發哥粥底海鮮火鍋 (已結業)

這個粥底火鍋真的很好吃，材料極之新鮮，放入粥鍋時還會郁動的，龍蝦彈牙，蟹肉夠實夠鮮甜，聖子，扇貝，蜆，蝦一樣鮮味十足。牛肉雪花夠平均， 黑豚肉都係肉味濃。小食冰填心鮑魚好好味，大大隻又彈牙最後個粥真係所有精華盡在這裏，超鮮甜。這裏夠闊落，又沒限時，可以慢慢食，有時去工業區食飯食得更舒服，沒有壓迫感😊

同事成日話發哥打邊爐好正，搞到我期待左呢餐好耐，特登揀happy Friday過黎打邊爐🤤黎到發現發哥個場好大，門口去飲料區嗰度應該唔止100米！個場咁大都全場滿座，厲害！好彩我地一早book左台姐。每人可以揀一款主食，龍蝦/海蟹/大胃王海鮮套餐。一開始先來2碟小食，係花生同青瓜，花生煮到好林，青瓜酸酸辣辣好惹味！接著一人一盅燉湯，呢個湯好足料，好好飲😍勁想叫佢黎多盅😂如果湯都係任飲就正喇再來蒜蓉泰醬焗青口，有泰式風味既青口，幾特別。一盤新鮮海鮮終於送上，非常吸睛，聖子超級大隻，好多肉，好鮮甜爽口。帶子又係好大舊，好爽口，一絲一絲咁，好靚。鮑魚本身好怕會un，點知好易咬開。啲蜆好似食極都仲有🤣熟左既龍蝦好容易就成舊肉起左出來安格斯牛肩肉好靚，好少肥肉，每食完一啖口腔都充滿好香既牛肉味，證明啲呢啲牛肉好靚👍🏻食完海鮮仲有8款自選既食物，好多野食！最後就係另一個重點：粥！侍應拎左蔥、芫茜、菜圃，撈攞啲粥同湯底度，雖然好飽，都忍唔住食返2碗粥😚呢度食物豐富，啲座位又好好坐，好闊落，好適合一班朋友黎烚下烚下🤩

我要比兩個讚，第一個讚是老闆精明，日頭是360冰室，晚上就變做海鮮粥底火鍋，節省成本之餘，回饋食客可享有高質素的食材。第二個讚是有豐富經驗的買手入貨。選購生猛的海鮮，極鮮甜，如出去街市買都唔平，超抵食。餐廳環境都幾大，坐位都很寬闊，坐得很舒服。我們點左🦞龍蝦餐和海蟹餐，超正 ，有半隻龍蝦，肉質爽甜和勁多膏，無得輸。海中蝦肉質彈牙鮮甜，滿足感滿口，肉蟹肉質結實、新鮮。重有鮑魚、聖子皇、貴妃蚌、多寶魚、蜆、牛肩肉、泰式甜辣醬青口、蝦滑和墨第魚滑八款火鍋配料，食哂海鮮到最後有專人幫手煮粥，粥很綿融合海鮮的鮮味，加南瓜芋頭粟米美味絕頂，雖然我很飽也慢慢吃哂全部粥，因太好味 。另汽水🥤和竹蔗水也任飲，前菜係手拍青瓜好入味唔錯，雞腳也很爽。姬松茸燉湯就好清香、甜，總之非常豐富。帶著滿意開心回家。有機會一定再惠顧。