上海婆婆336 (已結業)

京蔥手切牛肉包表皮有少少脆，如果再脆口啲既話，就係牛肉餡既生煎包睇樣好似掃左層油咁，不過食落唔油既。用牛肉做既包餡有啲似平時食開既榨菜牛肉包，調味適中。餡既比例調教得幾好，每一啖都食到肉餡。麵包既部份略嫌有些少乾身，但因為肉餡都夠，所以問題不大。京蔥？我就食唔到京蔥味啦～整體不過不失，正常發揮北京炸醬麵－麵條唔太淋，帶少少咬口。麵底都幾多下，一個人食完會夠飽、甚至好飽！－炸醬半肥瘦肉碎同切粒冬菇調製而成鹹淡適中，味道唔錯唔係偏甜既果種韓式炸醬，感覺味道更靠近港式炸醬，但又少左港式炸醬既油膩感；而芡汁既稠度偏向韓式～anyway 炸醬雖然有唔少脂肪，不過味道唔差，唔中意食肥膏既我都拌勻左一齊食因為放耐左先撈，麵條乾左水痴埋一齊，變左有啲難撈不過炸醬份量夠多，足夠令每條麵都沾到醬汁，同埋有肉碎撈黎食，都幾好味。而炸醬內肉碎同菇既份量都唔少，每啖麵都可以配一小啖肉黎食加左青瓜絲令本身唔算太油膩既炸醬麵變得更清爽，個人覺得炸醬麵可以一試黑醋排骨－排骨有八、九舊，偏瘦帶少少肥膏；算係幾大舊排骨肉質結實得黎又好易脫骨，唔似平時果啲韌到難甩骨，唔錯－黑醋汁整得夠稠身，依附住排骨，令排骨變得好惹味！黑

很久沒有食過婆婆，有點相念她。火腿津白--清清地帶有少少奶油及火腿咸香既菜，食菜最愛就係以煮既形式黑醋排骨--必叫既上海菜，酸酸甜甜很入味！上海炒年糕---粗炒及年糕比我揀，一定揀年糕，愛佢咬感！而且這裡炒得不油，最怕食到成口油！

本身好鍾意食上海菜, 見平日晚飯都有好多人等位 (因為不計訂位), 故星期日晚特登到來試試. 4人叫了以下菜式:花雕醉雞 - 推介冷菜之一, 好有酒香, 雞滑多肉螞蟻上樹 - 即是炸米粉+一碟肉碎味撈埋一齊食, 米粉香口, 肉碎唔辣, 幾得意黑醋排骨 - 肉"林", 味道好椒鹽小黃魚 - 算大條, 加上一些炒香的配菜, 魚多肉香口京蔥牛肉包 - 一碟三個, 皮煎得香脆, 但肉汁不多白飯2碗新開新裝修, 環境ok, 多卡位, 牆身全是一些中國bb的油畫, 好可愛.** 相片是用手機影的, 質素一般請見諒

過兩天就到日本旅行，旅行前最大的一個任務就是將小狗寄養在女朋友的妹妹家中，小狗患有糖尿病，要每天打針，要她如此用心照料小狗，實在感激不盡。當晚我作東，請她和男朋友吃頓便飯，聊表謝意。既然請客，吃飯地點就交由他們負責好了（我們唯一的要求就是盡量不要吃日本菜，畢竟過兩天就出發去日本了）可他們也沒有什麼頭緒，剛巧在淘大商場看到「上海婆婆」新張誌慶（我和女朋友在屯門已經光顧過一次，女朋友對其花鵰醉雞一試難忘，詳情可參閱食評-《幸會婆婆》）而女朋友的妹妹亦有興趣試試這間新的食肆，於是我們決定去恭賀一下婆婆。 可能時間尚早，等位的人龍不長，我們等了約二十分鐘就有位了。侍應安排我們坐在正門旁邊的卡位。坐下後，大家也看過餐牌，女朋友妹妹相當客氣，叫我們點菜，集合各人的意見後，最後我們叫了兩碟生煎窩貼，上湯小籠包，螺肉冷麵，黃金炒飯，花鵰醉雞及黑醋排骨。黃金炒飯黃金炒飯賣相確呈金黃色，配料不多，有些蝦粒、叉燒粒、紅蘿蔔粒等，配料就不算豐富了，不過吃起來又不覺太單調。炒飯有濃郁的鹹蛋香，飯本身炒得足夠乾身，飯粒分明，一點也不油膩，軟硬度適中，吃起來一點也不含糊；整體食味令人滿意（這個炒飯對於一直想吃黃金蝦