金鶴拉麵 (蜆殼街)

营业中

休息中

返工Lunch time想食好野，今日決定試樓下間金鶴拉麵！因為係小店既關係，位置大約得10幾個，所以平時成日都冇機會食，今次難得地有位，開心！我叫左個lunch set A餐，黑豚肉豚骨湯拉麵，再加左隻糖心蛋。碗拉麵一黎到，個湯底不得了，勁濃既豬骨味，冇味精既死咸，係feel到佢煲左d豬骨好耐而有既豚骨湯味，同埋好掛汁。拉麵係有彈性的日式拉麵，好出色。兩塊豚肉都幾大塊，同埋肉質係香滑既，相當好味道！朋友叫左黑蒜醬油湯拉麵，湯底精新，超夠熱，完全係辣口的。加上滿滿既黑蒜油勁香，配料亦好多，塊雞胸係唔鞋身的，仲相當入味。我地仲叫左唐楊炸赤雞，＄38蚊有4大件炸雞，仲要係新鮮即炸架好好味，伴碟有d柚子盬，點埋d炸雞黎食真係超好食，好食到我地叫左多份炸雞！最後埋單一人＄130左右，好味又飽肚，絕對可以encore！

天氣開始轉冷，係時候食熱辣辣拉麵。真的好懷念在日本落住雪食拉麵的情景。今次去金鶴拉麵食，之前都去過幾次，有時會有季節限定。今次有北海道極濃蟹湯拉麵，所以就點了。蟹湯真的名副其實好濃，濃得有點結。應該真的是用料十足，而且蟹味濃郁，蟹肉亦比想像多，好豐富呢。再喝一口茶，真的好像置身在日本呢！（疫情令我想像力越來越豐富了） 另外點了黑蒜醬油湯拉麵，黑蒜味特出，配有兩塊雞同一塊叉燒。我覺得金鶴拉麵的配料比一般拉麵店多，通常只有一兩片肉，但這個麵有三片肉，而且叉燒好大片，雞肉亦好嫩滑。小食點了日本明太子雞翼，有少少辣，明太子都幾多，只係細隻左少少。下次想試饅魚飯！

今日又喺附近工作，揾食時對腳自不然會行過嚟😁金鶴拉麵地點算不上就腳，但喺附近居住或返工嘅，少不免會嚟朝聖一下！有卡位、拉麵吧位，適隨尊便。各款日式酒品🍜黑蒜醬油湯拉麵 - 湯頭面蓋上一層黑蒜油，忍唔住探頭一索⋯嘩！果然黑蒜油味撲鼻，再試啖湯頭🤤冇平時嗰D豬骨湯濃厚，但係另有風味 - 一邊食麵，黑蒜油香味同時飄入鼻孔，頓時色香味俱全也😍。同其他拉麵一樣，半邊溏心蛋、雞肉片、叉燒片不缺！因為有黑蒜油蓋面關係，拉麵食到尾依然有一定温度👍🐔唐揚炸赤雞 - 新鮮即炸，熱辣脆口，冇雪味兼肉汁豐富，點上七味粉同吃，簡直停唔到口🤗

最近都仲意去搵有白雞湯嘅餐廳食，愛上左呢一種湯底嘅拉麵。話說網上登記做會員之後，就可以有免費汽水或者指定日子同時間，第二碗半價，details睇後面圖。--👉👉 餐牌同優惠詳情係最後啊! 不過有啲手震 👉👉--🐣 極濃白雞湯拉麵 HK$138佢白雞湯有兩種，我就試左貴啲，比較濃個種。雞湯嘅味道唔會好鹹，不過雞嘅味道又唔係話非常濃，不過係香嘅。佢嘅餸有雞肉、豬肉、溏心蛋。拉麵份量正常。.🍜 黑蒜醬油湯拉麵 HK$98好濃嘅醬油味道，不過唔知道係咪個人原本其實對黑蒜無咩特別好感，所以都係食反雞肉湯會開心啲佢配嘅肉都係雞肉、豬肉、溏心蛋。--🐥 日本明太子雞翼 HK$48 / 2隻見佢漲卜卜就知道入面好多料，明太子真係幾多，所以好有味道，好香。.🐣 溏心蛋 HK$12 /100積分換購

因為男朋友係拉麵大王，最鍾意不停周圍搵拉麵舖試試，所以今次就去左哩間金鶴試試一入去環境好日本餐廳，裝潢比較偏黑白風，吧台餐桌都係黑色，然後配餐廳音樂播左好多首2000年代既日文歌，侍應好友善地就帶我地入座雞白湯拉麵呢個拉麵就係男朋友叫嘅，拉麵上面嘅炸牛蒡非常突出，配上叉燒同雞肉，成個擺設係好有心思嘅藝術。牛蒡即炸即食，爽脆而唔油膩，雞肉真空烹調所以好嫩，叉燒肥瘦均勻，而且好入味。雞湯同其他餐廳唔同嘅係，雞油同湯汁混合得好透徹，唔會油湯分離，每啖湯汁都好重雞湯香味，非常突出黑蒜醬油湯拉麵我點解呢個拉麵係其他拉麵餐廳少有嘅款式，通常拉麵餐廳都會選擇黑蒜配豬骨湯，不過呢間餐廳就反而配醬油湯，所以比較清但不失佢嘅特色。呢個拉麵無炸牛蒡，但仍然都有雞肉同叉燒，同時加埋其他配料擺設都好精緻，食落黑蒜油香同醬油湯都出奇地相配，味道好出色雞胸肉串燒雞胸肉燒得非常恰當，調味十足。除咗雞胸肉外仲有雞胸軟骨，非常抵食總的來說，呢間餐廳比到好大嘅驚喜，唔止係款式少見外，裝潢都非常有格調，食嘅氣氛好好，適合情侶品嚐

北角蜆殼街都開左金鶴拉麵🍜仲要有新店限定既日式豚肉飯$78，中意嘗試唔同口味既人記得去喇～大家都知佢地最出名係雞白湯拉麵🍜，我地今次好想食d重口味野，分別叫左黑蒜醬油湯拉麵$98同辛味拉麵$88～兩者都無令人失望,黑蒜油脂勁香，叉燒同雞肉都好淋好入味～辛味拉麵撈下更均勻更入味，雞肉一如既往咁高質，唔楷夠嫩身，上面鋪少少胡椒粒碎已經好好食，係好簡單直接既美味～最緊要係甜品抹茶軟凍$33超高質，唔係普通jelly可以媲美～