Chatterbox Express

营业中

休息中

約左朋友嚟太古食晚飯，朋友推介之下就嚟試下呢間新加玻菜。文華海南雞飯雞皮好滑，肉質非常鮮嫩，亦無多餘既碎骨。米飯充滿雞油香，粒粒分明，唔會好重油膩感。特別鐘意個秘製既黑豉油，味道好濃郁。新加坡肉骨茶麵線有豬骨、蒜頭、豆卜，仲有另上既油炸鬼。湯底既胡椒味好重，好似飲緊胡椒豬肚湯咁；豬骨肉質偏淋，份量都唔少；麵線則十分掛湯，成碗麵都做得好出色。黑醬油炒蘿蔔糕本色見到蘿蔔糕咁深色以為會好濃味，點知食落又唔係想像中油膩感咁重，反而帶點點甜味之餘亦Keep到蘿蔔糕本身既味道。蠔油小棠菜跟餐加$15就有碟清清地既菜，蠔油唔會加得太重同太鹹，都幾值得一試。椰子雪糕咖央三文治每件三文治既其中一片麵包都搽滿咖央醬，再加啲椰子雪糕一齊食，真係一流。凍美祿恐龍上面除左有美祿粉之外，仲有埋美祿波波，夠哂甜又夠哂邪惡。

🇭🇰Chatterbox Express·呢間我想試好耐㗎啦 因為佢地嘅海南雞飯好似好出名咁 佢嚟到都唔錯嘅 但係就冇我想中咁好食 反而佢其他小食同埋嘢飲就好有驚喜😎😎·文華海南雞飯$108 (升級雞髀+$10)佢個海南雞飯真係有啲貴🤭🤭而且佢個雞髀份量都好少 好似得半隻雞髀咁😭佢個雞肉係幾滑嘅 而且好嫩 不過個雞味就比較淡 無想像中咁好食 反而佢個油飯做得幾好 香得黎唔會油膩 我幾鍾意 但係呢個價錢真係有啲唔值🤭·黑醬油炒蘿蔔糕$28 l 蒜蓉炒小棠菜$15反而佢呢啲小食定價就幾實惠🤣佢個炒蘿蔔糕我覺得好好食 佢係細細粒咁 一啖一粒好正 而且佢個黑醬油係甜甜地咁 超級惹味 勁有鑊氣 不過佢個蘿蔔糕就真係剩係得蘿蔔 冇啲蝦乾瑤柱個啲 所以口感差少少😏之後佢個蒜蓉炒小棠菜係有用雞油炒嘅 所以又係好香 而且份量都幾多🤤😌·椰子雪糕咖央三文治$28 l 凍美祿恐龍$10之後佢個雪糕三文治同佢個樣一樣咁出色 佢出邊個三文治係有烘過嘅 好軟熟 夾埋佢個椰子雪糕口感好正 而且佢個雪糕椰子味好濃🥥之後佢個美祿恐龍都超級推介 佢個美祿濃得黎唔會過甜 飲到最尾都唔會變淡 而且佢上邊啲可可波仲係脆既 配埋

諗起新加坡美食必然想起 Chatterbox Express, 簡單輕食但亦堅持有質素。 雖然是快餐形式， 但賣相絕對係一絲不苟，  難怪 在食肆林立嘅太古城都能夠大受歡迎，長期保持人氣。先到櫃位點餐， 取了送餐感應器之後會有專人送上。招牌雞肉喇沙作為一碗喇沙， 只有單一黃色， 本來唔會在意佢嘅擺盤， 最緊要味道夠正宗。看见雞肉，配料排放得好整齊， 實在喜出望外。雞肉原隻斬件上， 並唔係雞塊或者雞絲， 特別嫩滑。 喇沙湯底絕對正宗， 椰香十足， 有蝦米蝦醬嘅味道， 層次豐富～ 米線幼滑煙韌， 配料還有爽口魚蛋片， 豆卜， 吃到一半已吸盡濃郁嘅湯底😘😋。咖哩雞煲配白飯香脆薄餅$108熱辣辣煲仔上的咖哩雞， 絕對要加分！ 咖哩香濃惹味， 還好唔會太甜， 有椰香， 有辣度， 特別醒胃。 材料豐富， 雞件唔嚡，有五六件， 茄子，還有秋葵， 馬鈴薯～除了白飯還有薄餅，蘸咖哩醬汁 一流👍白飯一碗似乎不太足夠😋 限時優惠還送兩球椰子雪糕。 雪糕球充滿椰子香還有不少椰思，絕對真材實料！蠔油小棠菜小棠菜又嫩又脆～黑醬油炒蘿蔔糕 甜甜地嘅黑醬油味道非常討好， 蘿蔔糕也是香口惹味。😋四季柑汁甜甜酸酸， 正好