泰濃麵 (樂道)

营业中

休息中

這間泰國餐廳位於尖沙咀，主打泰式船麵，有船湯、冬陰功湯和清湯三款湯底，麵底則有五款。六時前加配飲品可享優惠價，另六時後入座需加一服務費。頂級美國肥牛船麵 - $72必試船麵湯底，用上超過二十種材料熬煮，湯汁濃香鮮味；油花適中且平均的肥牛片嫩滑多汁，肉味濃郁，還有兩粒爽滑彈牙的魚蛋、豬油渣、秋葵等等；無論味道和配料，也跟在泰國吃到的很相似。黑豚肉船麵 - $72豬肉片肉質細緻柔軟，帶有濃濃的香甜，其他配料則一樣。泰式小食拼盤 - $78即叫即炸的小食金黃酥脆，毫不油膩。一圈圈的泰式炸蝦餅飽滿紮實，蝦膠彈牙鮮味；炸雞翼帶陣陣香茅味；薄脆的炸芝士雲吞半溶化富奶香。泰式龍眼冰特飲 +$18濃厚的龍眼肉汁好清甜，加上粒粒龍眼肉，好清爽。罐裝汽水 +$8還有較特別的泰國樽裝梳打水。

🙋🏻‍♂️餓底探員今日去咗尖沙咀調查呢間船麵店，一到餐廳已經見到大排長龍，等咗一輪先可以入座，餐廳主打船麵，麵同湯底都可以自行配搭，另有多款泰式小食同飲品供應，想一解思鄉之愁呢度係個唔錯嘅選擇🥩頂級安格斯牛肉船麵 $92📸表示呢個安格斯牛肉配上黃麵同船湯，仲有魚蛋，蘿蔔，炸豬皮，秋葵等配菜，大大碗，好吸引🙋🏻‍♂️表示個船湯香濃，黃麵彈牙，安格斯牛肉口感軟諗，好香牛味🐖黑豚肉船麵 $72📸表示呢個黑豚肉配上金邊粉同船湯，同樣有魚蛋，蘿蔔，炸豬皮，秋葵等配菜，黑豚肉份量好多，足料豐富🙋🏻‍♂️表示個黑豚肉肉質爽口，金邊粉吸收咗船湯嘅精華，食落好入味🍤泰式炸蝦餅 $49📸表示呢個炸蝦餅一圈圈咁放好，旁邊仲有蝦片伴碟，配埋泰式甜酸醬，睇見都流口水🙋🏻‍♂️表示個炸蝦餅炸到香脆，食落鮮甜，口感彈牙，蝦片炸到脆卜卜，食落香口🍹泰式香茅班蘭梳打｜泰式龍眼冰梳打 (跟餐特飲+$18)📸表示兩杯梳打都好大杯，睇見都透心涼🙋🏻‍♂️表示杯香茅班蘭梳打香茅味好濃，加埋班蘭嘅清香，飲落好fresh，龍眼冰飲落清甜，杯底有好多龍眼肉，兩杯特飲都充滿泰式風味📈吃貨指數😋好味度 8/10🔙返啅度 8/10

泰濃麵主要就係食泰國湯麵既，有三款唔同既湯底揀：船湯、冬蔭功湯同埋清湯，另外麵類既選擇都好多。湯底係用左好多唔同既香料煮成，顏色好深色味道好濃郁😍而且係冇落味精既！1️⃣黑豚肉船麵（$68）配料黎講兩碗船麵係一樣既，有炸豬皮、魚蛋、蘿蔔、炸蒜、秋葵。蘿蔔夠索湯夠淋，魚蛋好彈牙，炸豬皮就普通，有少少淋左唔夠脆。另外呢碗揀左黑豚肉，豚肉偏瘦，切薄片。麵方面揀左金邊粉，份量都唔少。  湯底係超深色超濃味，飲落甜甜地，好香濃😍  2️⃣頂級美國肥牛船麵（$68）基本配料湯底都係同上一碗一樣。另外揀左肥牛，肥牛係都幾多片，但係真係偏肥啲，同埋會有少少韌，不過都ok既😌另外呢款既麵揀左薯粉，薯粉好正！係幼身既，好煙韌好好食！建議黎食既話一定要試下薯粉！  

最近愛上食船麵，今日喺尖沙咀行完街之後，上網搵吓附近邊度有船麵食，就search到呢間泰濃麵。先嚟一個泰式小食拼盤，包括有泰式炸蝦餅、炸雞翼、炸芝士雲吞各兩件，呢個份量對於我哋兩個人來講真係啱啱好。炸蝦餅夠彈牙，點埋甜酸醬好好味，而芝士雲吞出面就比較少見，味道亦充滿驚喜。我就揀咗頂級美國肥牛船麵配薯粉，船湯味夠香濃，肥牛呈半熟狀態，所以入口仍然保持鮮嫩。朋友就揀黑豚肉船麵配金邊粉，原來黑豚肉浸過船湯之後味道變得非常豐富，再加埋金邊粉彈牙煙韌嘅感覺，配搭充滿驚喜。飲過濃濃嘅船湯之後，再飲啖椰青，真係以為自己去咗泰國現場咁有風味。

又再次到泰濃麵吃晚飯， 位於尖沙咀樂道7號嘉樂大廈地下A舖， 地點方便。 今次仲大排長龍， 幸好我是第三位好快就可以入店內。 每次必點頂級安格斯牛肉船麵$88，即興又想試下黑豚肉船麵$68，再加烚生菜配秘製腐乳醬$28，飲品有青檸梳打$28和支裝可樂$15。頂級安格斯牛肉船麵～ 船麵湯底香濃惹味， 忍唔住口飲了大半碗。牛肉的油脂分佈平均， 牛味香濃，蘿蔔入味， 魚蛋粒粒Q彈， 黃麵有口感，配埋湯底更滋味，還有脆卜卜的豬皮做配菜， 真心抵讚。黑豚肉船麵～ 黑豚肉份量多， 厚切有咬口 ，配金邊粉和船湯，兩者的味道是最夾的。 金邊粉又滑又幼身，吸曬船麵的香濃美味。烚生菜配秘製腐乳醬～ 生菜口感脆卜卜，青綠又新鮮，濃香又滑的腐乳醬， 食落更加惹味。青檸梳打～ 青檸梳打酸酸甜甜，開胃又解渴。支裝可樂～ 好耐冇飲支裝可樂， 間中飲下感覺超爽。很喜歡到泰國吃船麵， 現在疫情關係未有得飛， 唯一可以吃到我喜歡的味道就是到泰濃麵了。

泰濃麵係一間新派泰式船麵店，之前已經食過一次， 佢地嘅配料唔係淨係得傳統嘅炸豬皮同豬肉丸，仲會有黑豚肉、美國肥牛、龍蝦、和牛......選擇非常多，不過我最鍾意都係佢地嘅湯底非常濃郁惹味，但食完又唔會口渴，今日去開重慶唱錢，就順便再黎幫趁。麵店格局似靚板粉麵店，除左圓枱都有卡位，環境乾淨企理。對比起上次黎，湯料選擇又多左，好似卜卜蜆、鮑魚、鴨胸，連之前大熱嘅芫荽都有。卜卜蜆冬陰功湯金邊粉($88) - 哩個卜卜蜆金邊粉唔單止有五大隻卜卜蜆，仲有蝦、蟹柳同青口，都幾足料。卜卜蜆幾大隻厚肉，湯底酸酸辣辣好開胃惹味，金邊粉唔會太腍，麵量可以接受唔係兩啖食完貨仔。黑豚肉船麵($68) - 船麵除左黑豚肉，本身仲有炸豬皮、魚蛋同白蘿蔔，麵底我揀左薯粉。船麵湯底好濃郁，薯粉煙煙韌韌。蘿蔔好腍冇渣，吸收左湯底嘅味道好好食。炸豬皮建議要盡快食，否則就會浸腍左。泰式小食拼盤($68) - 拼盤有炸蝦餅、炸雞翼同炸芝士雲吞各兩件，三樣都唔錯，可以一次過試齊三款小食。總結，麵食比小食出色，麵店喺泰式湯麵嘅基礎上加入左唔同嘅湯料，特別得黎出黎效果亦唔錯。

來到泰濃麵晚餐，叫了兩個主菜，兩個小食。黑豚肉船麵：黑豚肉爽口，湯底濃郁鮮味。並有不同配料如魚蛋，秋葵。麵選了金邊粉，軟硬適中，不會煮得太腍。頂級安格斯牛肉冬陰功湯麵： 冬陰功湯充滿椰汁味，微辣，風味十足。牛肉頗腍，蝦肉爽口。麵選擇了紅薯粉，口感煙韌，與冬陰功湯底頗夾。泰式小食拼盤：有三款小食，分別是芝士雲吞、雞翼和炸蝦餅。即叫即炸，熱辣辣。泰式鳳爪：好味，酸酸辣辣，份量足。泰濃麵的招牌菜當然是船麵，想不到冬陰功湯底亦不錯，喜歡泰式湯粉的朋友不妨一試。

食咗幾次堅覺得好食，最鍾意佢個船湯湯底杯青檸梳打好飲，係用原支上泰象梳打水同埋炸蝦餅都好好食最啱我呢種想食辣又唔食得好辣嘅人！會繼續支持你呀，下次你黎再試食其他，希望整多啲新菜式俾我哋試

第一次食泰國船麵✨我地分別叫左：雞髀肉黃麵、肥牛黃麵、黑豚肉金邊粉再加一碟泰式鳳爪首先湯底真係好濃郁！聽講係用左好多材料加豬骨熬製正唔正宗就唔知啦我都無去泰國食過但佢依個湯飲完唔會好渴會令人想不停飲所以應該真係熬出黎唔係味精湯麵既配料都算少…都幾孤寒有魚蛋蘿蔔秋葵炸豬皮豬潤除左炸豬皮外其他都係得1,2舊肉都係薄薄幾片但湯底實在太好味配料少d就少d啦泰式鳳爪酸酸地好開胃只係有少少辣左d但份量多👍🏻下次再黎試冬陰公湯😋 味道：★★★★★💰 價錢：$$

約左朋友仔既未夠鐘, 又未食嘢當然係搵食醫肚先啦之前搵食已經對泰濃麵有D興趣一黎因為主打食濃湯二黎好一段日子無食泰國嘢啦唔知係咪因為介乎lunch同tea time之間, 食客唔算好多雖然話唔多人 但樓面唔大(得幾張卡位同圓枱)都坐左一半枱麵食選擇唔算多 得豬牛雞同龍蝦牛仲有細分肥牛 安格斯 同和牛而湯底就有清湯 船麵同冬蔭公麵底仲可以隨你揀所以menu簡單, 但都有唔少組合＋$3可以有罐裝飲品, 或者＋$18叫泰式特飲响諗緊食乜個陣已經聽到有D特飲已經售罄或者係weekend多人唔係好夠存貨簡單食的我揀左黑豚肉船麵 配金邊粉($68)因為唔算多人所以好快有得食碗麵有豚肉, 魚蛋, 蘿蔔, 炸豬油榨, 豬潤, 菜同秋葵每樣餸份不多不少 砌到成個面都有餸賣相不俗 而且仲好豐富叫得泰濃麵, 第一樣嘢入口就梗係試下個湯啦之前睇介紹話用左好多種唔同香料同豬骨淆製對某D泰式香料有點抗拒的我..其實好怕陣香料味好濃呢個濃湯顏色同味道濃郁, 望落有D似星馬嘅肉骨種濃味並不是因為香料, 而係香濃肉骨味飲完仲唔會口乾, 完全可以接受d粉好彈牙, 吸埋D湯味道啱啱好蘿蔔就更加係又甜又有湯味, 好好食但可惜

落場又揾野食，今日去了樂道見到到你(泰濃麵），一坐低二話不說叫咗美國肥牛船麵，原本想食飛驒牛船麵，但下午茶餐$48太吸引了，試下先，最多咪食兩個麵🤤湯低好飲又料多，不過唔知點解美國牛肉麵船麵，有豬紅豬皮，望落有d似豬肉船麵！叫了黃麵，但似車仔麵嘅粗麵，有點失色！跟住真係叫了多碗豚肉船麵！望落同牛肉船麵一樣樣架😱飲埋椰青水！🤤勁飽！

本身都鍾意食泰國菜既我喺尖沙咀見到一間個名都幾特別既泰國麵舖 「泰濃麵」，今次就試一試，聽舖頭既員工講呢間麵舖都係岩岩開業，而且廚房仲搵左泰國廚師主理🤤🤤🤤，即刻心心眼😍，原來呢間舖主打船麵，我就叫左一個黑豚肉船麵試一試，湯底味道好濃郁，好好味🤤，另外仲叫左個無骨鳳爪試一試，鳳爪都值得一試，雖然麵舖既食物種類唔算多，但我真心推介黑豚肉船麵，無論湯底定係配料麵好好味👍🏻👍🏻我會再幫襯嫁😍

上網見到尖沙咀新開左泰國船麵，一於今日假期就去試下本人好中意食泰國既粉面，去親泰國都會食今次就試王依間正唔正宗先價錢可以接受尖沙咀區泥講，餐牌都好豐富，有船面湯底同冬陰公湯底選擇，食得船面緊係揀船面湯底啦，我本人就唔食牛既，我就問侍應個湯是否用牛來製作，個侍應話用豬去艾出泥哇湯底好濃郁河粉好滑，同我係泰國食既味道好相似正宗既味道（湯都飲埋）夠辣夠爽，味道一流青木瓜沙律食得出新鮮製作正宗泰國口味我會再來幫襯