李圓圓 (庇利金街) (已結業)

李圓圓 黑糖珍珠鮮奶紅茶 半糖一直很想試李圓圓的我! 終於試到了💛 可能是叫了半糖的關係, 所以不算很甜, 正合我意😌 份量相比起其他茶飲店來說,不算大杯😢 價錢亦較貴, 但珍珠是真的很有咬口, 紅茶也是不錯的

平時怕甜好少飲黑糖珍奶，但聽講呢度嘅珍珠好好食，又係黃店就黎試試，唔鍾意珍奶嘅可以試冬瓜茶支持下。店員提醒我地唔好搖匀杯飲品，而係用飲管攪拌5-6圈，等黑糖漿慢慢化開，原來飲珍奶都好講究！.黑糖珍珠鮮奶2.0:黑糖珍珠鮮奶紅茶:一整好就見到好靚嘅琥珀紋，喂相機一流。黑糖珍珠鮮奶2.0嘅甜度係固定嘅，但店員話無額外加糖，撈埋珍珠都唔會過甜。2.0版嘅牛奶量會增加30%，肥就肥啲，但比普通版嘅更香滑滋味。怕甜嘅可以揀紅茶，茶底可走甜，雖然味道較淡但都飲到茶味，而重頭戲當然係係經由火爐慢煮2個鐘嘅黑糖珍珠，溫熱嘅黑糖漿自然唔死甜，珍珠果然煙靭彈牙，大大粒有咬口，非常出色！

之前都飲過好幾次李圓圓，但每次都係飲黑糖珍珠鮮奶，突然間心血來潮想試吓紅荼👅特別鍾意佐敦分店呢度俾你隔住塊玻璃望到入面整緊珍珠，有一種好新鮮嘅感覺。唔知其他分店係咪都係咁㗎呢～.tried @bubbleleehk a few times already 😋 but every time i tried their fresh milk with black sugar tapioca 🥤 but this time decided to try their milk tea version 😆 their tapioca balls is still just as good 😋 but i feel like the tea makes the sweetness a bit milder! i think next time i will stick with the version with only milk 🤣 but regardless, this place is great 👍.《黑糖珍珠鮮奶紅茶》$30 😋😋半糖少冰～鮮奶紅茶比較起來，飲落fresh啲～但真味道真

咁多款台式飲品當中，珍珠奶茶唔算係我No.1至愛，因為好多時我都覺得啲珍珠唔好食，但李圓圓嘅珍珠係令我一試愛上，想再飲再啜黎食嘅.李圓圓暫時係香港得兩間分店，我兩間都有去過，今次介紹嘅係佐敦分店，但其實兩間分店嘅裝修同飲品水準都無咩分別。今次飲左兩杯，兩杯都係珍珠系列，店員好貼心咁會問你係咪即飲，如果即飲，就會幫你插埋飲管同提示你只要攪5-6圈就夠，避免啲珍珠變凍會變硬！李圓圓嘅珍珠甜味啱啱好，每一粒都有一樣嘅甜味，軟硬程度都適中，好好食.第一杯係黑糖珍珠鮮奶紅茶，珍珠無得彈，但我唔係太滿意個奶茶，因為太淡，飲落似係英式奶茶個種「奶水」狀態，我個人麻麻地，下次都係飲黑糖珍珠鮮奶😆第二杯係黑糖珍珠奶昔，好少見有咁嘅組合，所以叫黎試下。我覺得應該改名就黑糖珍珠鮮奶沙冰，因為飲落係似沙冰多過奶昔個奶昔奶味都幾濃，唔錯！好適合夏天飲，飲完透心涼不過，要留意嘅係因為佢係沙冰質地，所以店員建議係買左之後10分鐘要飲哂，如果你打算慢慢飲，飲一個晏就，就唔好揀呢杯啦！題外話，我覺得佢地個logo好可愛，而且印左紅色中文字嘅杯真係好有台灣嘅感覺，大讚！

之前聽過朋友講李圓圓嘅黑糖珍奶好好飲，咁啱食完飯有時間就去買杯試下~淨係黑糖珍奶都有好幾款，有鮮奶，紅茶或者綠茶底奶茶。亦有普通奶同2.0奶版本。店員好耐心解釋左兩者嘅分別，我就揀左普通嘅黑糖珍珠奶茶，茶味會比2.0嘅濃啲。見住店員係店內新鮮炒嘅黑糖珍珠，等左5分鐘左右就有得飲。鮮奶茶嘅冰量同甜度都有得揀，本身唔中意太甜，所以揀左去冰同半糖。紅茶底奶茶茶味都幾濃，珍珠份量有2勺半。就算無即刻飲，奶茶同黑糖溶埋一齊甜度都ok，珍珠好有口感，唔會好硬👍🏻👍🏻黑糖珍珠鮮奶就無得揀冰量同甜度，但都係好飲嘅。以依個價錢黎講算係唔錯～