Lab 66 (已結業)

今晚同朋友係旺角球場睇完波, 行過隔離街睇有咩食, 再Search下openrice, 發現呢間餐廳食評唔錯, 所以就決定去呢度食dinner~ 呢間餐廳分為兩層, 每張檯與檯之間幾寬敞。Menu上好多款式都好吸引, 忍唔住點多幾款大家share食。【黑牛】HK$48呢款台式飲品已經好少可係Cafe可以飲到, chocolate 雪糕溝可樂, 解渴一流~【芒果軟殼蟹卷】HK$88除左台式飲品, 呢度更有墨西哥卷, 包住新鮮沙律菜、少少芒果肉同埋軟殼蟹, 軟殼蟹雖然脆, 但份量比較少。因為沙律菜比較多, 所以卷埋一齊食都食到入面既爽脆口感【芝士薯條】HK$48薯條份量多, 不過芝士比較少, 拉絲效果不太明顯【炸魷魚鬚】HK$68炸皮唔太厚, 即叫即炸, 唔算太油, 雖然呢隻炸漿炸起唔太脆, 不過魷魚鬚極之爽口, 而且份量幾多, 抵啊!【咸牛肉芝士吐司配薯條】HK$58薯條份量好多, 岩哂閒聊/送啤酒。而吐司烤得表面金黃, 咬落表面脆而內裡鬆軟, 吐司夾住咸牛肉, 牛肉比較少, 不過熱溶既芝士味很出, 依然食到包入面咸咸地既味道~【香草醬燒豬軟骨】HK$198汁醬味道類似中式既薑醋, 甜甜

餐廳既裝修配合重工業風, 好Raw好型格, 入黎食野之餘記得要留意下四周既環境同擺設呀~黑牛: 經典既可樂加朱古力雪糕組合, 要特別讚一下個雪糕球朱古力味超級濃郁, 而且好滑Dark Choc: waiter拎到黎既時候, 我地都嚇左一跳, 因為真係好大杯另一個驚喜位係加左橙皮, 中和左朱古力既膩亦到豐富左味道既層次口水汁抄手: 味道偏酸, 係好稱職既開胃前菜生菜肉碎包: 肉碎既味道同平時泰國既生菜包唔同, 而家係有屋企飯感覺既中式炒肉碎, 感覺幾新鮮幾特別Lab66自家漢堡(beef): 個名無呃你, 食得出係自家製既漢堡而唔係現成買返黎. Burger入面加左好多沙律菜, 無咁肥膩又唔會蓋過漢堡既味道!芝士蕃茄醬黑豚肉柳: 黑豚肉好腍, 芝士好足料, 配合甜甜既蕃茄醬, 無得輸!

打工仔心態，星期一番工永遠最灰最冇心機。收工想Happy下自然想搵D好野食啦。近年旺角既黑布街同白布街都開始有唔少新餐廳開左，Lab66都開左一段日子，今日終於有機會試下。門口望入去都幾爆人，好彩二樓都重有位。黑牛即係朱古力雪糕加可樂，雪糕好濃好香朱古力味，相比之下可樂既甜味唔會搶過雪糕的味道。好喜歡雪糕的味道，相當唔錯。朱古力入面加入了橙皮同埋奶油，橙皮的味道令朱古力整體的甜味變得相對冇咁甜，但係香味變得豐富了及清香了，唔錯的配對。有別於泰式生菜包的辛辣，肉碎的味道似中菜，咸咸地，加上青檸的味道幾開胃。配上生菜去食的話，其實我都要番D辣味抄手通常都係紅油抄手比較辣同油，呢道的抄手就以醋味為主。抄手入面的鮮蝦同豬肉的味道唔錯，醋的酸味都幾開胃，前菜黎講幾好的選擇。一客三串嘅牛柳粒，燒得唔算乾身，油脂位同肉嘅比例唔錯👌配碟有少許黑椒粒同蜜糖芥末去調味，整體味道唔錯芝士蕃茄焗豬柳，蕃茄醬是亮點，味道好濃厚同鮮味，同出面罐頭的蕃茄醬感覺好唔同。豬肉勁腍，用刀輕輕一切已經切開，入面重帶點粉嫩。配角有炸薯角，配蕃汁去食是常識吧自家制的漢堡一向都好欣賞，亦都食得出佢呢度真係自家制唔係用工廠的漢堡。