上海婆婆336 (iSQUARE國際廣場)

营业中

休息中

食上海野高CP值我通常黎呢度，食到飽都係4舊水都唔洗。京蔥手切牛肉包香蔥味牛肉餡夠味，加上煎香，個底脆脆，係好食啲。336炒飯有蝦多配料，應該加左少少美極炒？食落有個種獨特香味，食落有少少濕潤同醬油香；椰菜花砂窩炒，比較惹味；至於酒糟滑魚片，老婆貪佢無骨，酒糟甜做汁底好滋味，一d腥味都無。綠茶芋泥餅可算係比較特別嘅甜品，外表綠茶色，最好味嘅部分係圍住好香嘅芝麻，同埋香滑嘅芋泥。環境服務ok，商場位置方便。

上海菜係🐻大愛中國菜系之一❣️「上海婆婆336」一向以平民價錢提供精緻高質滬菜，當中小籠包更係一絕😍今次就去尖沙咀店刷返餐🤪.🍴336上海小籠包💰$38（4隻）必食點心🌟一上檯已經冒哂熱♨️輕輕一夾頂部，整個小籠包可以盪鞦韆咁搖吓搖吓😍證明皮厚薄適中，啱啱好承受到包內湯汁，做到薄而不破👍🏻一入口充盈湯汁立即爆發💦帶豬肉鮮味又唔會太油膩😚蘸埋醋食更有提鮮作用，正😆.🍴話梅花雕醉雞💰$88雞肉皮薄，肉質嫩滑😙好香花雕味，酒味唔會太重😌份量都好多下，啖啖肉😝.🍴紅燒獅子頭💰$78獅子頭肉質鮮嫩，口感軟糯鬆化，配以香甜濃郁紅燒醬汁好好味😚旁邊仲有小棠菜、荀、菇片等配料，夠哂豐富😍.🍴336炒飯💰$82用醬油炒香，加入蝦仁、椰菜絲、紅椒青椒絲、火腿🔥炒飯粒粒分明非常乾身，雖然顏色偏深但唔會好鹹好濃味，當中仲帶少少辣，添加幾分惹味🌶️.🍴醬燒茄子💰$68醬汁炆煮過後嘅茄子綿軟細滑，濃郁入味😋送飯一流🤤.餐廳裝潢設計以工業風為主，再加入中式元素，夠晒特別🤓而且地方非常寬敞，坐得好舒服😌如果喺iSquare睇完戲拎埋飛尾仲可以有折扣🤪性價比非常高❤️

作為一個熱愛中菜又唔揀飲擇食既人，今日約左朋友係尖沙咀isquare食個quick dinner。因為好耐無食過小籠包，所以就揀左上海婆婆360 。店面十分大，8點左右去到已經等緊位了，但等左1張枱之後就入座了。上海婆婆就聽得多了，但點解呢間叫360呢？原來係有由來既，336謝謝儂！呢張比較少人留意既餐紙都好多歷史同小知識架，等菜個陣可以睇下。一坐低飲返啖熱茶先，記得以前細細個都唔鍾意飲茶，但人大個之後就會識去品嚐茶既苦澀。位於旺區高級商場，但價錢都算正常，難怪甘多人肯等。見到餐牌有款好特別既麻辣小籠包，甘岩我又想食小籠包，又鍾意食辣，所以毫不猶豫就點左了。上菜速度都算快，雖然睇落好似同一般小籠包無咩分別，但睇真d會睇到白色既外皮帶有少少紅色。好期待到底有幾麻有幾辣。我慣左食小籠包會咩都唔點試左原本既湯汁先，一吉穿湯包，見到麻辣湯汁偏淺色，只有少許辣油，並唔覺得會好辣。食落口感覺唔到有麻既感覺，好似係沾左辣油一樣，並無特別。黃金四季豆，故名思義就係用咸蛋黃炒既四季豆。我覺得無論係咩食材，只要用咸蛋黃煮一定唔會難食。更難得係呢碟四季豆十分嫩，完全唔會有渣，一直食唔停口。雖然膽固醇好高，但

 好少係I-square食野...印象中個到既餐廳有babycafe, monster sushi, 丸龜製麵, 山頭火, 泰國同Vietnam 野, 滿記, 蟹, 炸豬扒同Te...今次黎到發現滿記轉左做茶木(上次都係, 但唔記得左), babycafe轉左做Luxe(Langham oyster buffet)...我地就去左茶木對面既上海婆婆336...上海婆婆我就食過一次, 記得有婆婆粒粒炒飯, 都OK既...但呢間就無呢個炒飯...我地叫左既有336炒飯, 婆婆擔擔麵, 336上海小籠包, 麻辣小籠包, 魚籽煙燻蛋, 凍什果酒釀丸子…魚籽煙燻蛋: 有得一隻2件咁叫都幾好, 唔會食唔哂…糖心蛋好靚, 有橙黃色既心…但無煙燻味, 咸味亦失奉…魚子有咸味, 但份量少, 無咩幫助… 336炒飯: 顏包同南小館既老干媽年糕一樣(可以睇我食評), 睇落去好似好咸咁, 但事實就唔係…有少少少少辣, 因為有紅椒絲, 青椒絲, 我仲見到有d黑椒(?)…仲加左d生菜絲, 所以無咁漏…飯粒粒粒分明, 而且干身…仲有好多蝦仁…不過有少少油…婆婆擔擔麵: 麵條好有彈性, 好好咬…又唔會太淋…肉碎無咩點

七個人用八人圑購：$168 x 2，價錢合理，但份量不夠，自行再叫食物才夠飽；酸辣湯味道ok，不是太辣；餐前小食好吃：雞絲粉皮皮夠滑醬汁味道好味、四喜烤麩味道可以；玫瑰菜炒魚絲，魚絲夠滑；336炒飯：普通了些；炒麵過油；香蕉高力豆沙：皮軟軟的，內涵不是太甜。整體份量不多。而服務員態度麻麻。

早陣子，看見$98一個團購餐，心想物超所值，姑且買了一試；最初的打算，是去到，然後再加點食物，叫做比個機會佢。早在一個多星期前，我已致電去餐廳訂檯，接電話的女店員，語氣很差，完全不想接聽似的，她問了我貴姓後便掛線！我感到奇怪，為何她不問我電話及團購單號碼，於是再致電去餐廳，結果回覆是「不需要」，然後又是冷冷地掛線！到訂檯那晚，我準時去到，門口的女店員(不知是否同一人)，竟然說沒有我的訂檯紀錄！那我之前早一個禮拜訂來幹甚麼？！那位負責電話訂檯的店員，實在太差勁！我講出問題，接待員便說重新安排檯給我，但當我表示是食團購餐後，便神色大變，樣子、語氣冷漠了十倍！完全看不起人的樣子！如果覺得幫襯團購餐的人，是比唔起錢食野的，那就應該不要做這種推廣！店員狗眼看人低，服務是零分！坐下後，我翻一翻菜牌，發現價錢也不便宜，而以這個服務態度，我認為不值得再光顧另外的東西，寧可肚子餓再出外覓食算了！至於那個團購餐，簡介如下：另外，「中國茶」也是團購餐內容，連免費的茶也計在內，真虧佢想得出！最後，吃畢，我一聲不響，取起袋子，連「唔該，食完，就咁走得？」都費事講！心中下定主意，以後也不光顧這集團，及向身邊認識的

團購了$98的二人餐，以這間上海婆婆既價位，唔算貴。唔知佢同其他上海婆婆有咩唔同，只係覺得貴啲。雖然環境係幾有格調，但午餐真係唔算平，所以唯有團購試下。P.S 336原來係上海話謝謝儂既諧音。336小籠包：皮薄湯汁濃，但鹹左少少雞絲粉皮：一般正常味道，油左少少336炒飯：估唔到黑椒味咁重，除左黑椒食唔到有咩味，飯入面亦冇乜配料香蕉高力豆沙：冇咩特別，冇乜蛋香