三原 (已搬遷) 新店位置

因老公生日，所以食餐好嘅慶祝點左$1280 嘅superior set(忘記了影menu)，有前菜，茶碗蒸，甘鯛，龍蝦，鮑魚，厚燒和牛，蒜蓉炒飯，麵豉湯同甜品。甘鯛師傅將個皮燒得好薄好香脆，龍蝦同鮑魚都好新鮮。特別欣賞師傅為鮑魚調配嘅3種醬汁，有海膽汁香草牛油，鮑魚肝麵豉醬，同埋蕃茄乾蔥XO醬，3款同個鮑魚都好夾好好味。蒜蓉炒飯都係超好食之選！餐廳仲送左份蘋果crepe比壽星仔，好開心😄另外一讚staff全部都好有禮貌，服務亦非常好，一定會再次黎幫襯😋😋

見三原新開，黎試下日藉廚師主理既風采。將軍澳以前係美食沙漠，但而家真係多左好多好野食，連咁高質既鐵板燒都有！今次中午黎食，早一星期就book定位！一入到黎，可以坐中間位 ，望住師傅點整啲食材！正呀！今次叫左兩個lunch set，一個係甘鯛魚，一個係龍蝦加和牛。首先講下甘鯛魚，手掌咁大既甘鯛魚，望落唔大，但食落真係好有驚喜呀！ 師傳將魚皮成塊起左出黎先，再炸到佢啲魚鱗一皮皮橋起，食落去冇油炸味，仲好脆好爽！超正！而啲肉就好滑好滑，又夠結實，配埋師傅特製既湯汁！又鮮甜，又唔漏！真係好食到湯到飲埋佢！之後就到重點中既重點！龍蝦！ 係呀，今次個龍蝦真係仲正過和牛！半隻龍蝦，幫佢起埋肉呢啲就基本啦！最重點既係！啲龍蝦湯汁！！！ 師傅話係由20幾隻龍蝦熬成，成本仲貴過食果隻龍蝦呀！ 仲配埋精選既面包，比你點埋啲汁黎食！真係一滴都唔好晒！龍蝦真係好新鮮，又彈牙又鮮甜！食過番尋味！然後就到和牛， 反而覺得和牛比上面兩樣比下去， 啲牛都係油脂分布好靚，師傅都煎得岩岩好5成熟，好香，好多肉汁， 但啲牛就有小小小小筋，同埋食完上面時野小小飽，所以再食就比較漏，但都一樣係好好好高質嫁！ Lunch set仲