Seafood Stand (已結業)

前排尼度都推出咗龍蝦包，終於有機會去食到喇！龍蝦肉真係無得頂肉質結實彈牙，十分鮮甜！而且龍蝦肉份量亦唔算少。麵包裡面加咗蛋黃醬，亦食到有牛油香味，配埋龍蝦肉一齊食，三種味道都幾夾。麵包外層應該有微微烘焗過，但無乜脆口感覺，若果可以整得脆返啲就仲正！嘩～條饅魚差啲長過隻木碟呀好似個漢堡包伸咗條脷出嚟同我打招呼咁，見到真係流晒口水！雖然鰻魚唔算係我食過最厚肉地嘅，不過肉質同味道都唔錯，亦唔覺有幼骨，可以盡情大啖食！原隻開邊龍蝦，與芝士蒜蓉尼個配搭應該係無得走雞。龍蝦無overcook，肉質仍保持嫩口。千其唔好miss咗龍蝦頭入面啲膏呀！以尼個價錢睇，原隻龍蝦比起個龍蝦包抵食得多喎

喜歡整包, 也喜歡食包, 即使不買包亦喜歡走進不同的麵包店, 看看各式各樣的包包已滿心歡喜, 但......諗諗下好似已有一段時間沒有吃過漢堡包, 在朋友介紹下, 得知有間以漢堡和海鮮為主打的店子, 兩者同是我的心頭好, 聽到都流晒口水, 又怎能忍得住, 一於放工後馬上拉埋同事去試試, 萬分期待。 東大街也算一條食街, 開滿不同特色的食肆, 的確可吸引不少人專誠前來搵食, 當然競爭亦相對大。店子處於有利位置, 一出地鐵行5分鐘便可, 加上鮮黃色的門面, 非常搶眼, 絶對可吸引路人的注目, 加上又紅又黃的光管招牌高高掛, 門口還放了餐牌和貼滿有關報導, 無愁找不到它。走進內裏, 灰泥水的牆身配木地板, 牆上掛了兩大塊寫滿菜式的黑板、多幅富歐美色彩的海報、古式的鐵牌等等, 而最搶眼是畫了一個正吃漢堡的青年人, 看見他如此享受的樣子, 我也要快快坐下享受一番。店子長方形的格局, 一入門便有一個吧枱, 左邊設有四排二至六人的枱子, 而右邊則預設四五張二至四人的枱連一排長沙發椅, 每邊枱與枱空間不多, 是晚差不多坐滿人, 洋溢着歡笑聲, 氣氛熱鬧。站在門口時己細閱餐牌一會, 餐牌設計精美, 還以

前排趁餐廳未收爐既時候 食左呢間專門食海鮮同漢堡既餐廳 ☺️ 最新既餐牌裡面有呢排好興既龍蝦包—龍蝦司令卷(HKD118) 份量比我想像中大好多 烤包十分香脆 牛油味濃烈 當然裡面有啖啖肉既龍蝦😍😍😍 龍蝦肉質好厚實 好鮮味！再加上 mayonnaise 係司令卷裡面 惹味十足😚香烤鰻魚漢堡(HKD83）Seafood Stand既漢堡除左多樣代之外 味道同食身質素亦都好出色😋 呢個香烤鰻魚漢堡特別推薦 漢堡夾住一條超級長既鰻魚 再配上京蔥同鰻魚汁 惹味非常 亦好有日本既風味😍之後仲叫左D小食同野飲洋蔥圈(HKD34)食慣左薯條可以試下呢個洋蔥圈外層既炸粉唔會太多沾上茄汁特別好食 （好似話其他分店既茄汁係餐廳秘制 但此分店暫時未有）Chocolate Monkey （HKD42）呢個smoothie出奇地好飲!呢杯野超級足料 飲一啖已經感覺味道好豐富裡面有朱古力、香蕉、士多啤梨、多種berry、菠蘿⋯⋯ 仲有LOW FAT YOGURT 大大減低罪惡感呀!