sips;;lban

营业中

休息中

呢個係傳統韓國菜嘅變奏版，我哋揀咗烤牛肉紫菜包食，炸雞兩併，釜山粒粒粟米刨冰，黑麻麻之戀蛋糕。紫菜包飯入嘅材料好滿滿，包飯好實在，一啖入面係好豐富̋(๑˃́ꇴ˂̀๑)。大推佢個炸雞，甜辣炸雞甜甜辣辣脆脆嘅口感好似差一杯啤酒😆另一款係蒜蓉蜜糖炸雞，濃香嘅蒜味甜甜嘅蜂蜜醬包住炸雞係超級夾。wawawa到咗勁勁吸引眼球嘅刨冰，佢一放上枱都驚嘆咗，好大好高好實的的嘅刨冰，同粟米做組合已經夠哂特別，刨冰面係粟米醬?應該係咁叫佢唔太甜粟米味好香..好似好似粟米濃湯，食到入面係有麻糬波波同粟米片，仲有烤過嘅粟米圍住㗎😍打卡真係愛心x1000

上一次同一大班人嚟食，基本上試齊啲嘢，全部都好好食！上次嚟唔知點解冇咩人，但今次平日夜晚嚟到個場爆曬，可能俾大家發現呢間隱世平價尖沙咀美食了。今次食第二次，必定要再推叫蛋糕送甜品呢個set，蛋糕大大件又好味，水準一樣，飲品60幾蚊嗰啲都叫得真係超抵！// 黑麻麻之戀蛋糕食第二次食真啲，底下係芝麻海綿蛋糕、中間一層cream夾雜柿餅碎粒、頂層厚厚但唔膩、冇負擔嘅芝麻cream。食嘅期間必須夾插一啲Oreo餅碎，增加甜度及咬口。成個蛋糕都超級豐富芝麻味，絕對係芝麻愛好者必食！再一次極欣賞呢個蛋糕加入韓國特色柿餅，意外地同芝麻10分夾！櫻花棉花糖泡泡浴呢杯基本上就係一大杯鮮奶、加2粒棉花糖、同埋一啲士多啤梨糖漿喺杯邊、同士多啤梨乾碎粒喺面。熱熱嘅鮮奶將棉花糖達致微溶狀態，飲嘅時候咬啲棉花糖一齊飲，即刻令杯奶唔同咗，帶啲甜味，幾好飲。不過我朋友嫌棉花糖太甜，淨係伴隨少少杯邊嘅士多啤梨糖漿去飲，士多啤梨味唔會太強同太甜，所以喜愛度因人而異。平時都覺得棉花糖太甜的話，可能都會覺得呢杯奶好甜。不過真心佢呢杯嘢飲好大杯，係餐牌裏面第四貴、期間限定嘅飲品，叫蛋糕佢都照送！(有三款飲品係唔送的，請問侍應~

上個週末，我去完鐘樓影小肥心之後，我本來想去商場地下嗰層外賣蛋糕，驚訝發現佢已經唔係度 (上網搵原來係今年一月底已全線撤離香港)🙀 行入啲啲，俾我發現呢間從韓國仁川來的咖啡店，主打刨冰和手作蛋糕。店內環境有柔和的燈光配搭暖色的復古色調和格仔瓷磚牆，幾有格調。細睇睇餐牌，令我好好奇，一件手作蛋糕才$5X仲寫話配一杯自選飲品，包咩飲品咁抵呀？問店員，佢話除咗signature drinks右邊嗰2款唔包之外，其他都可以揀。咁又真係好抵喎！🖤 Black Sesame Cake 黑麻麻之戀蛋糕 (HK$58)．人人都跟風食粟米蛋糕，我就麻麻哋粟米，所以叫我比較想食嘅黑芝麻蛋糕啦～．黑芝麻蛋糕嘅賣相好靚，好吸引，仲有4層滋味！．第1層— 釉面柿子乾，果肉甜美，多肉，煙韌似食緊啫喱糖😍．第2層 — 芝麻味香濃的黑芝麻慕絲，好奶滑．第3層 — 奶滑的奶油忌廉中有柿子果肉，好有驚喜！．第4層 — 黑芝麻味嘅蛋糕，軟綿、綿密、濕潤度剛好，甜而不膩．另外仲有朱古力餅碎伴碟，配奶油忌廉層食可多一個風味㗎．一次過食到不同口感和質地嘅黑芝麻，真係好好食😋👍🏼🤍 Five Grains Latte 五穀鮮奶 (

上次朋友經過已經看到店舖很多人，跟我說一定要來試！這間cafe的確是打卡之選！甜品吸引😚女生打卡必到📸➰初雪芝士炸雞🍗$108炸雞灑上芝士粉，味道帶甜，外層酥脆金黃，淡芝士味，內裡雞肉嫩滑，配上半份薯條🍟➰橡果黑毛豬卡邦尼意粉🍝$108意粉creamy!每一口都沾滿卡邦尼濃厚醬汁，味道濃郁，配上黑毛豬條，份量不多➰熱帶風情椰子菠蘿刨冰🍍$118賣相真是太吸睛啦🤩非常有夏日感覺！原個菠蘿上碟，外層鋪上菠蘿果肉，以沙冰作底，吃掉表面菠蘿後可以加上菠蘿果醬，沙冰底下更有白玉跟菠蘿果肉，味道酸甜開胃➰黑麻麻之戀蛋糕 🍰$58芝麻海綿蛋糕底上層鋪上忌廉芝士及芝麻忌廉，中間夾著果肉乾，帶微微酸甜，減低忌廉的厚重感➰招牌芝士忌廉咖啡☕️$52面層忌廉芝士綿密幼滑，咖啡偏酸帶果香味，香濃提神➰甜蜜桃桃伯爵冰茶🍑$38味道清甜，有數片桃肉，桃味跟伯爵茶味都平衡