八〇

营业中

休息中

嚟到旺角搵野食，見到呢間cafe又有意粉同埋燴飯，就入去試吓我叫咗雞胸肉黑松露燴飯、封門柳蛋黃闊面同埋雜莓乳酪飲品🤤雞胸肉黑松露燴飯我本身唔係一個會食雞胸肉嘅人，但係呢個雞胸肉打破咗，我平時對雞胸肉嘅標籤🥳雞胸肉有調味，所以唔會好dry👍🏻另外都要讚一讚佢個燴飯，黑松露味非常之重😍如果食開黑松露嘅朋友應該會幾鍾意🤭封門柳蛋黃闊面平時都係食開普通意大利粉，好少食到呢款蛋黃闊面，闊面令到成個菜式咬落去都勁加之有口感👍🏻味道方面有濃郁嘅蛋黃味，喺濃味同淡面之間取得平衡😋封門柳方面，都非常之有牛味，雖然冇得揀熟成度，但係牛肉煮得唔會完全過熟，叫做啱啱好🥰雜莓乳酪飲品呢個野飲十分推介！就算唔嚟食嘢都可以過嚟飲呢杯飲品🤭雜莓同埋乳酪本身就係完美嘅配搭💗飲落去十分清爽，上面仲加咗啲脆脆點綴，有埋細節位好加分🤍呢度嘅餐廳環境都好好，店員都盡量安排唔使搭枱嘅位置俾客人，同埋店員都服務態度好好❣️總括而言，呢間cafe都幾值得食，如果喺旺角經過唔知食咩好，不妨試吓呢間Cafe，有個位同朋友慢慢食飯chill吓都幾唔錯架💖😚推介指數：⭐️⭐️⭐️⭐️

位於旺角鬧市既一間cafe,係門口我以為呢間係salon. 入到去係水吧位，有兩張小枱，再入去先見到餐廳cafe 格局。我去左兩次，因為個all day breakfast 太好食。餐廳播K-pop , 而且我去個時係幫韓國男團做後援會，所以我覺得係韓式cafe. 係個度坐左一陣，以為自己去完明洞cafe,成個人young 左，心情亦開心左～ 第一次去，隔離枱仲有個妹妹係度食小蛋糕🍰算係旺角既綠洲餐廳。Brunch: 1) ADB-全日經典早餐（$128）熱薯波太好食😋好食到第二次去係加左薯波。waffle 也很好吃👍🏼👍🏼👍🏼落左醋既沙律🥗都好好味😋焦糖香蕉🍌，大愛❤️，平日唔食香蕉既愛，都喜歡吃；因為本人喜歡焦糖味❤️❤️2）明太子雞翼全日早餐，明太子雞翼麻麻地，寧願叫腸仔個個全日早餐，個沙律落左沙律醬，雖然有Parma ham 但無落醋咁好味，可能係個人口味問題。Drinks1) 薄脆焦糖咖啡（$45）雖然無拉花，但甜得嚟好好味😋2）latte ,有心形拉花，味道不過不失。

📍咖啡廳定期舉辦不同的應援活動 見到餐廳外牆貼住好多個靚仔韓星 就入去睇睇( 今期係TWS韓國六人男子團體 我本身係唔識既😂) Reception位有應援包歡迎自取 好多妹豬特登過黎影相🙈除咗TWS應援餐之外 仲幾有Gimmick 提供黑白大廚menu! 🔅是日餐湯: 南瓜忌廉湯偏甜濃稠 幾飽肚🔅 蒜片意大利麵: 意大利麵吸入橄欖油的香氣 仲做到更加彈牙 橄欖油同蒜香配搭下 出乎意料地好吃 表面撒上少許芝士及basal 調味 提升味道層次🔅西式麻婆豆腐: 圓筒型設計幾有美感 不過味道偏辣麻麻地 外層炸得得挺身脆口 麻婆醬汁加入少許豬腩肉 會有炸雲吞皮脆片配搭食用🔅東坡肉佐馬鈴薯泥: 參考黑白大廚白匙羹組的東坡肉與薯泥醬 將帶甜味的東坡肉汁拌入薯泥 醬汁濃而香 但又少咗奶油的油膩飽滯感 紅燒肉入口即溶 口感非常嫩 底層瘦肉一絲絲極容易撕開 配搭表面烤甘筍及小西蘭花 非常balance～🔅美國封門柳配乳酪奶油醬: 大概3成熟 睇落軟嫩 配搭好多新鮮甘筍同西蘭花 乳酪醬好開胃🔅 栗子提拉米蘇: 低糖感覺健康 食落口感唔太似tiramisu 蛋糕比例較少 食到唔少栗子粒粒 足料

上次舊朋友約出嚟聚舊食個午飯，旺角地區比較就腳。上網見到呢間Cafe好多評價，一於就試佢啦。星期六午餐食飯時間，都幾多人，等一陣先有位，所以係出面等待期間，我哋已經睇好餐牌，準備點嘅食物。我就揀咗香辣蒜片意大利麵（$68）。每一啖都惹味香口，蒜味十足。朋友就揀咗法式紅酒牛面肉手工闊蛋麵（S168）。手工麵，扁扁平平，幾好口感。牛肉炆得好入味，而且啲肉好淋，好易撕開。仲有西蘭花同翠玉瓜做配菜。飲品方面，點咗兩杯創意特飲，一杯係西柚咖啡湯力（$48）；另一杯係提拉米蘇咖啡沙冰（$55）。

最近我去咗八〇，呢間餐廳以法式料理聞名，環境優雅，非常適合享受悠閒的晚餐🍷💫 我點咗個牛肉紅酒燉，$168，味道真係好正，牛肉煮得軟嫩入味，配上濃郁的紅酒醬汁，令人一試成主顧😍💫牛肉紅酒燉 呢個牛肉紅酒燉真係一絕！每一口都充滿了紅酒的香氣，牛肉軟滑得來又不失嚼勁，搭配埋啲時蔬，簡直係完美嘅搭配🥕🍖 這道菜不單止味道好，還有著色誘人，食到令人心情大好！🎶🎶🎶Indulge in the rich flavors of Beef Bourguignon at 八〇, where tender beef meets a luscious red wine sauce for a truly unforgettable dining experience. This dish is a must-try for anyone looking to savor authentic French cuisine in Hong Kong.

早排個個都喺度講黑白大廚⚫️⚪️入面好多菜式都真係好想試吓！香港竟然有Cafe可以呈現返入面嘅菜式 參考咗神級大廚嘅製作方法同埋材料配搭👩🏻‍🍳不過我會話始終都係gimmick 質素非常普通 無令人特別想再食多幾啖嗰種🥹（唔知係咪因為同黑白扯上關係就會令人期望過高🤣🤣🤣）試過就好1️⃣撕漫男東坡肉佐馬鈴薯泥 $148東坡肉幾腍幾入味，薯蓉都Creamy，但係冇乜特別🙈2️⃣西式麻婆豆腐 $78布甸狀嘅麻婆豆腐外皮炸脆，入面軟腍腍，加上辣油再配雲吞皮食🌶️3️⃣栗子提拉米蘇 $88好多栗子蓉，但係冇乜酒味同咖啡味，比較似雪糕嘅質地🌰

📍八〇 (旺角)旺角豉油街27號地舖黑白大廚喺Netflix熱播，好多食物都好想試，今次嚟到旺角有黑白大廚Set，價錢實惠，食物高質大份，餐廳裝修水泥風，坐得舒適，好期待個栗子甜品。🔲黑白大廚SET$498☁️daily soup南瓜忌廉湯南瓜味重，非常濃郁，天氣凍凍地好啱飲☁️西式麻婆豆腐麻婆豆腐一大件，外邊炸得脆口，辣度適中，旁邊有兩個雲吞皮，口感豐富☁️蒜片欖油意粉 正常發揮，如果蒜片再多啲會更好食，意粉份量多，軟硬適中。侍應會即磨芝士🧀，超級邪惡☁️辣椒奶油醬6安士美國封門柳擺盤非好靚，辣椒奶油醬，口感特別，少少辣，配上粉嫩封門柳，旁邊配菜西蘭花苗新鮮☁️東玻肉佐馬鈴薯泥東玻肉好軟腍，豬肉肥嘟嘟，好正，馬鈴薯加上東坡肉汁，好creamy ,好夾，好好食☁️栗子提拉米蘇 期待已久，栗子醬🌰好多，小小栗子粒，提拉米蘇好smooth ,少量酒味🍸coconut coffee越式咖啡椰奶沙冰椰奶冰好濃味，加上香滑咖啡，好飲#旺角#旺角美食#mongkok #香港#hongkong#hkfood#hkfoodie#食好西#相機食先#手機食先#香港好去處#週末好去處#甜品#dessert#黑白大廚#e

7:25去到餐廳 7:30落單 叫左個應援餐 只能講個飯一d技術性可言都冇 唔明點解要等成個鐘 已經8:00問左一次好聲好氣 提下係咪留左單 8:15仲係冇 要再提多次 先至承認廚房漏咗單 好心漏咗就早啲同我講啦 我直接唔要 連遲我半個鐘入嚟嘅客人都有野食 仲要係需要時間嘅炸野 問左2次都冇任何回應 8:30終於都有😂😂 個飯係咁嘅 認真要整1個鐘咩😂😂😂

公司要清假，今日約左個舊同事喺佢公司附近食野，peak hour預左會勁多人所以我預早入定餐廳等佢。🥩香烤美國封門柳配薯菜（$238)🌶️香辣蒜片意大利麵（$68)🍨甘栗天使牛角窩夫配雪糕（$82）美國封門柳肉味香濃，肉質軟腍，厚切食落有肉汁，生熟度同賣相都符合預期。意粉唔會太辣，上菜時夠香，麵條軟腍度適中，喺旺區呢個價幾抵食。甜品品質都可以，甘栗蓉低糖，牛角窩夫幾脆口。餐廳店員工有禮貌，主動換碟。

每次放假都會探索下本地啲文青cafe，支持返本地餐廳，偶然同朋友搵到呢間係旺角文青小店，睇得出佢地好用心經營，無論環境服務食物都真係睇得出果種誠意🫰最重要係價錢貼地，好岩年青人黎！香烤美國封門柳配薯菜8安士嘅牛都係$238, 質素超晒班，粉嫩多汁，做到入口溶化。性價比極高。三文魚牛油果油醋汁沙律用上健康牛油果酒，用料上幾有心思，三文魚同菜亦好新鮮。牛油果醬薯條牛油果味幾出到，覺得個醬做得好出色。薯條好香唔會油淋淋。呢間cafe幾推介🫶🏻

專一係一種習慣，係一種改唔到既性格，噴開果隻香水，就會沉迷同一隻香味，著開果件衫，就好唔捨得棄舊迎新，用開果部電話，唔係咁易追第二款型號，所以我去開旺角，都一定去返呢間餐廳「After Eightys」，絕對不二之選。👇🏻📌Signature Set - $568/Two ▪ Appetizer - ▫「開心果慢煮雞胸凱撒沙律」雞胸經慢煮食落相當嫩滑，完全唔乾身，最關鍵個part就係加左大量開心果碎，好有咬口，生菜新鮮爽脆，再加埋開心果醬成件事口感更加豐富。▫「牛肝菌意大利雲吞」ravioli外皮煙韌彈牙，加左牛肝菌增強唔少濃郁香味， 仲有巴馬臣芝士、白松露做到提鮮效果，最後既巴馬火腿突出整個鹹香，好食。▪ Soup - ▫「南瓜湯」入口南瓜香味濃郁，面頭有d香草，口感細膩。▪ Main - ▫「香煎封門柳」chef煎到5成熟岩岩好，牛味相當濃郁，油脂位比較少，食落啖啖肉，極緻爽彈；旁邊既原條澳洲茄子落左巴馬臣芝士、牛油果蓉、自家製麵包糠一齊焗，入口即化咁制，夠哂腍滑，超好食；仲有d炸過既薯波、翠玉瓜、baby carrot、baby broccolini，底汁仲有紫薯蓉同埋法國芥辣，

帶屋企人嚟食午餐，估唔到呢間年輕路線嘅cafe又幾岩佢食喎，證明啲野食真係好掂！！！cafe都幾多座位而且幾寬落，坐得舒服好重要架👍👍啲野食就全部我揀嘅：火炙春雞半隻配薯菜 、明太子手羽全日早餐、甘粟天使牛角窩夫配雪糕。火炙春雞好滑嫩，睇落以為細隻但其實啲肉係厚架，個皮微脆，唔錯👍明太子手羽全日早餐我地都比好高評價，因為個雞翼太出色啦，入面嘅明太子好足料，咸香味好出眾！當中嘅窩夫🧇內裏麻薯，口感好好，好加分！甜品都有好幾款揀，我地個甘栗天使牛角窩夫配雪糕好好食，一絲絲嘅栗子蓉好香濃食完之後呀爸提左唔只兩次要同媽媽兩個人黎食😂

八O小店位於旺角豉油街，啡色門牌幾易認，餐廳以八O年代做主題，有啲元素真係裝修得幾有韻味，例如係張梳化，一格格石屎水泥磚。野食方面，個法式紅酒牛面肉手工闊蛋麵都幾出色，手工麵有咬口，真係有蛋香味的！紅酒牛肉炆得夠淋，味道好得！西班牙紅花海鮮意大利飯嘅海鮮果然夠鮮,有大蝦同青口數隻，risotto個汁味道都好岩我！三文魚牛油果油醋汁沙律，面頭有舊卷到花形嘅牛油果。影下相幾靚，最正係份量好多，生菜好嫩！薑黃檸檬薑茶，都幾多特色野飲，呢杯薑茶係健康不二之選！

Came here on a Sunday for lunch. The weekday and weekend lunch menu is the same, except no free drink during weekend. We ordered the following:Chicken Breast Caesar Salad 🥗$58. This dish was good value for money lots of chicken breast and fresh romaine lettuce. It was delicious and up there with any Caesar Salad from any fine dining establishment in HK. Smoked Salmon Mentaiko Pasta $78. Rich, creamy and filling. They used dried shrimps for the mentaiko flavour. Red Wine Beef Linguine $88.

搵到間正嘢！呢排見社交平台有個fd試左呢間餐廳，野食睇落都好吸引，於是放假我都入左黎食。個位置好易搵，旺角豉油街果頭。入面嘅佈置幾有特色，由其佢個吧枱位同部份嘅牆，有啲水泥磚，成功吸引到我打個靚卡火炙春雞半隻配薯菜，話就話半隻但我覺得好大隻🤣🤣雞皮香脆裏面嫩滑好多肉汁～可以點埋個茄汁食～呢碟$158好抵播煙三文魚班尼迪，$82有兩件，勁流心嘅半生熟蛋，非常滿意呀！煙三文魚又唔會好薄，足料夠誠意！牛油果醬薯條又係勁抵，呢個份量明明係好多但都係$68咋！牛油果醬好幼滑同食得出係用左靚牛油果黎整呢間cafe真係好chill好正，值得再食👍👍👍