Bigger Burger Cafe (已結業)

burger 小店而家好似越黎越多，而呢間bigger burger cafe 就好似想以大取勝。但係有啲可惜，呢度既burger可能係比一般既大少少厚少少，但係真係唔係外國既size，而且包裡面既肉都唔覺得有特別多到。黑松露炒蛋牛肉漢堡 - 炒蛋同牛肉呢個配答一向都好味。今次都唔例外，炒蛋唔太熟，為乾乾地既包提供少少濕潤。而牛肉唔會太乾，又唔係太濕，味道適中。整體不過不失。經典雙層牛肉漢堡 - 睇相就見到漢堡有啲空洞。漢堡既厚度都幾令人滿足，但係就唔係好夠大喇。變相頭幾啖就口感會無咁滿足。而成個配答就單調左少少。黑胡椒辣味雞翼 - 第一口就覺得有啲辣，類似係tabasco sauce 既辣味，黑胡椒既味道就未食到啦。辣度都偏向少少辣，唔食得辣既朋友就唔好叫啦。炸得幾香脆，應該係新鮮炸起。白酒煮青口 - 食落就只能講都有少少青口既鮮味，但係就無咩其他既味道喇。呢個有少少可惜...

又到加班食好d時間，今次黎到Bigger Burger Cafe。餐廳位置在佐敦C2出口附近，大約容納40-50座，裝潢幾特別，兩面不同主題feature wall - 一面介紹各國burger，另一面懷舊音樂。餐牌主打burger🍔，亦有小食、意粉等其他選擇，也有set dinner, 都係意粉/rip之類。是夜點餐；菠蘿牛肉漢堡($98)每份burger有配冇少量薯條。Burger size適中，有芝士漢堡扒、蕃茄配有千島醬，味道配搭不錯~炸軟殻蟹蝦漢堡($118)有炸軟殻蟹、蝦肉雜果醬、蕃茄再配生菜，軟殻蟹係好味，但配試雜果醬一齊食會蓋過軟殻蟹味道，個人prefer就咁食軟殻蟹會咁開心d~黑胡椒辣味雞翼($68)雞翼共有6隻，炸得好香，黑椒味好濃，食完好想再order，但要節制下🤣🤣凍檸茶($18)食咁炸野，點都要叫杯凍檸茶消消熱氣。食物質素中上，而且店員服務態度好好，好思心，長期支持小店經營，會再黎食！

今晚朋友帶路食Burger，佢係佐敦返工，所以介紹呢間好多同事去食既Burger。入到去覺得裝修幾靚，枱面都係有一啲民族Pattern，感覺上好精緻。每個人都嗌咗個Burger，我同另一個芝士怪朋友都叫咗藍芝士煙肉牛肉漢堡($108)，芝士加牛肉漢堡配搭好正，仲有個煙肉令咬落去個層次更多豐富。另外呢兩個都係另外兩位朋友叫，自己未有試過，不過朋友都好鍾意。黑松露炒蛋牛肉漢堡($108)，個蛋勁厚經典雙層牛肉漢堡($128)每個Burger都有配薯條，仲要係厚切，好滿足！黑胡椒辣味雞翼($68)，好辣好惹味! 白酒煮酒口($68)因為手工啤酒九點後第二枝半價，我地等到九點後都每人叫咗枝手工啤酒，啲款好似無係香港見過。有朋友就叫咗半無酒精飲品~

越邪惡嘅食物就越多人鍾意食,特別係burger同薯條依類型嘅食物,但同樣地高質嘅burger亦都唔係咁容易食到。聽聞依到嘅burger質素唔錯所以就約埋朋友仔一齊去試。雞翼配上黑胡椒同火辣辣嘅Tabasco,作為餐前小食確實開胃。份量十足夠晒巨型,有兩塊超厚嘅漢堡扒,蕃茄,芝士洋蔥同生菜,個口細D都難以將佢一啖咬晒。漢堡扒大約七成熟,仍然可以見到小小嘅嫩紅色,咬落好juicy肉汁不停澎湃地湧出,絕對啱晒meat lover。漢堡配料基本上就同經典雙層牛肉漢堡嘅差不多,不過只有一塊漢堡扒但就多左塊煙肉。藍芝士醬夠晒惹味同濃郁,同burger好夾。