moku蛋卷半條都係$88，相較之下喺度叫甜品會有D卻步。

這夜來到尖沙咀，表姐說想吃素食，我們行經這間新店，便被素菜餐牌吸引了。而且店鋪裝修很新穎，以茶為主角，特別喜愛落地式玻璃門面及半開放式廚房, 令人感覺很舒適。MENU 此店以茶及素食作為主題，一反現代都市人繁忙及肉食的步伐，讓人停下來慢慢享受茶香，令人有種refreshing 的感覺~自家製素牛扒漢堡配炸蕃薯條 $88 - 素牛扒用上紅菜頭，藜麥，蓮藕，秋葵等等製作法自家製素牛扒。外皮煎得很脆，吃時真有點像漢堡扒的感覺。 炸蕃薯條炸得很香脆，比普通薯條更健康。燒西蘭花及椰菜花扒全日早餐 $72 - 蘑菇，沙律，西蘭花，椰菜花，炒蛋，蕃茄，麵包這個全日早餐也蠻豐富，西蘭花和椰菜花烤得很香，蘑菇很新鮮，炒過後特別香濃。黑松露雜菌闊條麵 $68 - 整碟闊麵很重黑松露味道，很香濃，我兩個女兒搶著要吃西西里蕃茄忌廉露筍闊條麵 $62 - 露筍很鮮甜，配番茄汁，味道好清新半熟芝士燉蛋配鐵觀音雪糕$68 - 芝士很軟滑，用麵包條沾少許芝士燉蛋吃，香濃可口。 鐵觀音雪糕， 茶味頗濃，我很喜愛，可以中和芝士的濃味~農場紅豆迷你班戟配普洱朱古力雪糕 $66 - pancake 很鬆軟，普洱朱古力比我想像

呢排天氣熱到爆, 行一條街, 已有爆汗feel見未係時候食飯, 來個遲來的tea time~知道呢度開咗間新野, 門面有d似西餐廳風格, 聽聞這裡以茶為招牌某些甜品也以茶為成份呢度主要係供應輕食為主, 行街行到又熱又攰, 入黎坐下食少少野又起行位置開正尖沙咀行街Shopping點的中心, 係非常之就腳內裡有一邊牆身, 又放了中國茶的擺設, 但感覺一d都唔老土我同朋友仔先拎過Menu後, 搵個位坐低order食物就要自己去cashier訂餐的, 而食物就由侍應送上, 不設加一的一場來到, 試下咸甜各一款啦 朋友點的黑松露雜菌闊條麵, 我試吃了2口闊條麵的口感帶點粗, 像是麥麵, 而且帶有很香的松露味道, 入面也有很多煮熟過的洋蔥片 (平日我不喜生洋蔥, 煮熟後的我反會接受, 因為走了份刺激辛口的味道, 但也帶香味)$68價格絕對接受, 份量也屬正常 後來翻看Menu, 才知道食物是由註冊營養師專業訂製, 全部都是健康素食Menu上更會標籤著那一款是"高纖" "高蛋白"之選, 調整都市人常食高脂高膽固醇的口味雖然是健康餐, 但味道唔會淡而無味的!而我就要試試2DP的甜品啦我揀咗限量發售及招