Graceland

营业中

休息中

近排壓力大，放工同朋友去放鬆一下，被一家播住懷舊黑膠唱片既酒巴餐廳吸引到，唱片機來自1965年，客人可以免費自選歌曲，聽住歌心情非常放鬆。先試左店員推介比較偏甜岩女仔飲嘅signature cocktail - GEORGIA ON MY RIND，用咗Gin酒做base，加上西瓜梳打、 Rosé、青檸，飲落去非常清新，易入口。另外順便食埋晚餐，食咗飲酒必叫既雞翼、出面少見嘅4味脆辣炸雞窩夫、黑松露蘑菇芝士漢堡。雞翼有唔同隻數嘅選擇，我哋兩個人食揀咗8隻，而且有好多唔同味道嘅選擇，又唔辣至勁辣都有，試左Honey BBQ，BBQ醬汁同炸過嘅雞翼好夾，BBQ醬汁口味厚重，送酒一流。4味脆辣炸雞窩夫包括左4種唔同辣度嘅雞柳，分別係香辣芝士粉、水牛城辣醬、南非辣椒粉、激浪Baja Blast，一上枱已經見到雞柳沾滿辣味粉/醬，辣味後勁比較厲害，口味比較獨特，出面少見。黑松露蘑菇芝士漢堡用咗四重牛肉同芝士，配料用咗洋蔥、蘑菇、生菜、蕃茄、醃菜，一上枱已經見到漢堡好厚身，餡料非常豐富，啱晒我呢個食肉獸，牛肉肉味濃，芝士微溶，夾在牛肉中間，極邪惡，漢堡包皮鬆軟脆口。

三五知己去開旺角行街，去附近酒吧歇一歇，喺柔和嘅燈光下，聽著六十年代美式Pop music，盡數心中煩惱。先點左2杯cocktail，分別係HOUND DOG HIGHBALL 同埋GEORGIA ON MY RIND，都用咗水果類調出來，非常易入口，酒精度不太高，好啱女仔飲。再點左4味脆辣炸雞窩夫、黑松露蘑菇芝士漢堡、8隻雞翼。4味脆辣炸雞窩夫可以一次過試晒4種唔同辣味，每種嘅辣味有遞進嘅層次感，辣味嘅後勁好過癮，脆身嘅窩夫配咗甜甜地嘅蜜糖漿，最最最特別係佢哋有一隻係辣味嘅蜜糖漿，鍾意食辣嘅朋友可以問店員拎。黑松露蘑菇芝士漢堡餡料非常足，漢堡非常高身，配咗自家製嘅牛肉做餡料，加咗溶溶地嘅芝士同埋蘑菇，配搭非常夾，十分推薦。