麵屋神匠

营业中

休息中

今個星期繼續頻繁搵食，這次來到位於油麻地的拉麵店，店裏裝修格局很有日式風，店舖隱藏於彌敦道彎角處，幸好招牌都稍為耀目所以很容易便找上。。。《三人入座分別點上黑蒜蝦湯拉麵HK$88, 極上蟹白湯拉麵HK$128, 與及蝦汁拌麵HK$78.》（黑蒜蝦湯拉麵），偷呷一口黑蒜味道不算太強烈，但口味絕對適合大眾，薄薄的豚肉片肥瘦適中，這個價錢算是合理～另一個（蝦汁拌麵）由於天氣熱，覺得食拌麵應該是一個不錯的選擇，這一個我相信是整台之中排名第二，我喜歡輕輕火炙過的豚肉片，有很香的火炙感覺，吃在口中雖然豚肉已經冷卻，但這股火炙後味道實在提升了豚肉不少的滋味，拌麵下的蝦汁亦相當充足，令到每一條麵條都充斥着醬汁的香氣，好吃～☆☆☆☆至於全餐中的No.1莫過於便是較為貴的（極上蟹白湯拉麵），湯底非常之濃，而且滿滿蟹肉鮮甜味道，下次再訪我一定會獨佔一碗～☆☆☆☆(煎餃子)可以跟上作為套餐另加HK$10.對於餃子的評價我只是中平，以HK$10. 加上四隻餃子，還會要求什麼？整個用餐體驗自己非常滿意，雖然是小店一間，當日就只有兩名青年職員招呼，但都很禮貌週週，吃畢摸摸肚皮滿意的放下銀両離開。★此店有接受八達通收

黑蒜蝦湯拉麵同濃厚蝦湯拉麵同樣都係好濃郁，但係一啲都唔油膩。濃厚蝦湯拉麵係有櫻花蝦喺面，增強左蝦嘅味，而黑蒜蝦湯拉麵係加咗黑蒜油，非常香，同埋為湯底加咗少少甜味。兩者湯底個texture拿捏得幾好。叉燒都好嫩口，有兩大塊，係偏薄既，相比起湯底係比較淡，所以其實個主角都係蝦湯，唔會搶戲，有飲梳打既我都爭啲飲晒成個湯，因為做得幾出色。日本梳打係有生果味揀既，揀咗蘋果同蜜瓜，隻味都好自然，同埋好解渴。如果你係對蝦有敏感，店舖係有清湯揀既，佢啲拉麵係好彈牙，所以都好值得一試架！因為始終都係海鮮做既湯底，所以建議大家趁熱食，如果唔係味道係會有所改變㗎~

呢間餐廳主打濃厚蝦湯拉麵同沾麵🍜店內採用木紋日式裝修同落地破璃設計，掛滿日式紅白藍燈籠同特色牆畫🏮💗濃厚蝦湯沾麵 ($118)蝦湯用上甜蝦、赤蝦、蝦乾，大量蝦殻，以秘密配方熬煮至少4個鐘，味道鮮甜濃稠，蝦味特別濃郁🦐；冷沾麵寬偏Q彈，掛湯力強🍜；兩片叉燒選用豬肩肉，低溫慢煮保持粉嫩軟滑🐖；配料包括有溏心蛋、筍條同自創嘅羅勒醬多士🌿💗黑蒜蝦湯拉麵 ($88)沿用招牌濃蝦湯底，澆上獨特甜香嘅黑蒜油，令味道更豐富🧄；配料包括有三片叉燒、溏心蛋、筍條同紫菜🥓。附送涼拌青瓜為開胃菜🥒💗炸日式餃子 ($32/ 4隻)餃子炸至外表香脆，餡料以豚肉同椰菜為主，飽滿多汁，蘸上微酸嘅餃子醋提鮮🥟

舖頭細細，之前行過見到有蟹湯同蝦湯已經好想試，今日平日下晝黎到試吓分別叫左黑蒜蝦湯拉麵、花咲蟹湯拉麵、加配小食餃子2件🥟、炸雞2件同1隻糖心蛋。再加一個下午茶小食拼盤餐（其實只不過係多份薯角同野飲，其餘嗰啲都係餃子同炸雞各2件）黑蒜油蝦湯拉麵一落枱都已經聞到幾香，但食落又唔係話好突出的香味同驚喜，麵身依碗點左偏硬彈身，是合格的，蝦湯味香且濃厚，都擔心後面會唔會食到好膩但又無，碗邊有兩塊大豚肉，但個人覺得口感太彈身唔太中意。我比較中意軟林口感的花咲蟹湯拉麵黎到既香味比蝦仲要吸引，湯底濃厚但不油膩，一直食到尾都無好膩既感覺，仲會附上一堆拆好既碎蟹肉，今次依碗既叉燒可能因為浸到湯底有熱力餘溫下肉質較林身是我喜歡的口感，麵身依碗點左軟身亦都合要求。小食方面不過不失，正常來貨水準。整體來說，比預期不錯但未到驚喜水準，偶爾經過唔知食咩可以食的選擇後話：依種筷子🥢非常難夾到麵，如果是乾身的食物還可以，但食拉麵遇上咁尖嘴的筷子，麵本身又有彈度，就會一直不停彈啲湯汁上面/衫度，非常之不便於使用及狼狽

每次經過依條巷仔都忍唔住望間鋪幾眼😂出邊掛滿晒燈籠🏮真係好吸精😂而且有時經過都聞到好香🤩今日終於約埋朋友去咗食！-💕 濃厚蝦湯拉麵 $83💕 黑蒜蝦湯拉麵 $73💕 日式炸餃子 (追加+$20/4)💕 OOHA汽水(跟餐 +$3)✨星期一至五下午茶時段 14:30-18:00 免加一✨外賣自取八折，主食另送前菜一份及汽水一罐-💕 濃厚蝦湯拉麵 $83蝦湯味道鮮甜，滿滿櫻花蝦🌸🍤叉燒超大2塊😍好粉嫩，比較小肥肉，對於怕肥既我表示正☺️拉麵有咬口，溏心蛋流心狀態剛好😚-💕 黑蒜蝦湯拉麵 $73蝦湯同黑蒜味幾平均唔會話黑蒜味蓋過蝦味👍🏻-💕日式炸餃子 (追加+$20/4)主食追加左四隻炸餃子🥟，外皮炸得好香脆，餡料飽滿食落唔會好油膩👍🏻