八〇

营业中

休息中

即興資料蒐集搵到呢間Cafe，嚟到果然冇令我哋失望！地點唔算太難搵，第一眼嘅印象係依家好流行嘅工業風。當我哋行到入去，工業風之中有唔同植物嘅裝飾品做點綴，感覺就好舒服未坐低之前，Cafe員工態度十分親切有禮，主動介紹menu不會令人不自在。Cafe主打all day breakfast, 我同男朋友都分別簡咗龍蝦同期間限定嘅明太子手羽 而野飲就係期待咗好耐嘅髒髒咖啡同埋美式咖啡野飲首先嚟到，髒髒咖啡入口首先係香濃嘅咖啡，之後一股奶香緊隨其後衝，呢種先苦後甜嘅感覺十分過癮而美式咖啡味道都非常濃厚，咖啡迷一定唔可以錯過嘢食無耐就嚟到，碟仔細細但放滿咗唔同嘅野食，茄汁豆，蘑菇，腸仔炒蛋呢啲一貫all day breakfast 嘅野食，最特別係明太子手羽！龍蝦相對比較無咗出色，不過都可以一試～整體而言，係一間幾值得一試嘅chill chill cafe

是咁的 近排睇ig見到新開cafe就去試試佢點知嚟到排隊啦 等等下見到某位staff明明幾分鐘前俾左飛仔我同另一對couple 下一分鐘就無啦啦俾左一個啱啱嚟嘅人入去我地問佢係咪唔記得左我地佢先帶返我地入去 零個唔好意思...仲要安排左我地坐係路中間嘅邊邊位姐係任何人無論肥瘦都會撞到嘅咁都算啦落單叫cinnamon roll 個人唔知係聽唔清楚定唔識 落落下掉左俾同事...食物終於嚟到 食物質素係唔錯嘅但menu又係太少野揀...整體嚟講 食物同位置都ok係職員就... 有改善空間囉😂