小食糖 (已結業)

呢間餐廳都幾得意，以為係室內餐廳，但其實係半開放。係美麗華廣場見到課室主題嘅餐廳，都幾有趣。啲枱枱櫈櫈真係好有小學嘅感覺，多數都有劃痕同寫咗一啲字句，好懷舊。不過枱櫈有少少矮，會坐得有啲辛苦。個晚我唔太餓又驚食唔晒，本來想叫綜合水餃（高麗菜、韭菜、香菇雞肉）配滷肉湯麵，食得清淡啲，點知無得食。最後揀咗台南鹽水意麵套餐。-台南鹽水意麵套餐呢個餐都幾多配料，有牛腱、滷蛋、豆干、蘿蔔、海帶、豬耳朵，成碟滷水拼盤咁。另有滷肉拌麵，都幾好食。滷蛋口感有啲硬，入口麻麻。豬耳幾入味，其他配料都唔錯。-起司薯條同朋友開心share薯條，餐廳落咗大量芝士醬，似係車打芝士整成。但我自己唔太好車打芝士嘅味，多數齋食薯條。薯條炸得幾好，金黃脆口。芝士醬我都試咗少少，好重芝士鹹香，唔算太膩，芝士愛好者應該會好鍾意。-黑糖珍珠奶茶呢個造型幾得意，好似化學實驗咁。將奶茶倒入裝有黑糖珍珠嘅量杯，可惜飲個陣嚴重飲唔到珍珠，長期聚晒係底。要自己搵匙羹撈起珍珠嚟飲，飲得勁辛苦。至於味道，黑糖味唔多，珍珠口感唔夠煙韌。奶茶普通，茶味唔太濃厚。感覺只有賣相吸引，空有其殼，有啲失望。

今日有事出到尖沙咀, 到左晚餐時間去到美麗華商場發現一間好有趣嘅台式餐廳, 所以2個人又去試新野去到呢個環境裝飾, 實在忍唔住咁不停影相😆😆一張張舊書枱(連出貓專用櫃筒)舊班房門, 諗起陳年時讀書嘅點滴。書架上放上漫畫, 令我地好掛住以上嘅時光。不過食客門要小心, 可能張木凳太 raw, 拉凳時竟然比木凳上塊板夾親隻手餐牌方面只有2頁紙, 1頁 for 麵食同小食, 另1頁係台式飲品。其實只要好食, 就算只有幾款野食都好足夠😄先黎左香酥雞湯麵, 只係貌相都已經贏左唔單止香酥雞外表炸得非常靚, 連餐具都好得意, 一邊頭係木顏色筆😆而呢個湯麵仲會有小菜附送。味道方面麵非常彈牙, 炸雞非常香脆絕對唔會比台灣食嘅差, 如果真係要挑剔, 會話個雞有 d 鹹, 但配合清湯麵味道就剛剛好啦。另外我地叫左個紅燒牛肉麵, 呢個比起炸雞就有少少失色。食牛肉味最重要係個牛肉湯底, 不過呢個就唔夠濃郁但係其他如牛肉同牛筋都非常好食同好林, 麵亦都一樣好彈牙。最令人驚喜, 反而係黑糖珍珠奶茶😍😍為左 d 奶茶唔會比 d 冰溝淡, 佢地分開左冰同奶茶。而佢地嘅杯記好似以前上化學堂一樣嘅 tube 好搞笑。珍珠好彈

午後無事，路過美麗華，被食肆名單上「小食糖」的名字吸引。特意來訪，不出所料，懷舊的校園布置，別有心思的員工制服，仿佛使人回到久遠的學生時代，一幕幕校園佚事於腦海中浮現。甫行近店門，店員便親切地遞來餐牌。餐牌很有特色，如學生時代的練習簿。問店員有何推薦，他便不厭其煩地向我們娓娓道來，笑容可掬，值得一讚。於店員的推薦下，筆者點了一碗「紅燒牛肉麵」、一客「黃金花枝丸」以及一杯「黑糖珍珠奶茶」，友人則點了「台式醉雞冷麵」。當時店內人客不多，人氣雖少，卻添了一份別緻的寧靜。縱然無人，店員亦毫不鬆懈，拿着桌布做些清潔的工作，可見其衛生意識十分良好。十來分鐘後，號碼牌響——讓我們走進正題。紅燒牛肉麵的賣相是可以的，吃下去卻有點「雷聲大雨點小」之虞。麵質不錯，唯湯底不夠濃郁，牛肉的份量偏少，肉質亦偏硬。作為招牌菜，其水準有些令人失望；花枝丸則出乎意料，非常彈牙，配以椒鹽，味道適中，十分可口，賣相呈金黃色，相當吸引，值得推薦；黑糖珍珠奶茶的味道有別於其他賣飲料的連鎖店，茶味較為突出，珍珠口感十足，只是甜味太重一點略為不足。筆者建議各位若要嘗試黑糖珍珠奶茶，下單時可向店員表示「少甜」。至於台式醉雞冷麵，友