BEL CIBO Seafood Bar & Restaurant (已結業)

呢日朋友做完好大份功課，梗係要帶佢出嚟食下好野啦！厚福街多野食就係人都知，但原來行到最篤嘅呢一棟H8入面有好多特別、不為人知嘅好食餐廳！喺openrice search左search，見到呢間bel cibo都幾多人推薦，就一於試下啦因為我哋6點幾就上到去，所以餐廳都未有好多人客。但過咗一個鐘左右已經座無虛席喇！大家要試嘅話可以book定枱呀一上到去老闆同侍應就好熱情咁招呼我哋，又同我哋好詳細咁介紹餐牌上嘅野。最後我哋兩個人嗌咗頭盤、主菜、甜品、野飲，每樣分別兩個。一開始上嘅係野飲。老闆同我哋講happy hour嗌cocktail嘅話會有半價架，鍾意同朋友飲嘢嘅大家不妨考慮下嚟bel cibo 呢個係Peach & Pink Grapefruit Smoothie，酸酸地好開胃，同埋peach好好味，好fresh第二個係Cookies Banana Milk Shake，好正！最正嘅位係上面有幾塊oreo+威化餅香蕉味好濃，岩晒鍾意食香蕉嘅我！兩杯野都好大杯，細食嘅人或者可以叫唔milky嘅野飲，無咁滯 跟住就上頭盤喇！呢個係香芒鮮蝦塔野菜沙律，好足料面頭有芒果，下面係用鮮蝦同粟米等

呢晚嘅目嘅地係BEL CIBO Restaurant，lift門一打開就係餐廳嘅半開放式入口，黑板上仲寫咗當晚嘅優惠同廚師推介。餐廳入面掛咗唔少油畫。天花板就有數盞水晶吊燈。主餐牌圖文並荗，都幾清晰。有好多都想食，最後只係試咗幾款。Cookies Banana Milk Shake，沙冰用鮮香蕉同Oreo打成，再用唔同大小嘅原片Oreo點綴，甜味濃郁。煙三文魚凱撒沙律，煙三文魚捲成兩朵玫瑰花咁，食起嚟帶微微鹹香。羅馬生菜配車厘茄、巴馬臣芝士碎同煙肉乾，口感爽脆，當中嘅沙律醬份量充足，可以均勻咁沾晌蔬菜表面。龍蝦薄餅上面有原隻波士頓龍蝦晌度，賣相非常吸引。餡料入面嘅龍蝦肉都係嚟自呢隻波士頓龍蝦嘅蝦身，當中仲有三色椒、洋蔥同雜菌等等，整塊薄餅都佈滿芝士，批邊質感脆，猶如比較厚身嘅餅乾咁，醬汁就酸酸甜甜。至於龍蝦身就係裝飾性質，龍蝦鉗就可以拆肉嚟食。炭燒日本活性水飼豬鞍，聽侍應講餐廳採用嘅豬鞍係取自等級比黑毛豬高嘅日本活性水飼豬，仲用流質飼料同礦泉水飼養，上網睇佢仲係標榜無菌嘅。由於肉質優，所以餐廳只係燒到七八成熟左右，食起嚟外微焦，內爽腍有肉汁，唔蘸燒汁都夠美味。伴碟嘅蔬菜有新薯、法邊豆同

這天放工後與同事們來了位於尖沙咀厚福街的H8先來個多國菜晚餐，再到金馬倫道食抹茶甜品！餐廳環境以黑色和灰色作主調，有數個可以望窗的大卡位，滿闊落的坐得很舒服！臨近聖誕，餐廳已佈置了不少聖誕裝飾，很有氣氛呢！店員附上的餐牌，圖文並茂充滿色彩的，看上去很多菜式都好吸引！食物主要分為沙律、頭盤、湯、主菜、薄餅、意粉和甜品等。（主餐牌在文末）Floris $68餐廳有供應不同口味的手工啤，每款約$68，很貼心的可以試岩味道先叫。與友人都分別試了蘋果、芒果和蜜糖口味的手工啤，連不好啤酒的小妹都覺頗易入口，入口不苦，水果口味的會有陣陣清幽果香，蜜糖味的會比較香甜一點。Lime & Green Apple Fruit Soda $58檸檬梳打內配有一枝有青蘋果醬在內的針筒讓客人自行加上，頗過癮的，味道就是平常的糖漿x梳打。同事點的Mango Smoothie $58巴馬火腿伴蜜瓜 $108軟嫩的巴馬火腿和蜜瓜一向是絕配，淋上清甜的蜜糖後，更能突出巴馬火腿的鹹香，好食！香辣燒焗豆腐 $68豆腐面頭加上燒汁、醬油、沙律醬和七味粉一齊燒焗過的，豆腐入口十分嫩滑，沙律醬味道很明顯，亦帶來燒焗過的惹味感，小妹