古法烘焙 (已結業)

自從知道古法烘焙荃灣店無再賣雞蛋仔，都少咗過嚟，不過，荃灣都喺常到嘅地方，所以，趁今日偶爾行過，就支持一下小店，買兩盒餅拎番公司請同事當下午茶。一櫃有好多唔同款式嘅特色餅食，因為之前都試過佢好多款產品，所以，揀啲未試過嘅，結果就買咗豆沙老婆餅同黑白芝麻酥兩款。其實，都仲想試番牛油楓葉批，記得好香好鬆脆，不過，原來已經無再做。豆沙老婆餅 $641盒10個獨立包裝（10 x 30g），乾淨衛生，翻轉盒盒底成份，主要喺以冬瓜蓉、紅豆、椰蓉嚟做，外皮都算鬆化，但未夠香，可能健康關係，落油都相對少；而豆沙餡佔成件餅大部份位置，無欺場，入口帶有幾濃郁嘅紅豆味，清香少甜，不過，質感上未夠軟綿，反而仲有少少乾身。黑白芝麻酥 $52同樣1盒10個獨立包裝（10 x 15g），不過，因為芝麻酥本身無餡料，所以輕身好多。襯番個名，個包裝盒以黑白炭紋襯托，寧捨型格。芝麻酥咬落非常鬆脆，亦喺少甜之作，雖然食到有芝麻香，如果再重手啲就更理想。今次再幫襯發覺又貴咗，物價真喺只有漲，間唔時一次買嚟請同事試吓，都OK啦！

放工之後獨自去了荃灣逛街，那時又開始落下毛毛細雨，後來入了荃新天地避雨，其後又想到家中的小食也是時候入下貨，後來經過了一間「古法烘焙」的店鋪，後來我又走了一躺去留意下店內賣的小食，後來兩位的男店員都非常熱誠地給了一些試食的小食去試食一番，例如鳳皇卷、黑糖馬仔、鳳梨酥......得到店員的熱情款待，真是非常開心，店員對店內的產品都好了解，更是好細心地為我介紹不少不同種類的食品，此店的出品都是以少油、少糖為主，十分重視現代人的健康，傳統港式小食中我較喜歡的是食鳳皇卷，起初店員給我試了個鳳皇卷，起初都是以為有椰絲餡之類的餡料，原來寫明椰絲鳳皇卷才有椰絲、砂糖作餡，普通冇餡的都是叫鳳凰卷，只是跟蛋卷的形狀不同，試食了一番之後，後來我六款的港式小食回家。分別有椰絲鳳皇卷、黑糖馬仔、鳳梨酥、豆沙老婆餅、黑白芝麻酥及杏仁批。   回家後我第一時間就開始拆盒食野，每款的港式小食都有獨立包裝，包裝精緻用來送禮或自用都不錯，想食時先拆袋，真是好方便又衛生，起初開始食了「椰絲鳳皇卷」，一盒有 12 片獨立包裝，未拆開袋已經好多餅碎， 入口時椰絲鳳皇卷給我第一個感覺就是好乾身，是好鬆脆但好易散，一咬即碎開