影片
更多
2015-12-15
18588 浏览
環境：一定好㗎，不停咁轉住望晒成個港九維港食物：冇食過晚餐buffet，唔知同lunch有乜嘢唔同，不過lunch就無生蠔，鵝肝，龍蝦熱食燒牛肉：熱辣辣，中間燒到粉紅色，正！仲有海鹽，岩鹽任落。但最出色竟然係蘑菇汁，汁入面真係有雜菌不得止，仲要有牛肝菌！對於我呢個蘑菇人簡直想成兜汁拎返去食蘑菇沙律：好酸，酸到有啲似嘔吐物果隻酸味。鍾意食菇嘅朋友，食燒牛肉隻蘑菇汁啲菇好過海南雞飯：用常滿碗上菜嘅迷你版本，當然唔可以缺少海南雞飯嘅好朋友，薑蓉啦(真係好薑嘅薑蓉)！成碟薑蓉喺側邊任攞... 不過呢飯就無雞油味喇，雞就好滑嘅不過完全冇雞味...三文魚刺身：雪味甚濃，鮮味欠奉冷盤蟹腳：平時buffet嗰啲蟹瘦猛猛，辛辛苦苦搣完肉肉都唔多舊。不過係呢度嘅就好大隻好多肉，不過肉質有少少霉，而且冇乜鮮味。重質定重量，你自己諗喇冷盤蝦：冇鮮味，不過總算彈牙叉燒：唔夠甜，已經攞半肥瘦嗰啲，但係都幾鞋燒鴨：已經攞上脾，但係啲皮都咬唔開。好彩肉質都尚算OK，好有鴨味蝦餃：一路蒸住所以好熱！皮薄不過餡唔靚，蝦就鮮味欠奉，雪味甚濃。拍得住2-3線酒樓嘅蝦餃呀真係～燒賣：嘥quota去食德國腸：德國藉老闆都話啲質素
食物：冇食過晚餐buffet，唔知同lunch有乜嘢唔同，不過lunch就無生蠔，鵝肝，龍蝦
熱食
燒牛肉：熱辣辣，中間燒到粉紅色，正！仲有海鹽，岩鹽任落。但最出色竟然係蘑菇汁，汁入面真係有雜菌不得止，仲要有牛肝菌！對於我呢個蘑菇人簡直想成兜汁拎返去食
蘑菇沙律：好酸，酸到有啲似嘔吐物果隻酸味。鍾意食菇嘅朋友，食燒牛肉隻蘑菇汁啲菇好過
海南雞飯：用常滿碗上菜嘅迷你版本，當然唔可以缺少海南雞飯嘅好朋友，薑蓉啦(真係好薑嘅薑蓉)！成碟薑蓉喺側邊任攞... 不過呢飯就無雞油味喇，雞就好滑嘅不過完全冇雞味...
三文魚刺身：雪味甚濃，鮮味欠奉
冷盤蟹腳：平時buffet嗰啲蟹瘦猛猛，辛辛苦苦搣完肉肉都唔多舊。不過係呢度嘅就好大隻好多肉，不過肉質有少少霉，而且冇乜鮮味。重質定重量，你自己諗喇
冷盤蝦：冇鮮味，不過總算彈牙
叉燒：唔夠甜，已經攞半肥瘦嗰啲，但係都幾鞋
燒鴨：已經攞上脾，但係啲皮都咬唔開。好彩肉質都尚算OK，好有鴨味
蝦餃：一路蒸住所以好熱！皮薄不過餡唔靚，蝦就鮮味欠奉，雪味甚濃。拍得住2-3線酒樓嘅蝦餃呀真係～
燒賣：嘥quota去食
德國腸：德國藉老闆都話啲質素拍得住德國嗰啲！咁要試吓喇
天婦羅：新鮮炸起，小心辣口！炸粉唔算厚，不錯不錯，不過好似冇天婦羅豉油
魚蛋粉：魚蛋好霉，出面食魚蛋好過
甜品
冬甩：入面係caramel，幾甜
朱古力蛋糕：非常濃，有啲似Starbucks，拍得住cova
Apple crumble：酸，好有蘋果味
柚子cheeaecake：柚子味濃，不過芝士味唔夠，而且蛋糕有啲鬆散唔夠實
班蘭千層糕：好有班蘭味，但係有啲鞋口，似咬緊舊膠
芒果糯米滋：個皮好厚，入面係芒果cream，但又唔夠芒果，零芒果味，非常不倫不類
綠茶紅豆布甸：紅豆好甜，綠茶味非常濃(有aftertaste)但係唔甜，所以兩樣一齊食好夾
白桃sorbet：一拎上手已經聞到好香桃味，食落口好似食緊日本白桃咁，仲要有桃肉，好正！！！
Vanilla雪糕：用新鮮vanilla造嘅，落咗好多奶所以好滑，而且冇雪味，正
凍檸檬茶：檸檬好有味(近排試過啲苦嘅檸檬)，而且紅茶非常濃
服務：OK，冇嘢挑剔
今餐係公司請嘅聖誕lunch，食物其實不過不失，但望住個靚景食都叫做補返數嘅... 但如果要我自己俾錢嚟食呢？？？
张贴
