港澳冠環球食脯專家有限公司

营业中

休息中

要食呢啲傳統懷舊小食呢，真係已經買少見少，唔知去邊度買先好。🤔 呢度冠環球係家族經營，已經嚟到第三代，仍然每日堅持喺香港火炭製造，唔係made in China。⁣⁣🇭🇰⁣⁣齋雞粒（$40）［好味度：8/10］⁣⁣⁣⁣⁣⁣⁣⁣佢哋嘅齋雞粒係新鮮製造，仲要人手製作，唔係機械生產，所以做到真係外脆內軟，唔會死實實。😙 一咬落去，開頭有個鬆脆嘅感覺，但係咬多幾下就會開始痴牙，口感好特別。😲 而且佢經過醃製，味道夠濃。😋 慢慢就會發覺食落根本停唔到口。⁣⁣😨⁣⁣雜果花生糖（$50）［好味度：7/10］⁣⁣⁣⁣⁣⁣⁣⁣有時花生糖食嚟食去都係嗰隻味，真係有啲悶。😅 所以冠環球就設計咗更多款嘅特色口味去配合潮流，包括咗南瓜籽花生糖，低糖口味等等。💁🏻‍♂️ 見到佢五顏六色咁樣，真係好吸引。🤩 於是就買咗呢一款雜果花生糖去試一試。🤤 唔同嘅果仁，配搭上軟熟嘅花生糖，更加令到口味更加豐富，唔會得淨係得花生浸味，而係配埋有好多層次嘅果乾味。⁣⁣😇⁣⁣蜜味豬肉乾（$60）［好味度：7.5/10］⁣⁣⁣⁣⁣⁣⁣⁣呢度亦都有唔同款類嘅肉乾賣，連羊肉乾都有。😯 可惜當時啱啱好賣晒羊肉乾，所以試咗呢個蜜味豬肉乾先。🐖

經大台報導過既元朗冠環球齋雞粒，排隊購買人龍排到打晒蛇餅，加上齋雞粒係即炒即賣，而且每人唔止買一磅，應付唔切排隊既人龍，每轉炒好出黎都咋一聲賣晒，搞到足足排左半個鐘先買到，好誇張！齋雞粒 $80/磅新鮮出爐既齋雞粒暖暖地，而且入口好脆卜卜，味道甜甜辣辣之餘有少少偏酸，凍左之後啲麥芽糖變硬左，黏埋一大舊，不過食落仍然好脆口下。雖然價錢有少少貴，不過好食過預先包裝個啲先。但係要排咁耐又好似唔係好抵咁，因為平時經過都唔駛排隊既😂