麵の四

营业中

休息中

從openrice搵有咩食先知原來呢個巷仔有間拉麵店。細細間座位唔多，價錢親民。⋯⋯⋯⋯⋯⋯⋯⋯⋯⋯黑蒜豚肉拉麵 $72個湯好濃幾好味，好重黑蒜味，豚肉肥瘦剛好，煎過唔錯。個麵普通，麵入面仲有芽菜、荀、紫菜、糖心蛋。糖心蛋係我食過最好味既！⋯⋯⋯⋯⋯⋯⋯⋯⋯⋯赤豚拉麵 $69赤豚個赤原來係辣，個人唔食得辣，所以覺得辣得滯。⋯⋯⋯⋯⋯⋯⋯⋯⋯⋯糖心蛋成碗麵最驚喜就係佢：糖心蛋，無諗過會咁鬼好味，入面流心，甜甜地，熟既程度真係控制得剛剛好，超完美。誠意推介

某日經過發現lee間小店,一直都唔起眼,因為門口掛住兩個白燈籠,一直都避忌唔去,但有日抱住試新野的心態就入去試下啦!小店簡陋裝修,鋪入面雖只有1個侍應,但她都好nice咁招呼人.我地試左4款拉麵,1款小食我地都覺得叉燒用火焯過,微燶香口,紫菜脆口,麵軟硬度適中,特別係溏心蛋,心係甜,有流心感覺

今次點了黑蒜豚肉拉麵，個湯好濃好足料，豚肉只有兩片但有驚喜，係煎過同好有香味！老公點左蟹黃沾麵，醬汁好重蟹味，如果有餸會更好！店主好貼心，凍左嘅醬汁仲可以再加熱！係會想一試再食嘅拉麵呀！

今日俾朋友放飛機，唯有自己一個人去試好野，傳聞韓一窩開左日本拉麵分店，連openrice都未有新舖。今日叫左一碗黑蒜豚肉拉麵。黑蒜湯底味唔算好濃郁，勝在夠香。而麵質軟硬度也不錯。豚肉是薄切，以為好削，口感還不錯。最驚喜係隻流心蛋，如果好似我咁鐘意食半生熟蛋絕對不能錯過，咬落去有心太軟入面啲朱古力流出黎嘅效果，仲要蛋白不算厚身，好好味!拉麵黎講呢個價錢真係幾抵食。