赤橋拉麵 (已結業)

係虹橋附近探完朋友屋企，黎試試呢間有日式正宗味道嘅小店。對上一次食係幾年前，事隔多年人氣不減，平日夜晚8點都要等位。大約等左十零分鐘就有得入去啦😬入面餐牌好簡單，有三款豚骨湯底既湯麵/沾麵選擇。今次試左比較濃味嘅黑油豚骨沾麵✨湯底濃郁，入面有一隻流心蛋，兩塊大叉燒同埋配菜，夠哂足料。麵煮到岩岩好，唔會太䭃，份量對女仔黎講都足夠飽，食量大少少嘅男仔可以加埋餃子🥟。同行朋友就試左黑油豚骨拉麵，所有配料一樣多，不過湯底冇咁濃，可以邊食邊飲。

一碗好食既沾麵絕對值得食完又食！講真已經encore過好多次，因為地點都算幾方便(近新墟輕鐵站)。為於紅橋既依間沾麵取其地點名稱，又不失日本感覺。個人覺得幾有創意😂雖然舖面細細，但舖外排隊既人龍周不時都有好多(尤其晚餐時段)，建議下午時間通常可以直入。．餐牌簡潔，全店有三款招牌湯底，全部均可選擇湯麵或沾麵。另外，亦有小食同幾款日本果汁汽水。今次就選食以兩款。．🔸海老豚骨沾麵 $85幾乎每次黎都係order依款！貪佢夠濃味，海老味夠香～麵底份量多～有玉子、叉燒、海苔、荀依啲經本野就不多講。依到特別在有果醋提供，只要落啲係麵底到，酸酸甜甜。再沾一沾湯，就變得唔會好膩。食到最尾，一樣可以要求店員加清湯到沾湯底，當湯飲。🔸黑油豚骨湯麵 $82食得多沾麵，都想試下依到既拉麵。黑油豚骨湯夠濃，但未夠厚。不過對於配拉麵來說，都已經好足夠。麵頂上的蔥、洋蔥、香蒜撈埋落湯一齊食，夠哂香，香蒜仲有啲脆口。重口味既朋友都可以試下依款。．by VIN環境分數: 6.5/10食物分數: 8/10

之前聽朋友講赤橋拉麵幾好食，決定帶二少黎試下喇～裡面唔係好多位，等左20分鐘先入得。我地叫左魚介豚骨湯麵同黑油豚骨湯麵：湯底杰身，濃味👍🏻叉燒肥瘦適中，糖心蛋有流心，都唔錯。而麵質比較硬同粗身，唔係想像中既拉麵，配沾麵可能會好啲，但配湯麵就有啲扣分。仲叫左桃汽水同抹茶可樂，好飲～住附近可以黎試下既，但要山長水遠入屯門食就未必值。如果有機會而又唔洗排隊，可能會再黎試下佢個沾麵既，唔知沾麵會唔會好食啲呢🤔