金三角

营业中

休息中

星期六同舊同學返咗中學做義工，做完梗係要喺九龍城區呢個美食天堂覓食啦🤤。我哋沿路行一直經過唔少餐廳，但行下行下都去到舊機場嗰邊，於是就求奇食一間啦。我哋揀咗「金三角」，因為見午餐幾抵食。餐廳佔據雙連舖位，我哋坐咗去非廚房嗰邊，冷氣充足啲，又唔使驚會有油煙味。座位之間有少少迫，但我哋二人坐四人枱就無乜問題😜。店舖無華麗嘅裝修，但都好有心機咁貼咗好多電影海報作裝飾。呢度嘅落單方法係自己寫食物號碼落張紙仔到，再交比店員。女店員們係泰國人，佢哋識講唔識睇，所以我喺張紙到寫咗「龍眼冰」三隻字，佢唔明問返我係乜嚟🤣。不過佢哋好好人㗎，又有交帶。泰式乾炒河豬肉($50/午餐價)，餐廳週末都有賣午餐，共六款選擇，款款一樣價錢。炒河味道唔錯😋，河粉偏闊身，似寬粉、好大塊，口感順滑。河粉嘅份量不及配料多，豬肉片同雜菜多到一個點，好抵食。伴旁仲放咗啲乾辣椒🌶️，佢其實一啲都唔辣，仲好香脆，超正。泰式燒豬頸肉($78)，🐷豬頸肉勁大碟，粗略估計有超過廿片。可能豬頸肉無乜肥膏嘅關係，所以未算燒得好脆口，但同時亦避免咗太油，兼且佢質感亦唔乾、唔柴。炸蝦餅($68)，蝦餅有多種口味，例如配皮蛋或者鹹蛋🥚，佢哋好吸引，

九龍城向來不乏泰國菜，基本上一講親九龍城，大家都會諗起泰國菜🇹🇭我多數都會去小店，比較出名果幾間我就去過其中一間嘅，環境冇錯係當然好過小店，食物其實系小店好過嗰啲出名嘅餐廳，之前幾次去九龍城都系去小店，今次都吾例外。次次去到泰國餐廳都會叫冬陰功😍🧡呢度嘅冬陰功真心好正！一黎已經feel到好濃嘅香茅同埋椰奶味☺️迎合香港人嘅口味，幾乎唔辣，不過湯嘅味道已經夠濃。入面嘅料好足，有好多蝦肉同埋秀珍菇，蝦肉隻隻都好爽口彈牙。炭燒雞串比想像中好食😋見到店員系用新鮮炭爐燒，難怪咁有風味，食落系好香嘅炭燒味，又吾會話系燒焦咁。雞肉件件都好嫩滑，沾上沙嗲汁更加美味。原本想叫燒牛肉，店員話賣曬🙈佢推介咗燒豬頸肉比我地，味道其實都好正🤩每一塊都好長，夠乾身又吾會over，咬落系幾爽口，炭燒味都好明顯。呢間有款好特別嘅炒飯，就系蟹膏炒飯，開始叫戈陣都有啲驚會吾會系伏🙊食咗就知一啲都吾伏，仲好好食😍就咁睇系睇吾到蟹膏，食落口先知蟹膏味淡淡哋好好味，冇諗過同炒飯可以咁match😊呢度嘅泰式奶茶堅係好飲😍🧡平時飲泰式奶茶都驚會太甜，呢度嘅又唔會有呢個情況，奶同茶味都好香濃，茶底又唔會話好苦，神還原正宗泰式奶茶嘅味道

😂食正宗泰菜當然要去九龍城今日同朋友試左一間泰國人主理的泰菜，店舖裝修簡約，坐位不多，經過門口傳出陣陣串燒的香氣，令我食指大動😋午餐的menu有幾款粉麵飯選擇，連埋飲品都係$50，性價比高😍我們選了幾款食物，有泰式炒金邊粉，炒椰菜苗，同串燒🍡🍢我們對於金邊粉評價都幾高😋，味道甜甜酸酸好開胃，麵條係一條條炒得乾爽分明，配料豐富🍝椰菜苗炒得嫩綠，唔會太辣，配料d脆肉好好味，食落好似脆d豬肉乾🐷正👍燒雞翼🐥。。我自細鍾意食依家天氣凍凍地，推介必食即燒的熱辣辣雞全翼同豬肉串燒，keep到外脆內juicy💓醬汁都好好味💕飲品仲有泰式奶茶🥤又香又滑，鐘意奶茶的朋友仔不妨一試🎉龍眼冰解渴又清甜，每次食泰菜必點😂總結：食物質素高，店員很nice，用餐過程很愉快，下次經過會再幫襯🥰