龍門冰室 (已結業)

今次去龍門，除左鮑魚非常好食之外，野飲亦都非常好飲，今次我就試下個扒餐。個扒夠曬大塊，有埋4隻吉列蝦都只係$95。😆😆我每次都會飲latte，今次試下飲龍鳳檸樂，都非常夠gur今次晚上六點幾黎到食，好采岩岩有兩個位，就同朋友入黎食。今次難得星期六晚上有時間，真係要食，今次特登點埋小食，試下椒鹽雞翼，雞翼好有椒鹽味，吾算好咸，好夠味、入味而有惹味，今次想食芝士西蘭花，可惜賣晒，下次一定要試。👍🏻👍🏻👍🏻叫咗一個小食，再叫一個扒餐，兩個人食完又夠飽，都不過150蚊都吾洗，出面真係搵吾到。😊😊😊😊呢度份量大大份，銅鑼灣真係好少有。下次經過Times Square附近，一定會再嚟幫襯。☺️☺️☺️

Happy Friday Night有咩好做？梗係去銅鑼灣行下街食下飯☺️自從上次係百樂中心覓食完之後，發現原來時代廣場後面一帶都有好多好野食😋臨近月尾，洗得七七八八，就入一間唔算貴嘅冰室食飯啦！龍門冰室嘅野食好多元化，當然唔小得平時係冰室必備嘅鐵板、西式小食等等今晚係鋸扒夜，我同朋友一人叫一個扒share嚟食我嗌咗龍蝦汁配西冷扒，龍蝦汁好有鮮味，不過其實唔洗點汁本身塊扒都有味，而且分量夠曬大，啱曬我呢啲食肉獸😋朋友就點咗羊架，羊架雖然肉質好淋，不過份量就同我個西冷扒差天共地啦🙈，肉比較少，唔夠喉呀😟朋友點嘅呢杯菠蘿冰就非常足料，半杯係菠蘿，另一半就係糖水加冰，非常解渴我點嘅呢杯龍鳳可樂非常有誠意，有3大片檸檬同半個醃咗嘅青檸，食完咁多熱氣野，飲翻啖喉嚨瞬間舒服曬😌另外，餐廳做緊推廣，每人食滿$70即可加$20任食雞翼，共有三款：蜜糖、土匪、椒鹽，唔洗驚食唔飽呀！題外話，其中一樣最令我印象深刻嘅係佢嘅玉子燒，恕我見識少，我真係第一次見冰室/茶餐廳有玉子燒食，真係好驚訝，無諗過玉子燒都可以當正餐食🙀下次要叫嚟試下先

天文台近來起勢話會落大雨，結果兩星期都時雨時晴，大胃梗係唔理，照約胃民出嚟去沙灘游水，游完水脫水又脫脂，又渴又餓，喺銅鑼灣平平地咁食個茶記就至啱喇茶記上菜快就梗㗎啦，其實水吧更快手奶茶依然好有茶記水準，紅豆都幾腍夜晚飲奶有助安眠，我估咋第二快就係上湯，嗗一聲飲晒落肚雜扒果然唔係惹小，層層疊咁，頓時冇乜信心清得晒𠻹玉子燒好有黑松露味碟意粉又幾多海鮮㗎喎估唔到冰室都有雞翼放題，呢個世界真係咩都有可能